JEREMIA 22:6 - Pathien Lekhabu Inthieng (BSI)

⁶ Juda lal in chungthua chun Lalpa chun hieng hin a ti si a: Ka ta ding chun Gilead i na, Lebanon lu leh; nisienlakhawm, matheilovin thlalêra le khawpui hluo lovah ka siem ding che a nih.

JEREMIA 22:6 ပူးပေါင်းရင်းမြစ်များ

INṬANNA 37:25

Chun, bu fa dingin an hang ṭhung tâwl a; chun, an hang dâk a, Ismael inzinpâwl Gileada inthawk an sanghâwngseia riminhnik, thing hnai damdawi le murra phura Aiguptaa zu fe ding hunghai chu an hmu a.

INPÂKNA HLABU 107:34

Ram ṭha chu ram ṭâwl chawkah ân changtir hlak a, A sûnga umhai rîtlona leiin.

HLAHAI HLA 4:1

Ngai ta, i hmêl a ṭha, ka hmangai, i hmêl a ṭha, ngai ta, I mithai chu i puon lukhum hnuoia chun vaṭhu mit ang a na, I sam chu kêl ruol ang a nih; Gilead tlâng pang sira bawkhai ang chu.

HLAHAI HLA 5:15

A kehai chu sailungvâr banhai, rângkachak inbûkna kuoa inbûk ang a na. A hmêl inlang dân chu Lebanon, sidar thinga ṭha bîk rieu ang chu a nih.

ISAI 27:10

Khuo kulpui nei chu a khawsâwt a, umna, mi hnungsawn le fesan hnung a ni ta si a, thlalêr ang elin; chutaka chun bâwngtê tlâng a ta, chutaka bawk chun bawk a ta, a kauhai chu fâng a tih.

ISAI 37:24

I siehlawhai hmangin Lalpa chu i sukhmingsiet a, Ka tawlailîr tamtakhai leh tlâng ram, Lebanon ram rilahai hin ka hung tlung ta a;sidar thing insângtakhai le a far thing ṭha mihai hi phûr ka ta; a hmun inzotak, a hnuoi ṭhatna hmun rampuia chun lût ka tih.

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

JEREMIA 21:11

Juda lal sûngkaw chungthua chun Lalpa thu chu lo ngai ta u:

JEREMIA 21:14

in thilthaw ra ang peiin ka hrem ding cheu a nih, Lalpa chun a tih; a rampui hnuoia chun mei sêm ka ta, a sîra um po pohai chu kâng hmang vawng a tih.

JEREMIA 22:24

Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

JEREMIA 26:18

“Moras mi Mikaia khan Juda ram lal Hezekia inlal laiin thu a hril a; Juda rama mi po pohai kuoma chun ‘Sipaihai Lalpa chun hieng hin a tih: Zion chu lo anga inlet nîng a ta; Jerusalem chu hmunhnawk sienkhâwm nîng a ta, in hmun tlâng chu ramhnuoia bâwlhmun tlâng ang nîng a tih,’ tiin.

JEREMIA 4:20

Bohmangna chungah bohmangna a tlung a; ram pumpui chu suksiet a ni ta si a, chawmkhat kârin ka puon inhai chu suksiet an na, mitkhap kâr lovin ka puonzârhai khawm chu.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 50:12

nangni neitu cheu chu buoi a ta, ngai ta u, hnam po poa hnuoihnung tak, thlalêr le, ram ṭâwl le fienriel hmun nîng a tih.

JEREMIA 7:34

Chun, Juda khawpuihaia inthawk le Jerusalem kawtthlêrhaia inthawk chun hlimna râwl dâm, lâwmna râwl dâm, moneitu râwl dâm, mo râwl dâm inrêtir ka tih; ram chu suksiet a ni ding a ni si a.

JEREMIA 8:22

Gileada hin thinghnai damdawi a um naw maw? Chutaka chun damdawi thiem an um naw maw? Chuong a ni chun ieng dinga ka chipuihai naunu chu sukdam a ni nâwm a na?

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

MIKA 3:12

Chuleiin, Zion chu, nangni lei chun lo anga inlet nîng a ta, Jerusalem chu thil se um khâwm nîng a ta, biekin umna tlâng chu ramhnuoi hmun insâng ang nîng a tih.

ZEKARIA 11:1

Aw Lebanon, i kawtkhârhai hawng rawh, I sidar thinghai chu meiin a kâng hmang theina dingin!

NAMBAR 32:1

Reuben le Gad thlahai chun ram an hau hle a; chun, Jazer ram le Gilead ram an hmu chun, a hmun chu ran ta dinga hmun ṭhatak niin an hriet a;

DÂN PAHNINA 3:25

Mîn kaitir la, Jordan râla ram ṭhatak, chu tlâng mâwitak le Leba- non chu mîn hmutir raw khai,’ tiin.