JEREMIA 25:10 - Pathien Lekhabu Inthieng (BSI)

¹⁰ Chu nawa khawm, anni laia inthawk chun, hlimna râwl dâm, lâwmna râwl dâm, mo neitu râwl dâm, mo râwl dâm, bu râwtna ri dâm, sathâu khâwnvar varna dâm chu sukbo vawng ka tih.

JEREMIA 25:10 ပူးပေါင်းရင်းမြစ်များ

ESTHER 3:13

Adar thla, thla sâwmpahnina, ni sâwmpathum ni ngeia, ni khat sûnga, Juda mi po po, naupang le upa, nuhmei le, naupangtehai khawm, sukchimit vawng ding le, sukhlum ding le sukbohmang vawng ding le annia inthawka râllâk sum chu lâk el dingin, lal rambung po poa chun lekhahai chu dâka thawn a ni ta a.

ESTHER 7:4

sukchimit ding le, that ding le, sukbohmang ding sa, kei le ka chipuihai hi zawr kan ni ta si a. Amiruokchu, siehlawpahai, siehlawnuhai ding ang dâma zawr ni inlang chu, lal sietna ding chu hmêlma chun a thung zo naw ding khawma, ka to ṭawk ṭawk ding a na,” a ta.

ESTHER 8:11

chutaka chun lal chun Juda mihai khaw tina umhai chu inkei khâwma, lo invêng him dingin a ti a. Khâwlai rambung le mihai thilthawtheina khawm, anni sukse tumtuhai po po chu, lo thaw ve a, an nau le têhai le an nuhmeihai khawm lo sukbohmang ding le, that ding le sukchimit dingin le, annia inthawka râllâk sumhai khawm lo la ve el dingin a phalpêk a.

ISAI 47:2

Bu râwtnawina lunghai la la, beiphit siem rawh: în khumna puon kha sie la, i fenfuol kha hlîp la, i ke kha hâwk la, vadunghai pal kai rawh.

JEREMIA 16:9

Israel Pathien sipaihai Lalpa chun hieng hin a ti si a: Ngai ta u, i nihaia hin, in mithmua inthawkin hlimna râwl ri dâm, lâwmna râwl ri dâm, mo neitu râwl ri dâm le monu râwl ri dâm chu hi hmuna inthawk hin ka suktâwp ding a nih.

JEREMIA 48:33

Moab rama inthawk le lo rahlâwkna hmunhaia inthawk chun hlimna le lâwmna dâm chu lâk hmang a ni ta a; uoin sâwrna khurhaia inthawk chu uoin chu kân kangtir ta a; tukhawma khêk pumin sirsâwr naw ni hai a; khêk ri khawm chu lâwmna khêk ri ni naw ni.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

ṬAP HLA 5:15

Kan lungril hlimna a bo a, Kan lâmna chu lusûnaah ân chang a.

EZEKIEL 26:13

Chun, i hlahai ri chu intâwptir ka ta: i ṭingṭang rihai khawm chu hriet ni ta naw nih.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.