JEREMIA 21:13 - Pathien Lekhabu Inthieng (BSI)

¹³ Aw phairuom le, phaia lungpui hmun hluotuhai, ngai ta u, nangni ka dodâl cheu a nih, Lalpa chun a tih: nangni chun, “Ei chungah tu am hung thlâng a ta? Tu am ei chêngnaa hin hung lût a ta?” in ti a;

JEREMIA 21:13 ပူးပေါင်းရင်းမြစ်များ

INPÂKNA HLABU 125:2

Tlânghai chu Jerusalem vêla a um angin, Lalpa chu a mihai vêlah a um hlak, Tuta inthawka kumkhawtluongin.

FESUOKNA 13:20

Sukkotha inthawkin an fe suok a, thlalêr sîr Ethama chun bûk an khuor ta a.

FESUOKNA 13:8

Chu ni chun i naupa kuomah, ‘Aiguptaa inthawka ka hung suok laia Lalpa thil mi thawpêk ta leia thaw a nih,’ tiin hril i tih.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

JEREMIA 17:3

Aw rama ka tlâng, i thuomhnawhai le i rohai chu i bâwlhmunhai le, i ramri sûng po poa i suolna lei chun râllâk sumah ka pêk ding a nih.

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 49:16

I ṭiumna chungthua chun, i lungril chapona chun a hlêm che a nih; Aw nang lungpui kak kârhaia chêngtu, muol insângnahai cheltu: i bu chu mupui bu anga insânga chun sep la khawm, chutaka inthawk chun ka hung sukhnuoi ding che a nih, Lalpa chun a tih.

JEREMIA 50:31

Ngai ta, nang ka dodâl che a nih, Aw nang mi chapo, Lalpa, sipaihai Lalpa chun a tih; i ni, ka hung hremna ding che ni chu a hung tlung mêk si a.

JEREMIA 51:25

“Ngai ta, Aw suksetu tlâng, hnuoi po po suksetu, nang ka dodâl che a nih, Lalpa chun a tih: i chunga chun ka kut hung inlet ka ta, râwlkhotlânga inthawk chun inhlum thlâng ka ti che a, tlâng kângah siem ka ti che.

JEREMIA 7:4

‘Lalpa biekin chu, Lalpa biekin chu, Lalpa biekin chu hi hi a nih,’ ti thukhêl dâm hi ring naw ro.

ṬAP HLA 4:12

Jerusalem dai kawtkhârhai chun hmêlma le râldo chu hung lût an tih ti, Hnuoia lalhai chun an ring naw a, khawvêl hluotuhai khawmin an ring nawh.

EZEKIEL 13:8

Chuleiin, Lalpa Pathien chun hieng hin a tih: “Teplo mei mei in hril a, khêlhai chu in hmu leiin, ngai ta u, nangni chu ka dodâl cheu a nih. Lalpa Pathien chun a tih.

EZEKIEL 21:3

chun, Israel ram kuoma chun hieng hin hril la, Lalpa chun hieng hin a tih: Ngai ta, nang hi ka dodâl che a, a bâwma inthawk chun ka kâwlhnâm chu phawi dawk ka ta, nangmaa inthawka mi fel le mi rilohai khawm chu sât thlâng ka tih.

EZEKIEL 34:10

Lalpa Pathien chun hieng hin a tih: Ngai ta, berâmpuhai chu ka dodâl a nih; ka berâmhai chu an kutah lâkpêk ka ta, an berâm châwm chu inmâktir ka tih; anni berâmpuhai khawm chu mâni le mâni inchâwm bîk ta naw bawk an tih; chun, an ta dinga bu an ni nawna dingin ka berâmhai chu an baua inthawk chun la suok ka tih.

EZEKIEL 5:8

Lalpa Pathien chun hieng ang hin a tih: Ngai ta u, kei hin, kei ngei hin ka dodâl cheu a nih; hnamhai mithmua ngei chun nangmaa chun rorêlna chu ka hung tirsuok ding a nih.

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

NAHUM 2:13

Sipaihai Lalpa chun, “Ngai ta, ka do che a nih, i tawlailîrhai chu raw khu hlut hlut ka ta, i sakeibaknei têhai chu kâwlhnâmin bohmang an tih; chun, hnuoia i sase hi suktâwp ka ta, i palaihai râwl chu hriet ni ta naw ni,” a ta.