JEREMIA 24:2 - Pathien Lekhabu Inthieng (BSI)

² Leikhâwr pakhata chun theichang ṭhatak tak el, theichang hmin hmasa ang kha a um a; leikhâwr danga chun theichang setak tak el, fâk thei lo khawpa sie chu a um a.

JEREMIA 24:2 ပူးပေါင်းရင်းမြစ်များ

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

JEREMIA 29:17

sipaihai Lalpa chun hieng hin a tih: Ngai ta u, an chunga chun kâwlhnâm dâm, ṭâm dâm, hripui dâm tir ka ta, anni chu theichang hrût, an siet êm leia fâk thei lohai anga chun siem ka tih.

HOSEA 9:10

Israel chu thlalêra grêp ra ang elin ka hmu a, In pahai chu, theichang hun hmasaa a hmin hmasa angin ka hmu. Nisienlakhawm, anni chu Baalpeor hmunah an hung a. Thil inzakumtaka chun an inpumpêk ta a; An ingainat tak ang bawk chun tirdak an um ve ta a nih.

MIKA 7:1

Ka chung a va rik de! nisapui thei an sîkkhâwm laia um ang le grêp lo hun laia grêp hmu ṭhel lo ding ang ka ni si a; ra bâwr fâk ding a um nawh; ka hringna hin theichang hmin hmasa a châk a nih;

NAHUM 3:12

I kul po po chu theichang kûng, ra hmin hmasa put ang nîng an ta, an inhnîng phawt chun a fatu bauah an tla lût hlak.

NAMBAR 18:13

An loa ra hmin hmasa tak Lalpa ta dinga an hung lâk chu i ta nîng a ta, i ina mi inthieng po po chun fa thei an ta,

MATTHAI 5:13

“Hnuoi machi in nih; nisienlakhawm, machi hin alna lo inhmang ta sien, iengin am sukal nâwk thei a ta? Peihâwna, mihriemhai sir mei mei ding chau naw chun, ienga ding khawmin a ṭha ta nawh.