JEREMIA 25:21 - Pathien Lekhabu Inthieng (BSI)

²¹ Edom, Moab le Ammon mihai leh;

JEREMIA 25:21 ပူးပေါင်းရင်းမြစ်များ

INPÂKNA HLABU 137:7

Aw Lalpa, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

ISAI 25:10

Hi tlânga hin Lalpa kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni si a.

JEREMIA 27:2

“Lalpa chun ka kuoma chun hieng hin a tih: Rîngkawlhai le a hnamhai i ta dingin siem la, i rînga chun bât rawh;

JEREMIA 27:3

Edom lal dâm, Moab lal dâm, Ammon mihai lal dâm, Tura lal dâm, Zidon lal dâm kuoma chun Juda lal Zedekia kuoma Jerusalema hunghai thangkohai kuta chun inphur rawh;

JEREMIA 40:14

a kuomah, “Ammon mihai lal Baalis chun Nethania naupa Ismael chu i hringna la dingin a hung tir ti i hriet am?” an ti a. Nisienlakhawm, Gedalia, Ahikam naupa chun anni chu a taksâwn naw a.

JEREMIA 48:1

Moab chungthu chu, Sipaihai Lalpa, Israel Pathien chun hieng hin a tih “Nebo chu a chung a rik! suksiet a ni ta si a; Kiriathaim chu sukzakin a um a, lâkin a um ta a; Misgab chu sukzakin a um a, sukchimin a um ta bawk a.

JEREMIA 49:1

Ammon mihai chungchâng thu chu: Lalpa chun hieng hin a tih: “Israel hin naupasal a nei naw a ni maw? Rohluotu ding a nei naw maw? Chuong a ni si chun ieng dinga Milkom hin Gad hi a nei a, a mihai chu khawpuia hai chun chêng am an ni a?

JEREMIA 49:7

Edom chungthu, Sipaihai Lalpa chun hieng hin a tih: “Temana chun varna a um ta naw a ni maw? Mi vara inthawka thurâwn an bohmang ta a ni maw? An varna chu a bohmang a ni ta maw?

JEREMIA 9:26

Aigupta dâm, Juda dâm, Edom dâm, Ammon thlahai le, Moab thlahai, barêp hmul vawa thlalêra chênghai po po le chun, chuong hnamhai po po chu sertan lo an na, Israel sûngkuohai po po chu lungrila sertan lo an nih.

EZEKIEL 25:1

Lalpa thu chu ka kuomah a hung tlung a:

EZEKIEL 32:29

Edom chu a um a, a lalhai le a rorêltuhai po po chu an thilthawtheinain kâwlhnâma lo tlu tahai laia chun inzâltirin an um a; anni chu sertanlohai laia chun zâl an ta, vânsama lo fe tahai laia chun.

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

AMOS 1:13

Lalpain hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 2:1

Lalpain hieng ang hin a tih, “Moab bawsietna pathum leiin, anih, pali leiin, a hremna sukbo naw ning; Edom lal ruhai chu chinai ang hiela a raw leiin,

OBADIA 1:18

Jakob sûnghai chu mei nîng an ta, Josef sûnghai chu meichawk nîng an tih. Esau sûnghai chu bupâwl ding nîng an ta, anni lai chun chawk an ta, kâng hmang vawng an tih; Esau sûnghai chu a mahla hrim um naw ni hai; Lalpa chun a ti ta si a.