JEREMIA 25:35 - Pathien Lekhabu Inthieng (BSI)

³⁵ Chun, berâmpuhai chun tlânhmangna ding lampui nei naw ni hai a, ran ruol hotuhai khawm chun pumpelna ding nei bawk naw ni hai.

JEREMIA 25:35 ပူးပေါင်းရင်းမြစ်များ

JOB LEKHABU (THE BOOK OF JOB) 11:20

Nisienlakhawm, mi rilo mithai chu hung hlawsam a ta, Tlân hmangna ding lampui khawm nei naw ni hai, An beiseina khawm chu thlarau inthla ang chu nîng a tih,” tiin.

INPÂKNA HLABU 142:4

Ka changtieng hi thlêk la, en ta, tukhawm a mi hre hrim hrim an um ta naw hi; Kân humhimna a um ta naw a tukhawmin ka hringna hi an ngaisak ta nawh.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 25:36

Berâmpuhai khêk râwl ri le ran ruol hotuhai inrûm ri chu! Lalpa chun an ran tlatna hmunhai chu a suksiet ta si a.

JEREMIA 32:4

Juda ram lal Zedekia khawm chu Kaldaihai kuta inthawk chun suokthleng naw ni a; amiruokchu, Babulon lal kuta chun matheilovin pêk ni lem a tih, ama chu bau le bau inphâkin bieng a ta, a mithai chun ama mithai chu hmu bawk a tih;

JEREMIA 34:3

nang khawm a kuta inthawk chun suok naw ti ni a, ṭhuoi ni ngei ngei i ta, a kuta pêk i ni ding a nih: Babulon lal mithai chu nanga mithai ngei chun hmûng a ta, ama chun bau inphâkin i kuomah thu hril a tih; chun, nang chu Babulonah fe bawk i tih.

JEREMIA 37:17

chun, lal Zedekia chun mi a tir a, a hung ṭhuoi a, a ina chun lal chun a rûkin ân dawn a, a kuomah, “Lalpa kuoma inthawkin thu a um?” a ti a. Chun, Jeremia chun “A um”, a ti a. “Babulon lal kutah pêkin i um ding a nih,” a ti bawk a.

JEREMIA 38:18

amiruokchu, Babulon lal rorêltuhai kuomah în pêk naw chun hi khawpui hi Kaldaihai kuta chun pêk nîng a ta, meiin râwng an ta, an kuta inthawk chun nang khawm suokthleng naw ti ni,” a ta.

JEREMIA 38:23

Chun, i nauhai le i nuhmeihai po po chu Kaldaihai kuoma chun hung la suok an ta, nang khawm an kuta inthawk chun suokthleng naw ti ni: amiruokchu, Babulona lal kuta man nîng i ta; hi khawpui hi meia raw dingin siem i tih,” a ta.

JEREMIA 48:44

Ṭitnaa inthawka tlân chu khurthima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, Lalpa chun a tih.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel ta a. A hlawtling ding am a nih? Chuong ang thilthawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 17:18

Thuthlung chu bawsein, inkhâmna chu a lo pêk ta a, amiruokchu, hieng thilhai po po hi a la thaw ta rawp si a; pumpel naw hrim hrim a tih.

DANIEL 5:30

Chu zân chun Kaldai lal Belsazzar chu thatin a um ta a.

AMOS 2:14

Chun, mi tlân hrâthai hrâtna chu bo a ta, mi hrâtin a tha chu sukhrât thei bawk naw ni; mi hrâttak khawm inhum thei naw ni a,