JEREMIA 24:6 - Pathien Lekhabu Inthieng (BSI)

⁶ An ṭhatna dingin an chungah ka mit inlên ka ta; chuongchun, hi rama ma hin hung ṭhuoi nâwk ka tih; chun, anni chu tungding ka ta, keihnuoi naw ningah; anni chu phun ka ta, phawi naw ningah.

JEREMIA 24:6 ပူးပေါင်းရင်းမြစ်များ

INṬANNA 44:21

Chun, nangin i siehlawhai kuoma hin, ‘Ama chu ka mita ka hmu theina dingin ka kuomah hung ṭhuoi thla ro,’ i ti a.

2 CHANCHIN SUINA 16:9

Ama tienga lungril ṭha famkim puttuhai chunga a hrâtzie insuklang dingin Lalpa mit chun hnuoi chung po poa kil le kap a en vêl ruoi hlak. Hitaka hin nang chun invêtthlâktak el chun i lo thaw ta a, chuleiin, tuta chin chu indonahai khawm nei zing tâng i tih,” a ta.

NEHEMIA 5:19

Aw ka Pathien, hieng mihai ta dinga ka thilthawhai po po hi ka ṭhatna dingin hre zing raw aw.

INPÂKNA HLABU 34:15

Lalpa mit chun mi felhai tieng a en hlak a, Ama chun an khêk hre dingin a ngai zing hlak.

INPÂKNA HLABU 44:2

Nangin i kutin hnam tin chu i hnawt suok a, anni chu i phun ta thung a, Mi tin chu i sukrimsi a, anni chu în zârlientir thung a.

ISAI 14:1

Lalpa chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni si a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

JEREMIA 1:10

En ta, vawisûn hin, hnamhai chunga le ramhai chunga chun, Hrukbit ding le, sukchim ding le, Sukse ding le, Pei thla ding le, bâwl ding le Phun dingin ka sie ta che a nih,” a ta.

JEREMIA 12:15

Anni ka hmalthlâk hnunga chun hung kîr nâwk ka ta, an chungah lunginsietna nei ka tih; chun, mi tin chu mâni rochan senga chun hung ṭhuoi nâwk ka ta, mi tin chu mâni ram senga chun.

JEREMIA 16:15

amiruokchu, “Lalpa hmâr tieng rama inthawk le, anni a hnawt hmangna ram po poa inthawka Israel mipuihai hung ṭhuoi suoktu kha a hring zing leiin,” ti ni lem tâng a tih; an thlatuhai kuoma ka lo pêk tah, an rama ngei khan anni chu ka hung ṭhuoi nâwk ding a ni si a.

JEREMIA 21:10

Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 29:10

Lalpa chun hieng hin a ti si a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, Lalpa chun a tih.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 32:41

Anih, anni chu sukṭha dingin an chungah hlim tâng ka ta, hi rama hin ka lungril po po le, ka lungvar po poin thudikah anni chu phun ka tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 33:9

Chun, hnuoi chunga hnam po pohai, an chunga thil ṭha ka thaw po po hretuhai le, thil ṭha po po le thlamuongna po po a ta dinga kân neitir hretuhai ṭiin inthin an tih; ka ta dingin hi khawpui hi hlimna hming le, inpâkna ding le ropuina ding hung nîng a tih.

JEREMIA 39:12

“Ṭhuoi la, ama hi ṭhatakin enkawl la, sukpawi naw rawh; amiruokchu, i kuoma a hril ang ang chun thawpêk lem rawh,” a ta.

JEREMIA 42:10

Hi rama hin in chêng zing chun, ṭhiek lovin tungding ka ti cheu a, phâwi lovin phun ka ti cheu; in chunga sietna kan tlungtir hi pawi ka ti si a.

EZEKIEL 36:24

Hnamhai laia inthawk chun ṭhuoi ka ti cheu a, rambung po poa inthawkin kei khâwm ka ti cheu a, in rama ngei chun ṭhuoi ka ti cheu.

AMOS 9:14

Chun, ka mi Israelhai chu sala inthawkin ṭhuoi kîr nâwk ka ta; khaw ṭâwphai chu siem nâwk an ta, hluong an tih; chun, grêp huonhai siem an ta, a uoin dâwn an tih; huonhai khawm siem an ta, a ra chu fâng an tih.

DÂN PAHNINA 11:12

Lalpa in Pathienin a lungkham ram a nih; Lalpa in Pathien mit chu kum thara inthawka a tâwp chenin a fu hlak.

1 PETER 3:12

Lalpa mit chu mi felhai chungah a fu a, A na khawm an ṭawngṭaina tieng a sit hlak si a, Amiruokchu, Lalpa hmêl chu, Thil suksuoltuhai chungah a um hlak,” ti a ni si a.