JEREMIA 23:16 - Pathien Lekhabu Inthieng (BSI)

¹⁶ Sipaihai Lalpa chun hieng hin a tih: “In kuoma thuhriltu zâwlneihai thuhai chu ngai naw unla, anni chun teplo mei mei an inchûktir cheu a nih, an lungrila thil hmulâwk chu an hril a, Lalpa baua inthawka mi chu ni lovin.

JEREMIA 23:16 ပူးပေါင်းရင်းမြစ်များ

1 LALHAI 22:11

Chun, Kenaan naupa Zedekia chun thîr kihai a siempêk a, “Lalpa chun hieng ang hin a tih, ‘Hienghai hin Suria mihai chu chimit dêr khawpin sik i tih,’ tiin,” a ta.

2 LALHAI 17:15

Chun, a thuruothai, an pi le puhai kuoma a thuthlunghai, an kuoma thu inhriettirhai chu an pawisa nuom naw a; thil teplo mei mei an pawm a, teplo mei mei an hung ni ta a; an chungchâng thua Lalpain, “Anni ang chun thaw naw ro,” a lo ti tah, an kâwl vêla hnamhai thaw dân chu an lâk ve a.

2 CHANCHIN SUINA 18:5

Chuongchun, Israel ram lal chun zâwlnei za li lai chu a ko khâwm a, an kuomah, “Ramoth-gileada chun indo dingin kan hang fe ding am, annawleh ka tosan el ding?” a ta. Anni chun, “Hang fe ro, Pathien chun lal kutah a pêk suok ding a ni si a,” an ta.

THUVARHAI 19:27

Ka naupa, hrietthiemna thuhaia inthawka pêthmangna ding chau a, Inchûktirnahai ngaithlâk hi tâwp san rawh.

JEREMIA 14:14

chun, Lalpa chun ka kuomah a hril a, “Zâwlneihai chun ka hmingin thukhêlhai an hril a; anni chu ka tir naw a, thu khawm ka pêk naw a, an kuoma khawm thu ka hril bawk nawh; in kuoma chun thil hmulâwk indik nawhai, khawhri zâwl thuhai, thil iengkhawm ni lo, an lungrila thukhêl chu an hril lem hlak a.

JEREMIA 2:5

Lalpa chun hieng hin a tih: “In thlatuhai khan keimaa hin ieng felnawna am an hmu a, keimaa inthawka hlataka khan an fe hmang a, teplo khata chun an fe a, teplo an hung chang el a ni a?

JEREMIA 23:21

Hieng zâwlneihai hi ka tir naw a, anachu, an tlân si a; an kuoma chun thu khawm ka hril naw a, anachu, anni chun thu an hril si a.

JEREMIA 23:26

Zâwlnei thukhêl hriltuhai, anni lungril inhlêmnaa zâwlneihai chu, chuonghai lungrila chun hi hi iengchen am a um ding a na?

JEREMIA 29:23

Israel rama chun invêtthlâktakin thil an thaw a, an tuolbâwmhai nuhmei le chun an uire a, ka hming sâlin ka thupêk lova khêl thu an hril leiin; chun, kei chu a hretu, a hrietpuitu chu ka nih, Lalpa chun a tih.

JEREMIA 29:8

Sipaihai Lalpa Israel Pathien chun hieng hin a tih: Nangni laia in zâwlnei umhai le, in khawhri zâwlhaiin hlêm naw raw se cheu, chun, in manghai in imang khawm chu ring bawk naw unla.

JEREMIA 9:12

Hi hi a hrilfie theina dinga Lalpa bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta naw am a na?

JEREMIA 9:20

Aw nangni nuhmeihai, Lalpa thu chu la lo ngai unla, in nahai chun a baua thusuok chu hre sienla, mi tinin mâni naunuhmeihai seng chu ṭapinrûm inchûktir sienla, mi tinin a tuolbâwm chu sûn dân inchûktir raw se.

ṬAP HLA 2:9

A dâi kawtkhârhai chu hnuoiah an tlumhmang a; a kalna thîrhai chu a suktliekin a suksiet ta a; A lal le hotuhai chu dân um nawnaa hnamhai laia chun an um a; Anih, a zâwlneihai khawma Lalpaa inthawka thilhmulâwk an hmu ta nawh.

EZEKIEL 13:16

Zâwlneihai Jerusalem chungthu hrillâwktu le inremna um silo inremna dinga thilhmulâwk hmuhai chunga chun, Lalpa Pathien chun a tih.

EZEKIEL 13:23

chuleichun, teplo chu hmu nâwk ta naw ti niu a, vântieng thilhmulâwkhai khawm chu; chun, ka mihai chu in kuta inthawkin sansuok ka ta, Lalpa chu ka ni ti mi hre tâng in tih,” tiin.

EZEKIEL 13:3

Lalpa chun hieng hin a tih: zâwlnei invêt, iengkhawm hmu si lova mâni ngaidân ngawt zâwmtu chu a chung a rik!

EZEKIEL 13:6

An hmulawkna chu ân diknaw a, Ai sâna an hril lâwkhai chu khêl vawng a nih. Lalpain anni chu a tir naw sain, tiin an thu chu sukdet ni ngei dingin mihai an inbeiseitir a.

EZEKIEL 22:28

Chun, a zâwlneihai chun an kuoma aisân inkhêlhai le, teplohai chu hmuin anni ta ding chun chirhak sukhnâk lo chun an chârkhum a; Lalpain thu a hril naw sa khawma, Lalpa Pathien chun hieng hin a tih, an ti a.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:21

Pathien hre zing siin Pathien angin an chawimawi naw a, lâwmthu khawm an hril bawk si nawh. Teplo mei mei an ngaituo lem ta a, an lungril invêt chu a hung inthim ta a.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.