JEREMIA 23:6 - Pathien Lekhabu Inthieng (BSI)

⁶ Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 23:6 ပူးပေါင်းရင်းမြစ်များ

1 LALHAI 4:25

Chun, Solomon dam sûng po chun Judahai le Israelhai chu Dana inthawka Beer-seba khuo chenin mi tin mâni grêphrui bula le mâni theichang kûng bula chun lungmuongtakin an um seng a.

INPÂKNA HLABU 45:5

I thal chu ân zum a, Laltak dotuhai lungkhura chun ân bûr zing a, Mi tin chu i hnuoiah an tlu hlak a.

FESUOKNA 9:26

Israel mihai chêngna Gosen rama bak chun riel chu a tla ve naw a.

ISAI 2:4

Ama chun hnam tin kârah ro rêl a ta, chi tamtak khawm kâwk bawk a tih; chun, an kâwlhnâmhai chu hnuoi inletna hmawr zumahai sut an ta, an feihai chu thei kûng âtbawngna chem inkuoiahai sut an ta, hnam dangin hnam dang chungah kâwlhnâm inlet ta naw ni a, indo dân khawm inchûk ta bawk naw ni hai.

ISAI 32:1

Ngai ta, lal pakhat chu feltakin lalah ṭhung a ta, mi lienhai chun rorêlna felin ro rêl an tih.

ISAI 32:18

Chuongchun, ka mihai chu râlmuonga umnaahai le in dettakhaia le châwlna hmun muongumtakhaia chun um tâng an tih.

ISAI 33:22

Lalpa chu ei rorêltu a na, Lalpa chu dân mi petu a nih; Lalpa chu ei lal a na, ama chun mi sandam a tih.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 35:9

Sakeibaknei hrim hrim chutaka chun um naw ni a, sa hnukinrâwl hrim hrim chutaka chun hang fe bawk naw nih, chutaka chun hmun ding khawm um naw nih: intlanhai ruok chu chutaka chun fêng an tih;

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 45:17

Israelhai ruok chu kumkhaw sandamnaah, Lalpa sandamin um an tih: chatuon chen khawmin muolphoin inzak naw ti niu.

ISAI 54:17

Nangma thawna dinga hriem sut hrim hrim ṭhahnem naw ni a, lei tinrêng thupawia nangma hung khingtuhai che chu thiemnaw inchangtir i tih. Chu chu Lalpa siehlawhai rochan chu a na, an felna chu ka kuoma inthawk a nih, Lalpain a tih.

ISAI 7:14

Chuleiin, Lalpa ngei chun inchikna pêng a ti cheu a, ngai ta u, nunghâk inthieng pakhat inrai a ta, naupasal nei a ta, a hmingah Immanuel sak a tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 30:10

Chuleiin, Aw Jakob, ka siehlaw, ṭi naw rawh, Lalpa chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni si a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 31:23

Sipaihai Lalpa, Israel Pathien chun hieng hin a tih: An sal intângna ka hung lâk kîr nâwk pha chun Juda rama le chutaka khawpuihaia chun hi ṭawngbau hi la hmang nâwk an tih: “Aw indikna chêngna, Lalpa chun mal sâwm raw se che,” ti dâm le, “Aw inthiengna tlâng,” ti dâm hi.

JEREMIA 32:37

Ngai ta u, ka lunginsenna le ka ṭiumna le, ka lunginthaka anni ka hnawt hmangna ram po poa inthawk chun anni chu kei khâwm ka ta; hi hmuna hin hung ṭhuoi nâwk ka ta, himtakin inchêngtir ka tih;

JEREMIA 33:15

Chuong nihaia le, chu huna chun, David kuoma chun felna Kau hung indâwntir ka ta, rama chun rorêlna le felna chu tir suok a tih.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

EZEKIEL 21:27

Inletling ka ta, letling ka ta, letling ka ta, hi khawm hi um ta naw ni a, a thuneitu a hung hmakhat chun; chun, ama kuoma chun pêng ka tih.

EZEKIEL 28:26

Chutaka chun himtakin chêng an ta; anih, inhai bâwl an ta, grêp huonhai siem an ta, himtakin chêng an tih; anni sîr vêla anni sukpawrchetuhai chunga ka rorêlna ka sukpuitling pha chun, Lalpa an Pathien chu ka nih ti mi hre tâng an tih,” tiin.

EZEKIEL 38:14

“Chuleiin, mihriem naupa, thu hril la, Gog kuoma chun hieng hin ti rawh, Lalpa Pathien chun hieng hin a tih: Ka mi Israelhai hi himtaka an chêng nia chun, i hriet naw ding maw?

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

DANIEL 9:7

Aw Lalpa, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

HOSEA 1:7

Juda sûnghai ruok chu lainat ka ta, thalngul amanih, kâwlhnâm amanih, indona amanih, sakawr amanih, sakawr chung chuong mi amania anni sandam lovin, Lalpa an Pathien chun sandam ka tih,” a ta.

HOSEA 2:18

Chu nia chun ramsahai, chunglêng vatehai, hnuoia thilhringhai le an ta dingin thuthlung siem ka ta; thalngulhai, kâwlhnâm dâm le indo nahai hi hnuoia inthawkin sukbohmang ka ta, himtakin inum hmunkhattir ka tih.

OBADIA 1:17

Zion tlânga ruok chu a tlân suokhai chu um an ta, inthieng a tih; chun, Jakob sûnghai chun an rochan chu chang an tih.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu Lalpa ta nîng a tih.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni si a,” a ta.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei si a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, Lalpa an Pathien ka ni si a.

ZEKARIA 3:10

Chu nia chun, theichang kûng le grêphrui hnuoia chun nangni mi tin chun mâni tuolbâwmhai chu ko tâng in tih,” sipaihai Lalpa chun a tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um naw a.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;