JEREMIA 25:31 - Pathien Lekhabu Inthieng (BSI)

³¹ Ri chu hnuoi tâwp chenah hung tlung a ta; Lalpa chun hnamhai le chun inkalna an nei si a; mi tin chu phût a ta; mi rilohai ruok chu kâwlhnâm pêng a tih, Lalpa chun a tih,”tiin.

JEREMIA 25:31 ပူးပေါင်းရင်းမြစ်များ

ISAI 33:3

Sa mur mur ria chun mi tin chu an tlân hmang ta a; nang i hung tho meu chun hnam tin chu sukdarin an um tah.

ISAI 34:2

Lalpa chun hnam tinrêng chunga chun lungninawna a neiin, an sipaihai po po chunga chun lunginsenna a nei si a; anni chu a sukbohmang vawng a, that dingin a pêk ta a.

ISAI 34:8

Lalpa phuba lâk ni a ni ta si a; Zion sêlna kawng thua thungna kum chu.

ISAI 66:16

Meiin a nih Lalpain a ngaituo ding chu, a kâwlhnâmin a nih mi po po a ngaituo ding chu; chuongchun, Lalpa isukhlumhai chu tamtak nîng an tih.

JEREMIA 2:35

‘Pawitâwklo ka nih; matheilovin i lunginsenna chu keimaa inthawkin inkieng ngei a tih,’ i ti a. Ngai ta, ‘Ka suksuol nawh’ i ti lei chun i chungah ro ka rêl ding a nih.

JEREMIA 23:19

Ngai ta u, Lalpa thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 45:5

Chun, nang chun i ta dingin thil ropuihai chu i zawng a ni maw? Zawng naw rawh, ngai ta, mihriem po po chungah thil ṭhanaw ka hung intlungtir ding a ni si a, Lalpa chun a tih; chun, i hringna ruok chu i fena tieng tiengah sanhim ka ti che,” tiin.

EZEKIEL 30:3

Ni chu a hnai a, Lalpa ni chu a hnai ta si a; Sûm zingna ni, Hnamhai sietna ni chu nîng a tih.

EZEKIEL 38:22

Ama chu thisen le hripuiin do ka ta; chun, ama le a pâwlhai le ama kuoma mipui tamtak umhai chunga chun ruopui vânâwnin, ṭêk le mei le meitâwklungin sûr ka ta.

HOSEA 12:2

Lalpa chun Juda chunga khawm hêkna ding a nei bawk a, Jakob chu a um dân angzie peiin hrem a tih; A thilthaw angzie peia thungin.

HOSEA 4:1

Israel mipuihai, Lalpa thu chu ngai ta u; Hi rama hin thutak le lunginsietna le Pathien hrietna a um naw leiin, Lalpa chun ram hluotuhai hêkna ding a nei.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

MIKA 6:2

Aw tlâng lienhai, Lalpa khingna chu ngai unla, nangni leihnuoi innghatna hlunhai, lo ngai ro; Lalpa chu a mihai leh an inkhing a, Israelhai chu khing a tih.