JEREMIA 23:11 - Pathien Lekhabu Inthieng (BSI)

¹¹ Thiempu le zâwlnei chu sukpawrche an ni ve ve si a; anih, ka ina chun an khawhlona chu ka hmu a nih, Lalpa chun a tih.

JEREMIA 23:11 ပူးပေါင်းရင်းမြစ်များ

2 CHANCHIN SUINA 33:5

Lalpa in tuolpûk pahnia chun vâna thil umhai po po ta ding chun maichâmhai a siem a.

2 CHANCHIN SUINA 33:7

Chun, milim kerṭielhai, ama siem chu Lalpa ina chun a sie a; chu chungthua chun Pathien chun David le a naupa Solomon kuoma chun, “Hi ina le Jerusalema khawm, Israel hnam po po laia inthawka ka thlang suoka hin, kumkhuoa dingin ka hming chu sieng ka ta,

2 CHANCHIN SUINA 36:14

Chu nawa khawm chun, khawhri be mihai tirdakumna po po angin mipuihai le thiempu lalhai khawm chun nasatakin an bawsiet a; Jerusalema Lalpa in a sukthieng ta chu an sukpawrche ta a.

EZRA 10:18

Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni ta a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.

JEREMIA 11:15

Thil tirdakumtak chu thaw zing si chun, ka hmangaitak chun ka inah chan ieng am a nei ta leh? Intiemkamna le saserhai chun in sietna ding ân pumpeltir thei ding am a nih? Chuong a ni chun in hlim thei ding am a nih?

JEREMIA 23:15

Chuleiin, zâwlneihai chungthua chun sipaihai Lalpa chun hieng hin a tih; Ngai ta, anni chu sairamkhain châwm ka ta, mîtkhâ tui indâwntir ka tih; Jerusalem zâwlneihaia inthawk chun ram po poa chun sukpawrchena chu a fe suok si a.

JEREMIA 32:34

Amiruokchu, an tirdakumna chu ka hming chawia sak in chu sukpawrche dingin an sieh a.

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 50:6

“Ka mihai chu berâm inhmanghai an lo ni ta a, an vêngtuhai chun anni chu tlângahai chun inherhmangtirin, an ṭhuoi hmang a; tlânga inthawkin muola dâm chun an fe a, an riekna hmun chu an theinghil ta a.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

JEREMIA 7:30

Juda thlahai chun ka mithmua thil ṭha naw chu an lo thaw ta si a, Lalpa chun a tih: sukpawrche dingin, in ka hming chawia koa chun an tirdakumnahai chu an sie ta a.

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

ṬAP HLA 2:20

En ta, Aw Lalpa, ngai ta, hienga an kuoma i thawnahai hi! Nuhmeihai chun an rîla ra, naupanghai, kuta tâwma umhai chu, an fâk el ding maw? Lalpa hmun inthienga chun zâwlnei le thiempu chu that an ni el ding maw?

EZEKIEL 23:39

An milimhai kuoma an nauhai an that laiin, chu nia ma chun ka hmun inthieng chu sukpawrche dingin an hung si a; chun, ngai ta, ka in sûnga chun chuong ang chun an thaw a nih.

EZEKIEL 44:10

Nisienlakhawm, Israelhai, an milimhai hnawta an invâk hmang laia keimaa inthawka hlataka fe tahai Levi mihai chun anni suolna chu phur an tih.

EZEKIEL 7:20

An incheina mawina chu inlalsaknân an hmang a; nisienlakhawm, an tirdakumna limhai chu an siemin, an pawrchena thilhai limhai le chun; chuleiin, an ta ding chun thil thiengnawah ka siem tah a nih.

EZEKIEL 8:11

An hmaa chun Israel sûngkuoa upahai sâwmsari an ngîr a, anni laia chun Saphan naupa Jaazania chu a ngîr a, mi tin chun an kutah riminhnik râwna thlêng an chawi seng a; chuongchun, riminhnik khu rim chu a hang fe a.

EZEKIEL 8:16

Chun, Lalpa in tuollai sûngril lema chun a mi ṭhuoi ta a, chun, ngai ta, Lalpa biekin kawtkhâr, maichâm le a tuolpûk inkâra chun mi sâwmhni panga, Lalpa biekin chu an hnungtieng innghata, an hmaihai chu khawsak tieng nghain an um a; saktienga nisa chu chibai an bûk a.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

ZEPHANIA 3:4

A zâwlneihai khawm chu mi ngaisam le mi khawhlo an na, a thiempuhai hlak chun hmun inthieng chu an sukpawrche ta a, dâna chun inpâwngnêkna chu an hmang ta a nih.