JEREMIA 23:28 - Pathien Lekhabu Inthieng (BSI)

²⁸ Zâwlnei mang nei chun a mang chu hril sienla, keima thu hretu chun keia thu chu ringumtakin hril bawk raw se. Bu le a kûng chun ieng am inangna an nei a? Lalpa chun a tih.

JEREMIA 23:28 ပူးပေါင်းရင်းမြစ်များ

1 LALHAI 22:14

Mikaia ruok chun, “Lalpa hringna sâlin ka hril a nih, Lalpain ka kuoma a hril chu a nih ka hang hril ding chu,” a ta.

1 LALHAI 22:16

Chun, lal chun a kuomah, “Thutak ngawt naw chu Lalpa hminga ka kuoma hril lo dingin vawi iengzât rau am ṭawng kân khâmtir ding che a ni leh?” a ta.

THUVARHAI 14:5

Thuhretu ringum chu inkhêl naw ni a, Thuhretu indik naw ruok chun khêl hril a tih.

ISAI 21:10

Aw ka bu vuok sa, ka hrizâwla bu; sipaihai Lalpa Israelhai Pathiena inthawka ka hriet chu ka hril cheu a ni hi.

JEREMIA 23:25

‘Mang ka nei, mang ka nei,’ tia ka hminga thukhêla thuhriltuhai, zâwlneihaiin an hril chu ka hriet a.

JEREMIA 42:4

Chun, zâwlnei Jeremia chun an kuomah, “In thu chu ka hriet ta a; ngai ta u, Lalpa in Pathien kuoma chun in thuhai ang peiin ṭawngṭai ka tih; chun, thil iengkhawma Lalpain a hung dawnna cheu chu in kuomah hrilfieng ka tih, iengkhawm in kuomah ip naw ning,” a ta.

JEREMIA 9:12

Hi hi a hrilfie theina dinga Lalpa bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta naw am a na?

JEREMIA 9:20

Aw nangni nuhmeihai, Lalpa thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

EZEKIEL 13:3

Lalpa chun hieng hin a tih: zâwlnei invêt, iengkhawm hmu si lova mâni ngaidân ngawt zâwmtu chu a chung a rik!

MATTHAI 24:45

“Suok ringum vartak, a puin a hun po leh an bu chan ding sem pêk dinga a sûnghai chunga hotua a siem chu tu tak am nîng a ta le?

LUKA 12:42

Chun, Lalpain, “Sum enkawltu ringum, var tak, a puin a hun poa an bu chan ding sempêk dingin a sûnghai chunga hotua a siem ding chu tû tak am nîng a ta?

1 KORINTH 4:2

Hitaka hin enkawltu chu mi ringum ni a ngai bawk a nih.

2 KORINTH 2:17

Chuong ang ding chun tu am tling zo an ta? Mi tamtakin Pathien thu hi mihai hlêma sumdâwngnaa an hmang angin, keini chun kan hmang ve si naw a, titakzet lemin, Pathien itir lemin, Pathien mithmuin Kristaa chun thu kan hril lem hlak a nih.

1 TIMOTHE 1:12

A mi sukhrâttu Krista Isu ei Lalpa kuoma chun lâwmthu ka hril a nih; ringumah a mi ngai a, a rawngbâwltuah a mi ruot ta leiin.