JEREMIA 23:20 - Pathien Lekhabu Inthieng (BSI)

²⁰ Thawa a um hmakhat chun Lalpa lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 23:20 ပူးပေါင်းရင်းမြစ်များ

INṬANNA 49:1

Chun, Jakobin a naupasalhai chu a ko a, a hril a; “Ni nuhnunghaia in chunga thil la tlung ding chu ka hril theina ding cheuin hung inkhâwm ro.

1 LALHAI 8:47

sala an ṭhuoina rama an inngaituo suok a, an insîr a, ‘Thil ei lo suksuol a, indiknawtak le suoltakin ei lo thaw a ni tah,’ tia an hung ngên che a,

2 LALHAI 23:26

Chuong sa khawm chun Lalpa chun a lunginsenna nasatak Manassein a lo suklungsenna po po leia Juda chunga a lunginsenna chawk chu a la sukbo chuong naw a.

2 LALHAI 23:27

Chun, Lalpain, “Israel ka sawn hmang ang hin Juda khawm hi ka hmu phâk lovah sawn hmang vêng ka ta, hi khuo ka thlang Jerusalem ngei le, ‘Chutaka chun ka hming chu um a tih,’ ka tina in chu sukbo dai ka tih,” a ta.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

ISAI 14:24

Sipaihai Lalpa chun hieng anga hrilin ṭawng ân khâm tah, “Matheilovin ka ngaituo ang tak hin hung tlung a ta;

ISAI 55:11

chuong ang bawkin ka baua inthawka ka thu suok chu um a tih: iengkhawm thaw nei lovin ka kuomah hung kîr nâwk naw ni a, ka dit ang chu thaw lem a ta, thil thaw dinga ka tirnaa chun hlawtling bawk a tih.

JEREMIA 30:24

A thaw hmakhat chun Lalpa lunginsenna chu hung kîr nâwk ta naw ni a; a lungrila a tum chu a thaw hmakhat chun: hi hnung tieng nihaia chun la hrieng in tih,”tiin.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat ta a; kân sîr bawk naw a; chutaka inthawk lamlêt bawk naw ning.”

JEREMIA 51:12

Babulon kul banghai epa chun puonzâr chu khai unla, râlvêng chu sukhrât unla, vêngtuhai sie unla, râlvêng chu buotsai bawk ro; Babulon hluotuhai chunga chun Lalpa chun a thurawt le a hril chu a thaw a ni ta hi.

EZEKIEL 21:10

A that a that theina dinga tâtngei a na, Kâwlinlep ang a ni theina dingin nâwttlêt a ni bawk a! Hlimna ei la siem rawp ding am a nih? Ka naupa hmawl chun thing tinhai chu a hung hmusit a.

EZEKIEL 21:5

chun, tisa tin chun kei Lalpa ngeiin ka kâwlhnâm chu a bâwma inthawkin ka phawi a nih ti hrieng an ta; thun nâwk ni ta ngai naw nih.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

DÂN PAHNINA 4:30

Rinuma in uma, in chunga chuong thilhai po po chu a hung tlung pha chun a tâwp a tâwpa chun Lalpa in Pathien tieng chu ngha kîr nâwk in ta, a thu chu pawm tâng in tih.