JEREMIA 23:21 - Pathien Lekhabu Inthieng (BSI)

²¹ Hieng zâwlneihai hi ka tir naw a, anachu, an tlân si a; an kuoma chun thu khawm ka hril naw a, anachu, anni chun thu an hril si a.

JEREMIA 23:21 ပူးပေါင်းရင်းမြစ်များ

ISAI 6:8

Chun, “Tu am tir ka ta, tu am ei ta dingin fêng a ta?” tiin Lalpa râwl chu ka hriet a.

JEREMIA 14:14

chun, Lalpa chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir naw a, thu khawm ka pêk naw a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 27:14

In kuoma ‘Babulon lal rawng chu in bâwl ding a ni nawh,’ titu zâwlneihai thu chu ngai naw ro: in kuoma chun thukhêl an hril si a.

JEREMIA 27:15

Lalpa chun a tih: Anni chu ka tir si naw a, nisienlakhawm, ka hmingin thukhêl chu an hril a nih; nangni chu ka hnawt suok theina ding cheu le, nangni le zâwlnei in kuoma thuhriltuhai chu in bohmang theina dingin,” tiin.

JEREMIA 28:15

Chun, zâwlnei Jeremia chun zâwlnei Hanania kuoma chun, “Hanania, tuhin lo ngai ta, Lalpa chun nang a tir naw che a, nisienlakhawm, hi mipui hi khêlthu chu în ringtir a ni hi.

JEREMIA 29:31

“Sal intânghai po po kuoma chun mi tir la. Nehelam mi Semaia chungthua chun Lalpa chun hienghin a tih: Semaia chu ka tir lovin, in kuoma chun thu hrilin, thukhêl chu a hung inawitir cheu leiin,

JEREMIA 29:8

Sipaihai Lalpa Israel Pathien chun hieng hin a tih: Nangni laia in zâwlnei umhai le, in khawhri zâwlhaiin hlêm naw raw se cheu, chun, in manghai in imang khawm chu ring bawk naw unla.

JEREMIA 29:9

Keia hmingin khêlin in kuomah thu an hril hlak si a; anni chu ka tir an ni nawh, Lalpa chun a tih.

JOHAN 20:21

Chun, Isûn an kuomah, “In chungah thlamuongna um raw se, Pain kei a mi tir ang bawkin ka tir cheu hi,” a ti nâwk a.

THILTHAWHAI 13:4

Chuongchun, Thlarau Inthieng tir suok chun an fe ta a, Selukai khuoah an fe thla a, chutaka inthawkin Kupra thlierkârah lâwngin an fe a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 10:15

Tir an ni naw chun iengtin am thu hril an ta? “Thil ṭha chanchin lâwmum intluntuhai ke chu a va mawi de!” tia ziek ang khan.