JEREMIA 23:13 - Pathien Lekhabu Inthieng (BSI)

¹³ Samaria zâwlneihaia chun invêtna ka hmu a, anni chun Baal hmangin thu an hril a, ka mi Israelhai chu an insuksuoltir a.

JEREMIA 23:13 ပူးပေါင်းရင်းမြစ်များ

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

2 CHANCHIN SUINA 33:9

Manasse chun Juda le Jerusalema umhai chu ân suksuoltir a; chuongchun, Israelhai hmaa Lalpain a sukbohmang hnamhai nêk hman khan thil suol an thaw nasa lem a.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 2:8

Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 36:2

“Lekhabu zuol la la, chutaka chun Israel ram chungthu le, Juda ram chungthu le, hnam po pohai chungthu, Josia hun laia inthawka i kuoma thu ka hril nia inthawka vawisûn ni chena mi hi, thu ka hrilhai po po chu ziek rawh.

HOSEA 4:11

Nawchizawr dâm, uoin dâm, uoin thar dâm chun Hrietthiemna a lâk hmang hlak.

HOSEA 4:12

Ka mihai chun an thing an râwn a. An hmawl chun a hril hlak. Nawchizawrna lungril chun a ṭhuoi hmang a, An Pathien chu tlânsanin nawchi an zawr ta a.

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?