JEREMIA 22:17 - Pathien Lekhabu Inthieng (BSI)

¹⁷ Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 22:17 ပူးပေါင်းရင်းမြစ်များ

1 LALHAI 21:19

A kuoma chun, ‘Lalpain hieng ang hin a tih, I that a, i neipêk nâwk nghâl a ni maw? tiin,’ ti la, a kuomah, ‘Lalpain hieng ang hin a tih, Uiin Naboth thisen an liekna hmun ngeia hin nanga thisen khawm hi an liek ve ding a nih, tiin,’ ti rawh,” a ti a.

2 LALHAI 23:37

Chun, a pi le puhai thaw dân ang po po Lalpa mithmuah thil ṭha nawtak a thaw hlak a.

2 LALHAI 24:4

pawitâwklo thisen an suo a, Jerusalem chu pawitâwklo thisena a suksip leiin, Lalpain a ngaidam nuom naw a nih.

2 CHANCHIN SUINA 36:8

Jehoiakim thil thaw danghai le, thil tirdakum a thawhai le, amaa hmua umhai chu, ngai ta, Juda le Israel ram lalhai lekhabua chun ziek a nih; chun, Jehoiakin, a naupa chun ama aia chun ro a rêl ta a.

JOB LEKHABU (THE BOOK OF JOB) 31:7

Ka kalchawi chun lampui a pêtsan a, Ka lungrilin ka mithai chu a zui bawk chun, Ka kuthaiah kaidum hrim a um phawt chun;

INPÂKNA HLABU 10:3

Mi rilo chun a lungril thil dit zâwng chu a suong hlak a. Mi duâm chun Lalpa chu a peithlâk a, a hmusit hlak.

FESUOKNA 18:21

Chunawa khawm mipui laia inthawk mi thei thei, Pathien ṭi mi, mi indikhai, hlêpna felnaw theida mihai thlang suok la, anni chu sâng khat chunga rorêltu, za khat chunga rorêltu, sâwmnga chunga rorêltu, sâwm chunga rorêltuhai ni dingin sie rawh.

THUVARHAI 24:2

An lungril chun nêksâwr dân ân chûk a, An hmûrhai chun thilpawi hril ân chûk si a.

ISAI 56:11

Anih, uihai chu duâmtak an na, huntâwk ti hrim an nei ngai nawh; chuong chu berâm vêngtu thil hre theilohai an na, mâni lampui pei, mâni hlâwkna tieng seng, an ngha vawng tâwl, an rêng elin.

JEREMIA 17:11

Indik lova hausaknahai neitu chu, varung ama awpkêu ni si lo te kei khâwmtu ang chu a nih; a dam sûng la la chun ama chu mâksan an ta, a tâwpa chun ama chu invêt nîng a tih.

JEREMIA 19:4

Kei an mi lo nghatsan ta a, hi hmun khawm hi an lo sukhran ta a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip ta a;

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 6:13

Anni laia a chîn taka inthawka anni laia a lien tak chenin, inîtthîk tuonain an sip a; zâwlneihaia inthawka thiempuhai chen khawmin, mi tin el chun indik lotakin an thaw a.

JEREMIA 6:6

Sipaihai Lalpa chun hieng hin a lo ti ta si a: Thinghai chu phûr thlu unla, Jerusalem chunga chun pil dêngpâwnghai chu siem ro, hi hi khawpui hremna ding chu a na, a sûnga chun innêksâwrna ringawt el a nih.

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

JEREMIA 8:10

Chuleiin, an nuhmeihai chu mi danghai kuomah pêng ka ta, an lohai chu a neitu dinghai kuomah pêng ka tih; mi tin el chu a chîn taka inthawka a lien tak chenin, inîtthîknain an sip si a; zâwlneia inthawk thiempu chenin indik lotakin an thaw bawk a.

EZEKIEL 18:12

mi tlasam le mi rimsihai lo insuksuoltir ta a, thawluinaa lo sukse ta a, hnina lo ngaisak lo a, milimhai tienga a mithai lo inlên ta a, tirdakumnahai lo thaw ta a,

EZEKIEL 19:6

Sakeibakneihai lai a suk a tungin ân lawn a, Sakeibakneituoi a hung na, fâkding man an chûk a; Mihriemhai chu a fâk zo ta a.

EZEKIEL 19:7

An in ropuihai chu a hriet a, an khawpuihai a suksiet a, Ân rûm ri leiin ram chu râusanin a um a, a bitna lai po po le chun.

EZEKIEL 19:9

Kawl inbunin bâwmah an khum a, Babulon lal kuomah an hung ṭhuoi a; Kul dettak sûngah an ṭhuoi a, A râwlhai chu Israel tlânghaia inthawk hriet a ni nâwk ta nawna dingin.

EZEKIEL 22:6

Ngai ta, Israel lalhai mi tin chu a thilthawtheina ang peia, thisen insuo dingin i sûnga chun a um a nih.

EZEKIEL 33:31

Mipuihai chu an hung angin i kuoma chun anni chu an hung a, ka mihai angin i hmaa chun an ṭhung a, i thuhai chu an ngai a, amiruokchu, thaw si lovin; an bau chun nasatakin hmangaina an inlangtir a, amiruokchu, an lungrilhai chun an hlâwkna chu a hnawt si a.

MIKA 2:2

Mi lohai an inhnar a, an lâkpêk a, inhai an inhnar a, an lâk el bawk a; mi le an sûnghai, mi le an ro chenin an hnuoisie a.

MIKA 3:10

Zion chu thisenin an bâwl a, Jerusalem chu khawhlonain.

ZEPHANIA 3:3

A sûnga chun a mi ṭhahai chu sakeibaknei inrûm lai ang an na; a rorêltuhai chu zâna sihalhai ang an nih; a zînga chen dingin iengkhawm an hla naw a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:29

chuongchun, rîtlona tinrêng dâm, suolna tinrêng dâm, inhnarna tinrêng dâm, lungril ṭhat nawna tinrêng dâmin an hung sip ta a; îtsîkna dâm, tuolthatna dâm, inhalna dâm, inhlêmna dâm, lungril setak dâma sip an na; inberu hmanghai,

1 KORINTH 6:10

inruhmanghai amanih, mi duâmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

KOLOSSA 3:5

Chuongchun, nangnia um hnuoi tieng thilhai chu sukhlum ro, inditna dâm, inthieng nawna dâm, hurna dâm, châkna suol dâm, duâmna dâm hi, duâmna chu milim biekna a ni si a.

JOSUA 7:21

râllâk laia mi Babulon ram puon ṭhatak le, tangka shekel za hni le, rângkachak tlang shekel sâwmnga bûk ka hmu a, kân hnar êm a, ka lâk el a nih; chun, ngai ta, ka puon in sûngah hnuoiah thuphmang a na, tangka chu chu hnuoia chun a um,” a ti a.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong naw a, an bohmangna hlak a ininnghil bawk nawh.

1 SAMUEL 8:3

Nisienlakhawm, a nauhai chun a umdân chu an lâk ve naw a, sum le pai tieng an hnawt a, thamnahai an lâk a, indik nawtakin ro an rêl a.