JEREMIA 25:12 - Pathien Lekhabu Inthieng (BSI)

¹² Chun, kum sâwmsari chu ân vawi pha chun, an suolna leiin, Babulon lal le, chu hnam le, Kaldaihai ram chu hrem ka ta; kumkhuoa rausanah siem ka tih, Lalpa chun a tih.

JEREMIA 25:12 ပူးပေါင်းရင်းမြစ်များ

2 LALHAI 24:1

Ân lal lai chun Babulon lal Nebukadnezzar a hung lien a, Jehoiakim chu a siehlawah kum thum a um a; chu hnunga chun a nghatsan a, a chungah a hel ta a.

2 CHANCHIN SUINA 36:22

Persia lal Kura inlal kum khatnaa chun, Jeremia baua Lalpa thu sukfamkim a ni theina dingin, Persia lal Kura lungril chu Lalpa chun a chawktho a, thuphuong a ram sûng po poa chun a siem a, zieka ziek khawmin a sie bawk a,

INPÂKNA HLABU 137:8

Aw Babulon naunu, sukbohmanga um ding, Kan chunga i thaw anga, Thung ding che chu lâwmtakin um a tih.

ISAI 13:19

Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

ISAI 14:23

Saku ta dingin roah siem ka ta, tuihai ta dinga intling khâwmnaah siem bawk ka tih; sukbohmangna hmunphiin phît bawk ka tih, sipaihai Lalpain a tih.

ISAI 15:6

Nimrim tuihai chu suksietin a um ding a ni si a; hlobet chu a vuoi zo a, hlobet inder thar chu a rawp a, thil hring rêng rêng chu a um ta si naw a.

ISAI 20:1

Assuria lal Sargon tirin Tartan chu Asdod khuoah a hung a, Asdod khuo a do a, a lâk kum khan;

ISAI 33:1

Nang rawk tuok ngai si lova, rawktu, vervêktaka thaw tuok ngai si lova, vervêktaka thawtu, i chung a rik ie! Mi rawk i bân phaleh, rawk la tuok vêng i ta; vervêktaka i thaw zo phaleh i chungah vervêktakin thâwng an tih.

ISAI 46:1

Bela chu a lo kûn zing a, Nebo chu a lo insukhnuoi zing bawk a; an milimhai chu ran chunga le sa chunga chun an dawm kai ta a; Milim phurlawna umhai chu phurrik, sa châu ta dinga phurrik an nih.

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 25:14

Hnam tam takhai le lal ropuihai chun anni chu anni ngei chu, suokah siem an ta; chuongchun, anni chu an kuthai sinthaw ang pei le, an thilthawhai ang peiin ka thung ding a nih,”tiin.

JEREMIA 27:22

Babulona chun phur hmang nîng an ta, chutaka chun um an tih, anni ka va sir ni chen chun, Lalpa chun a tih: chun, hung la nâwk tâwl ka ta, hi hmuna hin sie nâwk ka tih,” tiin.

JEREMIA 27:7

Chuongchun, ama ram ngei a ni hun a tlung hmakhat chun, hnamhai chun ama le a naupasal le, a naupasal naupa rawng chu bâwl an tih; chuongchun, hnam tamtakhai le lal ropuitakhai chun ama chu suokin man an tih.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

EZEKIEL 35:9

Kumkhuoa râusanah siem ka ta, i khawpuihai chu hluo ni nâwk ta ngai naw nih; chun, Lalpa chu ka nih ti mi hre tâng i tih.

DANIEL 9:2

a rorêl kum khat kuma chun kei Daniel hin kum sâwmsaria Jerusalem khuo suksieta a um ding hun tlungkimna ding, zâwlnei Jeremia kuoma Lalpa thu hung tlung, kumhai nizât chu lekhabuhaia inthawkin ka lo hriet ta a.

HABAKKUK 1:17

Chuleiin, a lên chu sukruok nâwk hlakin, Hnamhai that zing el chu a ma naw ding am a nih?