JEREMIA 25:3 - Pathien Lekhabu Inthieng (BSI)

³ “Juda ram lal Amon naupa Josia inlal kum sâwmpathum kuma inthawka vawisûn ni chen hin, hi kum sâwmhni pathum sûng hin Lalpa thu chu ka kuomah a hung tlung hlak a; chun, in kuoma chun ṭhahnemngaitakin ka lo hril hlak cheu a; amiruokchu, in awi ngai naw a.

JEREMIA 25:3 ပူးပေါင်းရင်းမြစ်များ

INṬANNA 22:3

Chun, Abraham chu zîngkâr inhmatakin a tho a, a sabengtung a siem a, a kuomah a siehlaw tlangvâl pahni a ṭhuoi a, a naupa Isak le chun; chun, pumrawhmanga inthawina ding chun thing a chêk a, a tho a, Pathienin a hrilna hmun tieng chun a fe ta a.

1 LALHAI 22:3

Israel lal chun a siehlawhai kuomah, “Ramoth-gilead khuo hi eini ta a nih ti hre zing si a, iengtiziea Suria lal hi lâkpêk lova um am ei ni aw?” a ta. Chun, Jehosaphat kuoma chun, “Ramoth-gilead khuo hi mi hang thawpui ve nuom i tim chu?” a ta.

2 LALHAI 17:13

Lalpa chun, “Dân zâwm ding in pi le puhai ka pêk le ka siehlaw zâwlneihai hmanga kân hriettir ang pei cheu chun, in umdân suol hi nghatsan unla, ka thupêkhai le ka thuruothai chu pawm ro,” tiin Israelhai le Judahai chu zâwlnei tin le hmutheitu tinhai chu hmangin ân hriettir hlak a.

2 CHANCHIN SUINA 24:19

Lalpa kuoma hung ṭhuoi nâwk dingin an kuoma chun zâwlneihai a tir a; anni chu an lo ngâwk a, na an lo daw nuom naw a.

2 CHANCHIN SUINA 34:1

Rorêl a ṭan chun Josia chu kum rieta upa a na, Jerusalema chun kum sâwmthum pakhat sûng ro a rêl a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

2 CHANCHIN SUINA 34:8

Chun, chuonga ram le in chu a sukthieng laia a rorêlna a kum sâwm pariet kum chun, Azalia naupa Saphan hai, khawpui sûng rorêltu Maaseia hai, Joahaz naupa Joa, thil inchiktuhai chu a Pathien Lalpa in chu siem ṭha dingin a tir ta a.

2 CHANCHIN SUINA 36:15

A umna hmun le a mihai chu a lunginsiet leiin, an thlatuhai Pathien Lalpa chun an kuoma chun a tirkohai chu a tir a,

INPÂKNA HLABU 81:13

Aw, ka mihai hin ka thu ngaiin, Israelhai hi ka lampuia hin fe hai sien chu aw!

FESUOKNA 8:20

Chun, Lalpa chun Mosie kuomah, “Zîngkâr tho la, Pharao chu tui tienga a fe lai chu lo nghâk la, a kuomah, ‘Lalpain hieng hin a tih, ka rawng an bawl theina dingin ka mihai infetir rawh.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

JEREMIA 1:2

Ama kuoma chun Juda lal Amon naupa Josia hun lai, a rorêl a kum sâwm le pathum kum chun Lalpa thu chu a hung tlung a,

JEREMIA 11:7

Aigupta rama inthawka anni ka hung ṭhuoi suok nia inthawk tah vawisûn ni chen khawm hin. “Ka râwl chu awi ro,” tia hrila, inhmataka thoa, anni chu inhriettirin, in thlatuhai chu ṭhahnemngaitakin ka lo inhriettir ta a.

JEREMIA 19:15

“Sipaihai Lalpa Israel Pathien chun hieng hin a tih. Ngai ta u, a chunga tlung dinga ka lo hril ta po po, thil ṭha naw po po chu hi khawpui le a khawperhai po po chunga chun ka hung intlungtir ding a nih, anni chun an lungril an sukngar a; ka thuhai chu an ngai nawna dingin,” a ta.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i ti a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 25:4

Chun, Lalpa chun inhmataka thoa anni chu hung tirin a siehlaw zâwlneihai po po chu in kuomah a hung tir a, amiruokchu, in lo ngai naw a, in nahai khawm in sit bawk nawh.

