JEREMIA 22:24 - Pathien Lekhabu Inthieng (BSI)

²⁴ Lalpa chun, ka hring zing angin, Jehoiakim naupa Konia chu ka kut changtienga kutsebi sûngphûm ni sienla khawm, chutaka inthawk chun hmalthlâng ka ti che;

JEREMIA 22:24 ပူးပေါင်းရင်းမြစ်များ

2 LALHAI 24:12

chuongchun, Juda lal Jehoiakin chu a nu hai dâm, a mihai dâm, a milienhai dâm, a upahai le chun Babulon lal kuomah an va suok a, chun, ân lal kum riet kumin Babulon lal chun a man ta a.

2 LALHAI 24:15

Chun, Jehoiakin chu Babulonah a ṭhuoi a; chun, lal nu hai, lal nuhmei hai, a upahai dâm, chu rama mihrâthai chu Jerusalema inthawkin Babulonah salah a ṭhuoi a.

1 CHANCHIN SUINA 3:16

Chun, Jehoiakim naupasalhai chu Jekonia le Zedekia an nih.

2 CHANCHIN SUINA 36:9

Jehoiakin chu rorêl a ṭan chun kum rieta upa a na, thla thum le ni sâwm sûng Jerusalema chun ro a rêl a. Lalpa mithmuah thil ṭha nawhai chu a thaw a.

HLAHAI HLA 8:6

I lungril chunga chun inchikna ang le, I bân chunga chun inchikna angin mi sie la; Hmangaina chu thina ang elin a hrât si a; Itthîkna chu thlân ang ela rilo a na; A chawkhai chu meichawk a na, Lalpa meichawkhai ngei chu.

ISAI 49:16

En ta, ka kutphaahai hin ka ziek che hi, i kul banghai chu ka hmaah a um zing a nih.

JEREMIA 13:18

Lal kuoma le a nu kuoma chun hril la: “Inngaitlâwm unla, ṭhung ro, in lukâwmhai chu a hung inhnuoi ta a, in ropuina lallukhum ngei chu.

JEREMIA 22:28

Hi Konia hi bêl kawidar, hmusitum am a ni naw am ni? Ama hi bêl a sûnga duzâwng um nawna chu a ni naw am a ni? Iengdinga pei suoka, ama le a chihai, an ihriet naw rama chu pei suoka um am an na?

JEREMIA 22:6

Juda lal in chungthua chun Lalpa chun hieng hin a ti si a: Ka ta ding chun Gilead i na, Lebanon lu leh; nisienlakhawm, matheilovin thlalêra le khawpui hluo lovah ka siem ding che a nih.

JEREMIA 24:1

Chun, ngai ta, Lalpa biekin hmaha sie theichang leikhawr pahni Lalpa chun a mîn entir a; Babulon lal Nebukadnezzarin Juda lal Jehoiakim naupa Jekonia le Juda rama lalhai le, mi themthiemhai le, thîrsuhai chu Jerusalema inthawka salah a ṭhuoi a, Babulona a hung ṭhuoi tâwl hnung khan.

JEREMIA 28:4

hi hmuna hin Juda ram lal Jehoiakim naupa Jekonia le Juda sal intânghai po po Babulona fe tahai chu hung ṭhuoi kîr nâwk ka ta; Lalpa chun a tih; Babulon lal rîngkawl chu ka sukthliek ding a ni si a,” tiin.

JEREMIA 29:2

(lal Jekonia le lalnu nu le, mi tillâkhai le, Juda ram le Jerusalema lalhai le, mi themthiemhai le, thîrsuhai leh Jerusalem an suoksan hnung chun a nih).

JEREMIA 37:1

Chun, Jehoiakim naupa Konia aia Babulon lal Nebukadnezzarin Juda ram lala a lo siem Josia naupa Zedekia chun ro a rêl ta a.

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai Lalpa chun a tih; ‘nang hi inchikna namna angin siem ka ti che,’ Lalpa chun a tih; ‘nang hi ka lo thlang ta si che a,’ sipaihai Lalpa chun a tih ” tiin.