JEREMIA 25:26 - Pathien Lekhabu Inthieng (BSI)

²⁶ hmâr tienga lalhai a hla le hnaia mihai, pakhat khatin, hnuoi phêk chunga um khawvêla lalram po po hai leh: chun, Sesak lal chun anni zoa chun dâwn vêng a tih.

JEREMIA 25:26 ပူးပေါင်းရင်းမြစ်များ

ISAI 51:23

chuongchun, nangma sukrimsituhai kuta chun sieng ka ta, anni chun i hringna kuomah, ‘Kan hraw ding chein bawkkhup rawh,’ an ti kha; chuongchun, nangin a hrawtuhai kuoma chun i ruongzâng chu leilâk ang le kawthlêr angin i daw kha,” tiin.

JEREMIA 25:12

Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 51:41

Sesak chu iengtiziea lâka um el, hnuoi pumpuiin an inpâkna chu maktia um el chu! Hnamhai laia chun iengtiziea Babulon chu râusana um el!

JEREMIA 51:51

Kâwkna chu ei hriet tâk leiin ei inzak a, buoinahai chun ei hmaihai khawm an inkhum ta a, Lalpa ina hmun inthienga chun mikhuolhai chu an hung lût ta si a.

EZEKIEL 32:30

Hmârtienga rorêltuhai an rêngin, Zidon mihai po po leh, thata umhai laia lo fe thla tahai chu an um a; an thilthawtheinaa ṭitumnahai an lo inumtirhai po poa chun an inzak a; kâwlhnâma thata lo um tahai le chun sertan lovin an zâl ta a, chun, vânsama lo fe tahai le chun an inzakna chu an phur a.

HABAKKUK 2:16

Ropuina dinga inzaknaa suksip i ni ta a, Nang khawma dâwn la, saruok chu ni el rawh! Lalpa kut changtienga no chu i kuomah pêk nîng a ta, I ropuina chunga chun inzakna tirdakum chu um a tih!