JEREMIA 22:15 - Pathien Lekhabu Inthieng (BSI)

¹⁵ Sidara în huon khum leiin lalah în ngai am a nih? I pa chun a fâkin a dâwn a, indikna le rorêlna chu a thaw a ni nâwm a nih? Chuongchun, ama ta ding chun a hung ṭha a.

JEREMIA 22:15 ပူးပေါင်းရင်းမြစ်များ

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

1 LALHAI 10:9

Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

2 LALHAI 22:2

Chun, Lalpa mithmuah thil feltak a thaw hlak a, a pa David lampui po po chu a hraw ve a, changtieng amanih, vawitieng amanih a pêtsan naw a.

2 LALHAI 23:25

Mosie dân ang po poa lungril po po le thlarau po po le hrâtna po poa Lalpa pawm ama ang hrim hrim a hmaa lal tukhawm an um naw a, a hnunga khawm ama ang chu tukhawm an um nâwk ta bawk nawh.

1 CHANCHIN SUINA 3:15

Chun, Josia naupasalhai chu, a upa tak chu Johanan a na, a pahnina chu Jehoiakim a na, a pathumna chu Zedekia a na, a palina chu Sallum a nih.

2 CHANCHIN SUINA 34:2

Lalpa mithmuah thil indik chu a thaw a, a thlatu David lampuihai chu a hraw a, changtienga manih, vawitienga manih khawm a pêthmang naw a.

2 CHANCHIN SUINA 35:22

Nisienlakhawm, Josia chun ama chu a kîrsan chuong naw a, ama chu a do ngei theina dingin, ân sukdanglam a; Pathien baua inthawka Neko thu chu a ngaisak naw a, ama chu Megiddo ruoma do ding chun a suok ta a.

2 CHANCHIN SUINA 35:26

Josia thilthaw danghai le, a thilthaw ṭhathai chu, Lalpa dâna ziek ang tak chun,

THUVARHAI 20:28

Lunginsietna le thutak hin lal chu a vawngṭha a, A lalṭhungpha khawm chu zângainaa tungding a nih.

THUVARHAI 21:3

Rorêlna le thil fel thaw hi, Inthâwina nêkin Lalpa ta dingin pawmtlâk a ni lem dai.

THUVARHAI 25:5

Lal hmaa inthawk chun mi khawhlo chu la hmang la, A lalṭhungpha chu felnaa tungding nîng a tih.

THUVARHAI 29:4

Lal chun rorêlna felin ram chu a tungding a, Amiruokchu, thilthlâwnpêkhai dawngtu chun a suksiet.

THUVARHAI 31:9

I bau chu ka la, feltakin ro chu rêl la, Chun, tlasamhai le pasiehai ta ding chun rorêlna rawng chu bâwl rawh.

THUHRILTU 10:17

Aw ram, i lal chu mi ṭhahai naupa a na, I rorêltuhai chun inruina ding el ni lova, hrâtna dinga A hunbi taka an fâk lai chun i va hlim de!

THUHRILTU 2:24

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu ta a, Pathien kuta inthawk bawk a nih.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.

ISAI 33:16

ama chu chungtieng chun um a ta, a kulbîng insânghai chu lungpui kulbînghai chu nîng a tih: bu chu a kuoma pêk nîng a ta, a tuihai chu um ngei ngei a tih.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 21:12

Aw David sûngkuo, Lalpa chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thilthawhai rîtlo leiin, mei angin ka lunginsenna chu fe suok a ta, tukhawm ṭhel ruol lovin chawk a tih.

JEREMIA 22:18

Chuleiin, Juda lal Josia naupa Jehoiakim chungthua chun Lalpain hieng hin a tih: Ama chu “Aw ka unaupa,” tiin amanih, “Aw farnu,” tiin amanih, sûn naw ni hai a; “Aw lalpa,” tiin amanih, “Aw a ropuina chu,” tiin amanih, sûn bawk naw ni hai.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 42:6

A ṭha amanih, a sie amanih khawm ni sienla, Lalpa kan Pathien kan itirna che chu a râwl chu ngai kan tih; Lalpa kan Pathien râwl chu kan awi pha chun, keini ta dinga a ṭhatna dingin, ” an ta.

JEREMIA 7:5

In lampuihai le in thilthawhai chu in siem ṭha a; mi le a tuolbâwm kara rorêlna tlangtaka in sukthlûkpêk a,

LUKA 11:41

Nisienlakhawm, a sûnga thil um chu mi rimsihai kuoma pêk dingin hmang ro; chuongchun, ngai ro, in ta dingin iengkim ân thieng tah a nih.

THILTHAWHAI 2:46

Ni tin lungril hmunkhatin Pathien biekina chun ṭhahnemngaitakin an um hlak a, an in tieng khawm bei an khawi a, hlimtak le lungawitakin bu an fâk hlak a.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

DÂN PAHNINA 4:40

Kumkhuoa dinga Lalpa in Pathienin a pêk cheu rama chun nangni le in thlahai ta dinga ṭha le in chêng sâwt theina dinga thuruothai le thupêkhai, tuta ka pêk cheu hi in zâwm ding a nih,” ti hi.