JEREMIA 23:36 - Pathien Lekhabu Inthieng (BSI)

³⁶ Chuongchun, Lalpa phurrik chu hril ta ngai naw ti niu a, mi tin ta dingin ama thu ngei chu a phurrik a ni ding leiin; Pathien hring thuhai chu in lo fe kawipui ta si a, ei Pathien sipaihai Lalpa thu chu.

JEREMIA 23:36 ပူးပေါင်းရင်းမြစ်များ

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

INPÂKNA HLABU 12:3

Lalpa chun inpâk tehlêmna hmûr po po chu ât thlâng a ta, Thu chapotak hrilna lei le chun.

INPÂKNA HLABU 120:3

Nang lei mi hlêm hmang, I kuomah ieng am pêng an ti che a, ieng am belsâng an ti che a?

INPÂKNA HLABU 149:9

Rorêl ziek saa an chunga rêl dingin; Chu chu a mi inthienghai po po ta dinga ropuina a nih. Lalpa chu inpâk ro.

INPÂKNA HLABU 64:8

Chuongchun, anni lei ngei chun anni a do leiin, sukkatin um an ta, Anni hmu taphawthai chun an lu thinkhum an tih.

THUVARHAI 17:20

Lungril chapo neitu chun thil ṭha a hmu ngai naw a, Lei khêlinhlip neitu chu pawitâwknaah a tlu lût hlak.

ISAI 28:22

Chuongchun, mi hmusit hmangtuhai ni ta naw ro, chuong naw chun, in kawl bunhai chu ringumtakin siem rawi an tih; tâwpna, tâwpna tlung ngei dinga ruot tlat chu, hnuoi pumpui chunga a tlung ding thu, Lalpa, sipaihai Lalpa kuoma inthawk chun ka hriet si a.

ISAI 3:8

A ropuina mit chu suknuor dinga an ṭawng le an thilthawhai chu Lalpa do tieng a ni leiin Jerusalem chu a se zo a, Judahai chu an tlu zo tah a nih.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 23:37

Chuongchun, zâwlnei kuoma chun, “Lalpa chun iengin am a dawn che a? Lalpa chun ieng am a hril a?” tîng in ta.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

MATTHAI 12:36

Chun, ka hril cheu hi, mihaiin thu teplo an hril taphawt, chuong thu chanchin chu ngaituo nia chun hril an tih.

LUKA 19:22

“Chun, ama chun a kuomah, ‘Suok suol, i ṭawngbau suok ngeiin kân thiem naw che. Mi vîntak ka na, ka sie naw khawm ka lâk a, ka tu naw khawm ka sîk hlak ti i hriet maw?

THILTHAWHAI 14:15

“Puhai, iengdinga hieng thilhai hi in thaw am a na? Keini khawm in nungchang ang put mihriem kan ni hi; hieng thil teplohai hi in nghatsan a, vân hai, hnuoi hai, tuipui hai, an sûnga um po pohai siemtu Pathien hring kuoma chun in hung kawpna dingin Chanchin Ṭha kan hung intlun cheu a ni hi.

GALATI 6:5

Mi tinin mani phur an phur seng ding a ni si a.

DÂN PAHNINA 5:26

Meia inthawka Pathien hring râwl kan hriet anga hre vea dam si, taksa puthai po po lai tu am an um a?

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

2 PETER 3:16

A lekhathawn po poa chun chuong thu chu hrilin, chuong ang bawkin a ziek a nih; chuonga chun thu hriet intak takhai a um a, chuong chu mi var naw le mi det nawhaiin, Pathien Lekha Thu dang an ngai kawi angin an ngai kawi a, mâni le mâni an insukbohmang pha hlak a nih.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.