JEREMIA 26:5

inhmataka thoa anni hung tira, ka siehlaw zâwlneihai in kuoma ka hung tirhai thuhai in ngai dinghai chu, in ngai ta naw a;

JEREMIA 29:19

anni chun ka thu an ngai naw leiin, Lalpa chun a tih; inhmataka thoa anni tirin, ka siehlaw zâwlneihai chu an kuomah ka tir a; nisienlakhawm, anni chu in lo ngai si nawh, Lalpa chun a tih.

JEREMIA 32:33

Chun, kei chu hmatieng ni lovin, hnungtieng an mînnghat a, inhmataka thoa anni inchûktirin, anni chu ka lo inchûktira chu, inchûktirna chu hre dingin an ngai si naw a.

JEREMIA 35:14

Uoin dâwn lo dinga thu a naupasalhai a ipêk, Rekab naupa Jonadab thupêkhai chu sukpuitlingin a um a, vawisûn ni chen hin an dâwn naw a, an thlatu thupêk chu an pawm leiin: amiruokchu, zîngkâra thoa thuhrilin, in kuoma chun thu ka hrila chu in ngai si naw a.

JEREMIA 35:15

Chun, zîngkâra thoa anni hung tirin, ‘Mi tin chu mâni lampui suola inthawk chun hung kîr unla, in thilthawhai chu siemṭha unla, pathien danghai chu an rawng bâwl dingin zui bawk naw ro, chuongchun, nangni le in thlatuhai kuoma ram ka ipêk cheua hin chêng in tih,’ tiin, ka siehlaw zâwlneihai po po chu in kuomah ka hung tir a; nisienlakhawm, in nâ khawm in sit naw a, ngai khawm in mi ngai naw kha.

JEREMIA 36:1

Juda ram lal Josia naupa Jehoiakim inlal kum linaa chun hi thu hi Lalpa kuoma inthawk chun Jeremia kuomah a hung tlung ta a:

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

JEREMIA 44:4

Zingkâra tho a, anni hung tirin, ka siehlaw zâwlneihai po po, ‘Aw hi thil tirdakum ka theida hi chu thaw naw ro,’ tiin in kuomah ka hung tir a.

JEREMIA 7:13

Chun, tuhin Lalpa chun, ‘Hieng thilhai po po hi in thaw ta leiin, inhmataka thoa thu hrilin, in kuoma ngei chun thu ka lo hril ta a; nisienlakhawm, in ngai si naw a; ka ko cheu a, in mi dawn naw a;

JEREMIA 7:25

In thlatuhai Aigupta rama inthawka an hung suok nia inthawka vawisûn ni chen hin ni tin inhmatakin thoin, ka zâwlneihai ka siehlawhai po po chu an kuomah ka hung tir a;

EZEKIEL 33:4

tukhawma tawtawrâwt ri chu hrea, vaulâwkna pawisa lo chu, kâwlhnâm chu a hung tlung a, ama chu lâk hmang a ni chun, a thisen chu ama lu chunga ngei chun um a tih.

ZEKARIA 1:4

Inhmaa zâwlneihaiin an kuoma, ‘Sipaihai Lalpa chun hieng hin a tih: in thilthaw rilohai le, in um dân khawhlonahaia inthawk khan hung kîr ro,’ a tih tia a hril a, ngai si lohai le, keia tieng khawm pawisa si lohai, in thlatuhai ang khan um naw ro, Lalpa chun a tih.

MARKA 1:35

Chun, zîngkâr inhmatakin, khawvar hma daiin a tho a, a suok a, hmun fienrielah a va fe a, chutaka chun a ṭawngṭai a.

JOHAN 8:2

Chun, zingkâr inhmatakin Pathien biekinah a lût nâwk a, mi po po a kuomah an hung a; chun, ama chu a ṭhung a, anni ân chûktir a.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

2 TIMOTHE 4:2

Thu chu hril rawh, a huna khawm, a hun nawa dâm khawm thaw pei rawh; dawtheitaka inchûktir peiin an thiem nawna inhriettir la, infui la, kâwk rawh.