JEREMIA 23:5 - Pathien Lekhabu Inthieng (BSI)

⁵ Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 23:5 ပူးပေါင်းရင်းမြစ်များ

2 SAMUEL 23:3

Israelhai Pathien chun a hril a, Israelhai lungpui chun: ‘Mi chunga feltaka rorêl hlaka, Pathien ṭi puma rorêl hlak chu,

INPÂKNA HLABU 45:4

Thutak le thuhnuoirawlna le felna leiin, I mawina inbelin, aitluongtakin sakawr chunga chuongin fe pei rawh. Chuongchun, i kut changtieng chun thil râpthlâktakhai ân chûktir ding che a nih.

INPÂKNA HLABU 80:15

A kûng i kut changtiengin a phun le, A kâu i ta dinga i sukhrât le hin.

INPÂKNA HLABU 99:4

Laltak hrâtna chun rorêlna a ngaina a, Nang chun thlierbîk nei nawna i sukdet hlak a, Nang chun Jakobrawihai chungah ro i rêl a, feltakin i thaw hlak a.

ISAI 33:5

Lalpa chu chawisângin a um tah; chungtienga khin a um si a; ama chun Zion chu rorêl felna le felnain a suksip tah.

ISAI 4:2

Chu ni chun Lalpa kâu chu mawitak le ropuitakin um a ta, Israelhai a la damhai ta ding chun hnuoia rahai chu ṭhatak le mawitakin um a tih.

ISAI 42:6

“Kei Lalpa hin felnain ka ko che, i kut chel ka ta, humhim ka ti che a, mihai thuthlung ding le, Jentailhai sukvartu dingin ka ruot che a nih:

ISAI 45:24

Miin, ‘ Lalpaa chau felna le hrâtna a um,’ tiin, ka chungthu la hril an tih; ama kuoma mi ngei hung an ta, a chunga lungninawhai po po chu muolphotakin um tâng an tih.

ISAI 52:13

Ngai ta, ka siehlaw chun vartak- in thâwng a ta, chawimawi le chawisângin um a ta, insângtakin um a tih.

ISAI 53:10

Nisienlakhawm, Lalpain ama chu vuok thiduk a nuom hrim a nih; a sukna ta ngei a; a hringna chu suol ta dinga thilinhlâna a hmang pha chun, a chithla chu hmu tâng a ta, a dam sûng nihai chu suksei a ta, Lalpa dit zâwng chu a kuta hlawtlingin um a tih.

ISAI 53:2

A hmaa chun thil ṭo innotak angin ama chu ân dâwn suok si a, hnuoi ṭâwla zung angin a hung kak suok bawk a nih; pienken ṭhatna le hmêl mawina hrim hrim a nei naw a, ama ei hmuin ama ei ditna dingin mawina hrim hrim a nei nawh.

ISAI 9:5

Sa mur mura mi râlthuoma ân thuomna po po le, silfên thisen le inchiepawl niei nuoi po po chu, rawa meia ti ding el chau a ni si a.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 22:15

Sidara în huon khum leiin lalah în ngai am a nih? I pa chun a fâkin a dâwn a, indikna le rorêlna chu a thaw a ni nâwm a nih? Chuongchun, ama ta ding chun a hung ṭha a.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 22:30

Lalpa chun hieng hin a tih: Hi pa hi nau boah, a dam sûnga mi hlawtling ngai lo dingin ziek rawh, ama chia mi hrim hrim hi tukhawm hlawtling ngai naw ni hai; David lalṭhungphaa ṭhung thua le, Juda rama ro la rêl pei ding thuah.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

JEREMIA 30:3

Ngai ta, nihai chu a hung tlung ta si a, Ka mi Israelhai le Judahai ka ṭhuoikîr nihai chu a hung tlung mêk ie, ram, an thlatuhai kuoma ka pêka chun ṭhuoikîr nâwk ka ta,hluo tîng an tih',ti hi Lalpa thusuok a nih,” Lalpa chun a tih.

JEREMIA 30:9

amiruokchu, Lalpa an Pathien rawng le, an lal David an kuoma ka tungding ding chu a rawng bâwl lem tâng an tih.

JEREMIA 31:27

Ngai ta u, nihai chu a hung tlung, Lalpa chun a tih: Juda sûngkuo le Israel sûngkuo chu ramsa chi le mihriem chiin tûng ka ta.

EZEKIEL 21:27

Inletling ka ta, letling ka ta, letling ka ta, hi khawm hi um ta naw ni a, a thuneitu a hung hmakhat chun; chun, ama kuoma chun pêng ka tih.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 34:29

Anni lai chun hming inthang khawp thlâichingna pêng ka ta, chu rama chun ṭâm ifâk zoin um ta naw ni hai a, hnam danghai biekrâwpna chu tuor ta bawk naw nihai.

EZEKIEL 45:8

Chu ram chu Israelhai laia ama ta dinga a chan chu nîng a ta; ka lalhai chun ka mihai chu nêksâwr ta ngai naw ni hai a; amiruokchu, Israel sûngkuo laia chun an hnam ang peiin ram chu pe lem tâng an tih.

DANIEL 9:24

Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

HOSEA 1:11

Chun, Juda mipuihai le Israel mipuihai chu pung khâwm an ta, an lu ding ruot an ta, chu rama inthawk chun hang fêng an ta, Jezreel ni chu a ropui ding a ni si a.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

AMOS 9:11

“Chu nia chun David bâwktê chim chu inngîr ka ta, a âwnghai chu phâwk ka ta, a sietnahai chu rem nâwk ka ta; tienlaia a um ang khan bâwl ka tih,

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEKARIA 3:8

Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni si a; ngai ta u, a Kau, ka siehlaw chu ka hung lâk suok ding a ni si a.

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

MATTHAI 2:2

“Judahai lal hung pieng chu khâwlai am a um a? A arasi khawsak tieng kan hmu a, ama chibai bûk dingin kan hung a nih,” an ta.

JOHAN 1:45

Philip chun Nathanael a hmu a, a kuomah, “A chanchin Mosiein Dân lekhabua a ziek le, zâwlneihaiin an ziek kha, ama chu kan hmu tah, Nazareth Isu, Josef naupa chu,” a ta.

JOHAN 1:49

Nathanaelin a kuomah, “Rabbi, Pathien Naupa i nih, Israelhai Laltak i nih,” tiin a dawn a.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

HEBRAIHAI 8:8

Anni demin hieng hi a hril a nih: “Ngai ta, nihai a hung tlung ding a ni tah, Lalpain a tih, Chuong niahai chun Israel sûnghai le, Juda sûnghai lai chun thuthlung thar siem ka ta,

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.