JEREMIA 23:2 - Pathien Lekhabu Inthieng (BSI)

² Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 23:2 ပူးပေါင်းရင်းမြစ်များ

FESUOKNA 32:34

Tuhin fe la, hmun ka hrilna chea khan mipui chu ṭhuoi la, ngai ta, ka vântirko i hmaah fêng a tih. Amiruokchu, ka hung sir nia chun an suol man chu anni chungah intlungtir ka tih,” a ta.

JEREMIA 10:21

Berâmpuhai hlak chu an ngawng êm a, Lalpa chu an râwn si naw a; chuleiin, an hlawtling naw a, an berâm ruolhai po po chu an indar zo a.

JEREMIA 11:22

chuleiin, Lalpa chun hieng hin a tih: “Ngai ta, anni chu ka hrem ding a nih; tlangvâlhai chu kâwlhnâmah thîng an ta, an naupasalhai le an naunuhmeihai chu ṭâmin thîng an tih;

JEREMIA 13:17

Nisienlakhawm, in ngai naw chun, in chapona lei chun ka thla chu inrûkin ṭap a tih; Lalpa berâm ruol chu sala man an ni tâk leiin ka mit chu rinum titakin ṭap a ta, mitthliin luong thlâng a tih.

JEREMIA 13:20

I mithai kha hang inlên la, hmâr tienga inthawka hunghai saw en ta, i berâm ruol, nanga kuoma pêka um, i berâm ruol mawitak el kha khâwlai am a um a?

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 17:10

Kei Lalpa hin lungril chu ka zawng suok hlak a, mi tin chu a thilthawhai ra ang pei le, a lampuihai ang peia pêk dingin an inthununna chu ka fie bawk a.

JEREMIA 21:12

Aw David sûngkuo, Lalpa chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thilthawhai rîtlo leiin, mei angin ka lunginsenna chu fe suok a ta, tukhawm ṭhel ruol lovin chawk a tih.

JEREMIA 23:34

Chun, zâwlnei amanih, thiempu amanih, chu mi laia pakhat, “Lalpa phurrik chu” titu chu kei khawma chu mi le a sûngkuo chu hrem ka tih.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 5:29

Hieng thilhai lei hin ka hung hrem naw ding am a nih? Lalpa chun a tih; hnam hieng ang chunga hin ka thlarau chun phuba a lâk naw ding am a nih?

JEREMIA 5:9

Hieng thilhai lei hin ka hung hrem naw ding am a nih? Lalpa chun a tih; ka thlarau chun hieng ang hnam chunga hin phuba a lâk naw ding am a nih?

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

EZEKIEL 34:5

Anni chu berâmpu an um naw leiin an indar a; rama sahai po po ta ding chun bu an na, sukdarin an um ta a.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

ZEKARIA 10:3

Berampuhai chunga chun ka lunginsenna chu a chawk a, kêlchalhai chu ka hrem ngei ding a nih; sipaihai Lalpa chun a berâmruol Juda sûngkuohai chu a hung sir ta a, indonaa sakawr ṭhatak angin a siem ngei ding a nih.

ZEKARIA 11:16

En ta, rama chun Berâmpu pei thlâka umhai chu kankuo ngailo ding le, sukdara um chu zawng ngailo ding le, suktlieka um khawm chu sukdam ngailo ding chu, ka tungding nâwk ding a ni si a; ama chun a hliem le a hrisêl khawm chu châwm chuong naw ni a, a thâu thâu sa chu fa lem a ta, an tinhai chu nawi tamtakin kei nawi a tih,” a ta.

MATTHAI 25:36

saruok ka niin puon in mîn siltir a; ka damnaw a, in mi kan a, intâng inah ka umin in hung si a,’ la tîng a tih.

MATTHAI 25:43

mikhuol ka niin in mîn tlungtir naw a, saruok ka niin puon in mîn siltir naw a; damnaw le intâng ina ka umin in mi kan si naw a,’ la tîng a tih.

JAKOB 1:27

Ei Pathien le Pa mithmua sakhaw biek dân inthieng le, suol ṭhang naw chu hi hi a nih, fahra le hmeithaihai an rimsik laia kan le, khawvêl inthieng nawna kai lova insiem hi.