JEREMIA 25:33 - Pathien Lekhabu Inthieng (BSI)

³³ Chun, chu nia chun Lalpa sukhlumna chu hnuoi tâwp khing khata inthawka a tâwp khingtieng chen nîng a ta; chuonghai chu sûn ni naw ni hai a, lâk khâwm khawm ni naw ni hai a, phûm khawm ni bawk naw ni hai; leihnuoi chunga êk el ni lem an tih.

JEREMIA 25:33 ပူးပေါင်းရင်းမြစ်များ

2 LALHAI 9:37

Jezebel ruong chu Jezreel khaw kul bulah huona êk ang el la nîng a tih; chuongchun, hi hi Jezebel a ni hi aw, an ti nawna dingin,’ ti thu a hril kha a ni hi,” a ta.

INPÂKNA HLABU 79:3

An thisen chu Jerusalem vêla hin tui angin an bunthlâk a, Anni phûmtu ding hlak tukhawm an um si nawh,

INPÂKNA HLABU 83:10

Chuong mihai chu Endor khuoah an bohmang a, Hnuoi dingin êkdûr ang el an lo ni ta kha.

ISAI 5:25

Chuleiin, Lalpa lung chu a mihai chungah ân thawk a, a kut chu an chungah ân let a, a vuok a, chuongchun, tlânghai chu an inthin dur dur a, an ruonghai chu khawlai dungah hmunhnawk ang elin ân hlum rem rum a. Chuong lâwma a thaw khawm chun a lunginsen chu a la bo chuong naw a; a kut chu a lân let ta rawp a.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

EZEKIEL 21:11

Chun, hmang a ni theina dingin nâwttlêt dinga pêk a na; Kâwlhnâm chu, tâtngei a na, Anih, thattu kuta pêk dingin nâwttlêtin a um a nih.

EZEKIEL 29:4

I khâka chun ngakuoihaiin inkuoitir ka ta, I vadungpuia ngahai chu i phuhlipa chun inkawptir tâwl ka tih; Chuongchun, i phuhlipa kawp i vadungpuia i ngahai po po le chun, I vadungpuia inthawk chun hung la suok ka ti che a.

EZEKIEL 29:5

Thlalêra chun peihâwna umin mâksan ka ti che, Nang le i vadungpuia ngahai po po le chun; Ram hmun âwng chunga chun tlâng i ta, Lâk khâwm ni ta naw ti ni a, phûm khawm ni ta naw ti nih. Hnuoia ramsahai le chunglêng vatehai ta dingin, Bu dingin ka pêk ta che a nih.

ZEPHANIA 2:12

Nangni Ethiopia mihai khawm ka kâwlhnâma sât hlum nîng in tih.

THUPUONGSUO 11:9

Chun, mihai laia mi dâm, chihai laia mi dâm, ṭawnghai laia mi dâm, hnamhai laia mi dâmin ni thum le a chenve an ruong chu en an ta, an ruonghai chu thlâna phûm phal naw ni hai.