JEREMIA 23:32 - Pathien Lekhabu Inthieng (BSI)

³² Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 23:32 ပူးပေါင်းရင်းမြစ်များ

JOB LEKHABU (THE BOOK OF JOB) 13:4

Khêlthuahai khêlhriltuhai chau in ni hi; Damdawi thiem mi ṭhangkaina um si lohai vawng in nih.

ISAI 3:12

Ka mihai chu anni nêksâwrtuhai hi naupang an ni ta a, nuhmeihaiin an chungah ro an rêl a. Aw ka mihai, in ṭhuoituhai chun an ṭhuoi suol cheu a, in fena lampuihai chu an suksiet hlak.

ISAI 9:15

Upa le mi inzaumhai chu a lu chu an na, khêl inchûktir hlak zâwlneihai chu a mei chu an nih.

JEREMIA 23:13

Samaria zâwlneihaia chun invêtna ka hmu a, anni chun Baal hmangin thu an hril a, ka mi Israelhai chu an insuksuoltir a.

JEREMIA 23:16

Sipaihai Lalpa chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, Lalpa baua inthawka mi chu ni lovin.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 23:31

Ngai ta u, an leihai hmanga, ‘Lalpain a hril,’ titu zâwlneihai chu ka kal a nih, Lalpa chun a tih:

JEREMIA 29:31

“Sal intânghai po po kuoma chun mi tir la. Nehelam mi Semaia chungthua chun Lalpa chun hienghin a tih: Semaia chu ka tir lovin, in kuoma chun thu hrilin, thukhêl chu a hung inawitir cheu leiin,

JEREMIA 7:8

Ngai ta u, thukhêlhliphai, ṭhathnemna neilohai chu in ring a.

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk che a; I sal nina hung lakîr dingin, i suolna hlak an hmusuok thei si naw a. Nanga ta dingin hlêmna le, teplo thu mei mei chau chu an hmupêk che a.

ṬAP HLA 3:37

Lalpain thu a pêk naw laia, a hril a, hung tlung el hlak chu tu am a na?

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche ta a, dâna chun inpâwngnêkna chu an hmang ta a nih.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

2 KORINTH 1:17

Chuongchun, chuong ang ka lungril lai khan kan lungril det nawzie inentir am ka nih? Annawleh, ka kuomah, “A nih, a nih,” ti le, “A ni nawh, a ni nawh,” ti chu um ve ve dingin, thil thaw ka tum hlak chu tisa angin am a ni ka tum?

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.