JEREMIA 23:12 - Pathien Lekhabu Inthieng (BSI)

¹² Chuleiin, an lampui chu an ta dingin inthim laia hmun innâltak ang chu nîng a ta; hnawtin um an ta, chutaka chun tlûng an tih, an chunga chun thil ṭha naw, anni hremna kum ngei chu ka hung intlungtir ding a ni si a, Lalpa chun a tih.

JEREMIA 23:12 ပူးပေါင်းရင်းမြစ်များ

JOB LEKHABU (THE BOOK OF JOB) 18:18

Vara inthawkin inthimah hnawt hmang nîng a ta, Khawvêla inthawka hnawt suok ni bawk a tih.

INPÂKNA HLABU 35:6

Lalpa vântirkoin hnawt pei sien, An lampui chu inthimtak le innâltak ni raw se.

INPÂKNA HLABU 73:18

Anni chu hmun innâltakahai i sie ngei a, Sietnaahai i pei thlâk hlak.

INPÂKNA HLABU 82:5

An hriet naw a hrietthiemna an nei bawk nawh; In thima chun an inlawn an inlawn a; Leihnuoi innghatna po po chu ân hnîng ta vawng a.

FESUOKNA 32:34

Tuhin fe la, hmun ka hrilna chea khan mipui chu ṭhuoi la, ngai ta, ka vântirko i hmaah fêng a tih. Amiruokchu, ka hung sir nia chun an suol man chu anni chungah intlungtir ka tih,” a ta.

THUVARHAI 4:19

Mi khawhlohai lampui chu inthimna ang a na, Ieng âm an insui ti khawm an hriet nawh.

ISAI 8:22

chun, hnuoi tieng nghâng an ta, ngai ta, lunginzîngna le inthimna, thlaphâng ngûina chu nîng a tih; chuongchun, inthim sâmupa hnawt hmangin um an tih.

JEREMIA 11:23

anni laia tukhawm hla um naw ni hai; Anathoth mihai chunga chun thil ṭha naw, anni hung hremna kum chu ka hung intlungtir ding a ni si a,” tiin.

JEREMIA 13:16

Tlâng inthimhai chunga in kehai chu ân sui hmain le, inthim ân umtir hma hin Lalpa in Pathien chu chawimawina pe ro; chun, a var in zawng lai chun, ama chun thina hlimah ân changtir a, inthim nasatak el chu a siem ta a.

JEREMIA 48:44

Ṭitnaa inthawka tlân chu khurthima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, Lalpa chun a tih.

JEREMIA 50:27

A bâwngchalhai po po chu that vawng unla, sa thattu kuomah infetir ro; an chung a va rik de! an ni, anni hung hremna hun chu a hung tlung ta si a. Babulon rama inthawka tlânsea suokthlenghai râwlhai chu e!

JEREMIA 8:12

Thil tirdakum an thaw lai chun inzapui an ti? An inzapui hlawl nawh; an hmai khawm a mâwk naw a, chuleiin, a tluhai laia chun tlu vêng an ta, anni chu hrem an ni huna chun, Lalpa chun a tih.

ṬAP HLA 2:20

En ta, Aw Lalpa, ngai ta, hienga an kuoma i thawnahai hi! Nuhmeihai chun an rîla ra, naupanghai, kuta tâwma umhai chu, an fâk el ding maw? Lalpa hmun inthienga chun zâwlnei le thiempu chu that an ni el ding maw?

MIKA 7:4

Anni laia mi ṭhatak khawm chu buor ang a na, mi indiktak khawm chu hlohlingnei nêkin a se lem; i vêngtuhai ni, fanga i um ni ngei chu a hung tlung tah, chu chu an lunginzîngna ni nîng a tih.

JOHAN 12:35

Chun, Isûn an kuomah, “Var hi nangni lai sâwt nawte a la um hri hi, var in nei sûng hin lêng ro, inthimin a nang nawna ding cheuin; tûkhawm inthima lêng chun a fena chin a hriet ngai nawh.

DÂN PAHNINA 32:35

Phuba lâk le thung chu keima thaw ding a nih, An kalbi ân tleu pha chun, An sietna ni chu a hung hnai an ta a, An chunga thil tlung dinghai chu hung tlung vak a tih.

1 JOHAN 2:11

Mâni unau theidatu ruok chu inthimah a um a, inthimah ân vâk bawk a nih; inthimin a mit a sukdel ta leiin a fena khawm a hriet ngai nawh.

JUDA 1:13

tuisuoriet fâwn invawr, mâni muolphona inhuom suokhai an nih; arasi invâk invâk, chatuona inthim sa mup khêk pêkhai chu an nih.