JEREMIA 21:12 - Pathien Lekhabu Inthieng (BSI)

¹² Aw David sûngkuo, Lalpa chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thilthawhai rîtlo leiin, mei angin ka lunginsenna chu fe suok a ta, tukhawm ṭhel ruol lovin chawk a tih.

JEREMIA 21:12 ပူးပေါင်းရင်းမြစ်များ

2 SAMUEL 8:15

Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

JOB LEKHABU (THE BOOK OF JOB) 29:17

Mi fello ha chu ka sukthliek a, A sa fâk chu a haa inthawk chun ka lâk suok hlak.

INPÂKNA HLABU 101:8

Tûk tin hi rama mi rilohai hi sukbohmang ka ta, Lalpa khawpuia inthawk hin thil suksuoltuhai po po sukbohmang dingin.

FESUOKNA 18:13

A zînga chun Mosie chu mipui ro rêlpêk dingin a ṭhung a; mipui chu zîngkâra inthawk zântieng chenin Mosie vêla chun an ngîr ta a.

ISAI 1:17

rorêlna fel zawng unla, nêksâwrna tuorhai chu ṭhangpui unla, pa bohai chu ro rêlpêk unla, hmeithaihai chu hrilpui ro,” ti hi.

ISAI 1:31

Chun, mi hrâttak chu ziza pawn ang ni tâng a ta, a sinthaw chu meisi ang ni tâng a tih; chuongchun, kâng rêl an ta, tukhawma sukrêm naw ni hai,” tiin.

ISAI 7:13

Chun, ama chun, “Aw David sûnghai, tuhin lo ngai ta u, mihriem suksâwl hi thil chiretekah in ruot a ni maw? Ka Pathien chen khawm suksâwl in nuom rawp hi.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

JEREMIA 17:4

Nang khawm, nang ngei khawm, i rochan dinga, ka pêk chea chun um zing naw ti ni a, ram i hriet ngai lova chun i hmêlmahai rawng inbâwltir ka ti che a; ka lunginsennain mei, kumkhuoa chawk ding chu i lo sêm ta si a.

JEREMIA 21:5

Keima ngeiin bân phar le kut hrâtin, lunginsenna le, ṭitumna le nasataka lunginthakna leh do ka ti che a.

JEREMIA 23:19

Ngai ta u, Lalpa thlipui chu, a lunginsenna chu, a fe suok a, anih, thlivir thlipui chu, mi khawhlo lu chunga chun hung nuoi a tih.

JEREMIA 23:2

Chuleiin, Lalpa Israelhai Pathien chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl ta a, anni chu in va sir ngai bawk naw a; ngai ta u, in thilthaw rilohai chun ka hung sir ding cheu a nih, Lalpa chun a tih.

JEREMIA 23:5

Ngai ta, nihai chu a hung tlung mêk; Lalpa chun a tih: David-a hin kau feltak chu hung inṭotir ka ta, ama chun lal angin rorêl a ta, vartakin thâwng a ta; rama chun rorêlna le felna chu suksuok a tih.

JEREMIA 36:7

An hnina chu Lalpa hmaa pein, mi tin chu mâni um dân suola inthawk chun an hung kîr rawi mawh: hi mihai chunga lunginsenna le ṭitumna Lalpain a hril chu a nasa hle si a,” tiin.

JEREMIA 4:4

Lalpa kuoma chun ser intan unla, in lungril ser chu tan ro, nangni Jerusalema mihai le, Juda rama mihai; chuong naw chun ka lunginsenna chu mei angin fe suok a ta, i thilthawhai rîtlona lei chun; tukhawm iṭhel ruol lovin kâng a tih.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 5:14

Chuleiin, Lalpa, sipaihai Pathien chun hieng hin a tih: Hieng thuhai hi in hril leiin, ngai ta, i baua chun ka thuhai chu meiah inchangtir ka ta, hi mipuihai hi a thingah, chuongchun, anni chu kânghmang a tih.

JEREMIA 5:28

An hung thâu a, an tlawr a, anih, khawhlona thilthawhai chu an thiem zâk a, a chungthu angin, pa neilohai chungthua chun an ṭan naw a, an hlawtlingna dingin; mi tlasamhai thuneina chu an ngaisak nawh.

JEREMIA 7:20

Chuleiin, Lalpa Pathien chun hieng hin a tih: Ngai ta, ka lunginsenna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thinghai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 7:5

In lampuihai le in thilthawhai chu in siem ṭha a; mi le a tuolbâwm kara rorêlna tlangtaka in sukthlûkpêk a,

ṬAP HLA 4:11

Lalpa chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 22:31

Chuleiin, ka lunginsenna chu an chunga chun ka bunthlâk a, ka lunginsenna mei chun anni chu ka kâng hmang ta a; an lampuihai chu anni lu chunga ngei chun ka hung intlungtir ta a, Lalpa Pathien chun a tih,” tiin.

LEVI DÂN 26:28

lunginsentakin nangni kal zâwngin um ka ta; in suol leiin a let sariin hrem bawk ka ti cheu.

NAHUM 1:6

A lungninawna hmaa chun tu am ngîr thei an ta, a lunginsenna nasataka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

ZEPHANIA 3:5

Ama sûnga chun Lalpa chu mi indik a na; rîtlona chu thaw naw ni; zîng tinin a rorêlna chu varah a hung lâk suok a, a thlâwn ngai hrim hrim naw a; amiruokchu, mi fel naw chun inzakna a hriet naw a nih.

LUKA 1:69

A siehlaw David sûnghai lai chun, Sandamna ki a mi siempêk ta si a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:4

ama chu i ṭhatna dinga Pathien rawngbâwltu a ni si a. Nisienlakhawm, thil suol i thaw chun ṭi rawh, kâwlhnâm chu a chawi mei mei si naw a; ama chu Pathien rawngbâwltu, thil suksuoltuhai chunga lunginsenna phuba latu a ni si a.

DÂN PAHNINA 32:22

Ka lunginsen a chawk a, Seol mawng chenin a kâng a, Leihnuoi, a rasuok pumin a kâng zo, Tlâng innghatna dâm a kâng a.