JEREMIA 25:34 - Pathien Lekhabu Inthieng (BSI)

³⁴ Nangni berâmpuhai, inrûm unla, khêk ro; nangni ran ruol hotuhai, vutah nangni le nangni intleng ro; that in nina ding ni chu a hung tlung ta a, nangni chu kei nâwi neng ka ti cheu a, bêl ditumtak angin tlûng in tih.

JEREMIA 25:34 ပူးပေါင်းရင်းမြစ်များ

2 CHANCHIN SUINA 36:10

Chun, kum hung inlet nâwka chun Nebukadnezzar chun mi a tir a, ama chu Babulonah, Lalpa ina bûr le bêl ṭhahai le chun an hung ṭhuoi a, a unaupa Zedekia chu Juda le Jerusalem chunga chun lalah a siem ta a.

INPÂKNA HLABU 2:9

Anni chu thîr hmawlin sukkawi i ta, Bêlhemtu bêl angin anni chu pei nâwi i tih,” a ti a.

ISAI 10:12

Chu lei chun Lalpa chun, Zion tlâng le Jerusalem chunga sinthaw ding po po a thaw zo pha chun, Assuria lal a lungril chapo ra le a mit chapo ropuina chu la hrem ka tih.

ISAI 2:16

Tarsis lawng lien po po chunga dâm, thil tehlêm ditum po po chunga dâm khawm la um a tih.

ISAI 30:14

Chuongchun, bêlhemtu bêl chu an suknawi ang hin, hla um dêr lova kawinawiin, a hlek laia, behâr thuka mei lâkna ding amanih, tuikhura tui thâlna ding amani khawm um lo khawpin, sukkawi nawi a tih,” tiin.

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 34:6

Lalpa kâwlhnâm chu thisenin a khawp a, thâunaa sukthâuin a um ta a; berâmte le kêlte thisenin, berâmchal kal thâu dâmin; Lalpa chun Bozra khuoa chun inthâwina a nei a. Edom rama chun thatna nasatak a nei bawk si a.

ISAI 34:7

Ramsielchalhai khawm chu an ruola sât thlûkin um an ta, bâwngchalhai, bâwngchalngênghai leh; an ram chun thisen inrui a ta, an pilvut chu thâunaa sukthâuin um a tih.

JEREMIA 18:22

An chunga sipai ruol i hung ṭhuoi thut pha chun, an inhaia inthawk chun ṭap hriet ni raw se, kei mi manna dingin khur an cho a, ka kehai ta ding chun châng an kam si a.

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 23:1

Ka hlo petna hmuna berâmhai sukdara sukbohmanghai berâmpuhai chu an chung a rik! Lalpa chun a tih.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 25:23

Dedan, Tema, Buz le an barêp hmul vâwtuhai po po leh;

JEREMIA 25:36

Berâmpuhai khêk râwl ri le ran ruol hotuhai inrûm ri chu! Lalpa chun an ran tlatna hmunhai chu a suksiet ta si a.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 3:19

“Kei chun, ‘hnamhai laia chun sie cheuin, ram inhawitak chu pe cheuin, hnamhai sipai pâwlhai rochan ṭhataka chun sie cheu ka lo lungril hlak a; chun, nangin, Pa, mi hung tîng i ta, i mi zuinaa inthawk hin fe hmang ta naw ti ni’ ka lo ti hlak a.

JEREMIA 48:26

“Ama chu vairui ta u, Lalpa chu dodâlin ama le ama ân chawimawi si a; Moab chu ama luoka ngei chun inbuol a ta, ama chu mi hrilsîm hung ni bawk a tih.

JEREMIA 48:38

Moab in chungsâng tinahai le, kawtthlêrahai hmun tinah ṭap ri a um a; Moab chu bêl ditna umlo ang chun ka sukkhawi ta a, Lalpa chun a tih.

JEREMIA 50:27

A bâwngchalhai po po chu that vawng unla, sa thattu kuomah infetir ro; an chung a va rik de! an ni, anni hung hremna hun chu a hung tlung ta si a. Babulon rama inthawka tlânsea suokthlenghai râwlhai chu e!

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

ṬAP HLA 4:21

Uz rama um, nang aw Edom naunu, hlimin lâwm rawh; Nanga kuoma khawm no chu hung tlung a ta; inrui i ta; chun, nang chu ruokin insiem i tih.

EZEKIEL 34:20

“Chuleichun, Lalpa Pathien chun an kuomah hieng hin a hril a: Ngai ta u, Keiin, kei ngeiin, ran ruol thâu le ran ruol chêr inkâra chun ro rêl ka ta.

DANIEL 11:8

an pathienhai le, an milim sunga sunghai le, an tangkaruo le rângkachak bûrlebêl ṭhatak takhai chu râllâkin Aigupta rama chun phur hmang bawk a tih; chun, kum tam lem sûng chu hmârtieng lal nêkin inlal a tih.

HOSEA 8:8

Israelhai chu lem zoin an um a nih, Bêl, a sûnga lâwmna um lo angin tuhin hnam dang laia chun an um a nih.

AMOS 5:11

Chuleiin, mi rimsihai sirdein bu in lâkpêk a, lung intieng inhai in bâwl a, nisienlakhawm, a sûngah chêng naw ti niu; grêp huon inhawihai in siem a, nisienlakhawm, a uoin dâwn naw ti niu.

ZEKARIA 10:3

Berampuhai chunga chun ka lunginsenna chu a chawk a, kêlchalhai chu ka hrem ngei ding a nih; sipaihai Lalpa chun a berâmruol Juda sûngkuohai chu a hung sir ta a, indonaa sakawr ṭhatak angin a siem ngei ding a nih.

ZEKARIA 11:3

Berâmpuhai inrûm ri chu e, An ropuina suksiet a ni ta si a! Chu, sakeibaknei vânglai inrûm râwlri chu! Jordan ramngaw chu suksiet a ni ta si a.

JAKOB 5:5

Khawvêla hin inhawitirtakin in um a, in insukthâm mei mei a; in that niin in lungril in suktlai a.