JEREMIA 23:24 - Pathien Lekhabu Inthieng (BSI)

²⁴ Lalpa chun, ‘Mi tukhawm ka hmu lo dingah hmun fienrielahai ân bihmang thei am a nih?’ a tih. ‘Hnuoi le vân chu keia suksip a ni naw am a nih?’ Lalpa chun a tih.

JEREMIA 23:24 ပူးပေါင်းရင်းမြစ်များ

INṬANNA 16:13

Chun, Hagarin ama betu Lalpa hming chu, “Nang hi hmu theitu Pathien i nih,” tiin ân bûk a. “Hitaka ngei hin a mi hmutu chu ka hmu takzet am a ni aw?” a ti a nih.

1 LALHAI 8:27

Nisienlakhawm, Pathien chu hnuoia hin a um ngût ding am chu? Ngai ta, vân le vânhai vâna khawm i keng naw a na, hi ka in bâwla lem hin chu i vân leng naw nasa âwm ngei de!

2 CHANCHIN SUINA 2:6

Amiruokchu, vân le vânhai vân khawm chun ama chu a dâwl nawh ti hmuin tuin am ama ta ding chun in bâwl thei a ta? Ama hmaa riminhnik rawna ding ti chau naw chu, ama ta dingin in ka hang bâwlpêk chu, a tu ang am ka ni hrim a?

2 CHANCHIN SUINA 6:18

Nisienlakhawm, thilthaw tinrêngah mihriemhai lai Pathien chu a khawsa ding am a nih? Ngai ta, vân le vânhai vân khawm chun nang chu a dâwl naw che a nih; hi in ka bâwl lem hi chu a chîn nasa âwm de!

JOB LEKHABU (THE BOOK OF JOB) 34:21

A mithai chu mihriem lampuihai chunga chun a fu a, A fe vêl po po khawm chu a hmu zing a.

JOB LEKHABU (THE BOOK OF JOB) 34:22

Thina hlim amanih, inthimna amanih khawm a um nawh, Thil khawhlo thawtuhai an inbîkna ding hmun chu.

INPÂKNA HLABU 10:11

A lungrila chun, “Pathienin a theinghil tah; A hmai a thup a, iengtika khawm hmu naw ni,” a ti hlak a.

INPÂKNA HLABU 139:7

I thlarau kuoma inthawk hi khâwlai am fêng ka ta? I hmaa inthawk hi khâwlai am tlân hmang ka ta?

INPÂKNA HLABU 139:8

Vânah hang lâwn lang, chutaka chun i um si a! Seolah zâlna siem lang, ngai ta, chutaka chun i um bawk si a!

INPÂKNA HLABU 148:13

Chuonghai chun Lalpa hming chu inpâk raw se, A hming chau chu chawisângin a um sih a; A ropuina chun hnuoi le vân a khûm dai a.

INPÂKNA HLABU 90:8

Kan rîtlonahai chu i hmaah i sie a, Kan suol iprûkhai chu i hmêl varah i sie ta a.

THUVARHAI 15:3

Lalpa mithai chu hmun tinah a um a, Thil ṭha le thil ṭha naw chu a hmu zing hlak.

ISAI 29:15

An remruot chu Lalpa kuoma thup dinga inthûktaka zawngtuhai chu an chung a rik ie! an thilthawhai chu inthim hnuoiah a um a, “Tuin am mi hmûng a ta? Tuin am hriet khawm mi hrieng a ta?” an ta.

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti si a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 66:1

Lalpa chun hieng ang hin a tih, “Vân ka ṭhungpha a na, hnuoi ka ke innghatna a nih; in ieng ang am in mi bâwlpêk ding a na? Khâwlai hmun am a na ka châwlna ding chu?

JEREMIA 16:17

An lampuihai po po chu ka mit chun a en zing a, ka hmaia inthawka thup an ni naw a, ka mithmua inthawkin an suolnahai khawm chu thup a ni bawk nawh.

JEREMIA 32:19

rorêlnaa ropui le, sinthawa thilthawthei tak, mihriem nauhai umdân po po hmu zing hlak; mi tin chu ama um dân le a thilthawhai ang peia pe dingin;

JEREMIA 49:10

Esau chu ruoka ka sie a na, ân bîkna hmunhai chu ka suklangpêk a, ama le ama chu inthup thei naw nih; a chi chu suksiet a na, a unauhai le a tuolbâwmhai le, ama chu a um ta nawh.

EZEKIEL 8:12

Chun, ama chun ka kuomah, “Mihriem naupa, mi tin mâni milim pindan chitah, Israel sûngkaw upahai chun inthim hnuoia chun ieng am an thaw a, i hmu am? Anni chun, ‘Lalpa chun a mi hmu nawh, Lalpa chun hnuoi hi a nghatsan tah,’ an ti a,” tiin.

EZEKIEL 9:9

Chun, ama chun ka kuomah, “Juda le Israel sûngkaw suolna chu a nasa êm êm a, ram chu thisenin a sip a, khawpui sûng chu rorêlna pawisak nawnain a sip a, ‘Lalpa chun ram hi a nghatsan ta a, Lalpa chun a hmu nawh,’ an ti si a.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

EPHESI 1:23

kohran chu a taksa a nih, iengkim tinrênga suksiptu famkimna chu.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.