Chun, Kenaan naupa Zedekia chun thîr kihai a siempêk a, “Lalpa chun hieng ang hin a tih, ‘Hienghai hin Suria mihai chu chimit dêr khawpin sik i tih,’ tiin,” a ta.
Chuongchun, Israel ram lal chun zâwlnei za li lai chu a ko khâwm a, an kuomah, “Ramoth-gileada chun indo dingin kan hang fe ding am, annawleh ka tosan el ding?” a ta. Anni chun, “Hang fe ro, Pathien chun lal kutah a pêk suok ding a ni si a,” an ta.
Lalpa thuhai hmusittuhai kuoma chun, Lalpa chun, ‘Thlamuongna nei in tih, a tih,’ an ti zing zing hlak a, chun, mi mâni lungril ngarzie ang peia um hlaktu kuoma khawm chun, ‘In chungah thil ṭha naw hung tlung naw nih,’ an ti bawk hlak a.
Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”
Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, Lalpa chun nang a tir naw che a, nisienlakhawm, hi mipui hi khêlthu chu în ringtir a ni hi.