JEREMIA 22:18 - Pathien Lekhabu Inthieng (BSI)

¹⁸ Chuleiin, Juda lal Josia naupa Jehoiakim chungthua chun Lalpain hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

JEREMIA 22:18 ပူးပေါင်းရင်းမြစ်များ

2 SAMUEL 1:26

Ka unaupa Jonathan, i chungthua hin ka lunginzîng a nih; Ka chungah i ṭha êm êm hlak a, I mi hmangaina chu a mak a, Nuhmei hmangaina chu a khûm dai a nih.

1 LALHAI 13:30

Chun, a ruong chu ama thlâna chun ân zâl a, chuongchun, “A va pawi ngei maw, ka unaupa,” tiin a ṭa a.

2 LALHAI 23:36

Jehoiakim chu ân lal ṭantirin kum sâwmhni le kum nga a na; Jerusalemah kum sâwm le kum khat ân lal a; a nu hming chu Zebida, Ruma khuoa Pedaia naunu a nih.

2 LALHAI 23:6

Chun, Lalpa ina Asera chu Jerusalem puotieng, Kidron vadungah a lâk suok a, Kidron vadunga chun a raw a, a sir nawi dap a, a nawi chu mi narânhai thlânah a the a.

2 LALHAI 24:6

Chuongchun, Jehoiakim chu a pi le puhai kuomah a in a, chun, a naupa Jehoiakin chu ama aiawiin ân lal ta a.

1 CHANCHIN SUINA 3:15

Chun, Josia naupasalhai chu, a upa tak chu Johanan a na, a pahnina chu Jehoiakim a na, a pathumna chu Zedekia a na, a palina chu Sallum a nih.

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

2 CHANCHIN SUINA 36:5

Jehoiakim chu rorêl a ṭan chun kum sâwmhni pangaa upa a na; Jerusalema chun kum sâwmpakhat sûng ro a rel a; a Pathien Lalpa mithmuah thil ṭha naw chu a thaw a,

JEREMIA 16:4

Thina lungngaiumtakin thîng an ta, ṭa khawm ṭa ni naw ni hai a, phûm khawm phûm ni naw ni hai; leihnuoi chunga êkdûr ang chau nîng an ta, ṭâmna le kâwlhnâm chun anni chu fâkzoin um an tih; chun, an ruonghai chu chunglêng vatehai le hnuoi chunga ramsahai ta dinga bu nîng a tih.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 21:11

Juda lal sûngkaw chungthua chun Lalpa thu chu lo ngai ta u:

JEREMIA 22:10

Mithi ta dingin ṭap naw unla, ama chu sûn bawk naw ro; amiruokchu, mi a fe hmang ta ding chun nasatakin ṭap unla; ama chu a hung kîr ta naw ding lei le, a piengna ram chu a hmu ta naw ding leiin.

JEREMIA 22:12

“Hitaka hin ama chu hung kîr nâwk ta naw ni; amiruokchu, ama chu sala an ṭhuoina hmuna chun, chutaka chun thîng a ta, hi ram hi hmu nâwk ta naw ni,” tiin.

JEREMIA 34:5

thlamuongtakin thîng i tih; thlatuhai, i hmaa lal hmasa lo um tahai riminhnik an rawpêk ang khan, nangma ta ding khawma riminhnik râwng an ta, “Aw lalpa!” tiin ṭâng an ti che; hi thu hi ka lo hril ta si a, Lalpa chun a tih.

JEREMIA 36:30

Chuleiin, Juda ram lal Jehoiakim chungthua chun Lalpa chun hieng hin a tih: David lalṭhungpha chunga ṭhung ding tukhawm nei naw ni a; chun, a taksa thi chu sûnah lumah, zânah zildeiah peihâwn nîng a tih.