JEREMIA 20:8 - Pathien Lekhabu Inthieng (BSI)

⁸ Thu ka hril zâtin, ka khêk hlak si a; “Thawluina le suksietna” tiin; Lalpa thu chu ka ta dingin sûnnithlâk thlâka hrilsietna le kâwkna an ni si a..

JEREMIA 20:8 ပူးပေါင်းရင်းမြစ်များ

2 LALHAI 2:23

Chun, chutaka inthawk chun Bethelah a hang fe a, chun, lampuia a fe lai chun khawpuia inthawk hin naupang chitê tehai chu an hung suok a, ama chu an nuisan a, a kuomah, “Hang fe rawh, nang lusîp kawlpa,” an ta.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

ISAI 57:4

Tu am nuiza siemna dingin in hmang hlak a? Tu am in hner in phen khum a, in lei in thlâk khum hlak a? Bawsietna nau, khêlinhlipna thlahai ni lo am in nih?

JEREMIA 15:10

Nu, ka chung a va rik de! hnuoi chung po poa insêl mi le inkhing mia i mi lo nei hi chu! a pung umin kân pûktir ngai naw a, kei khawm tukhawma a pung umin an mîn pûktir bawk nawh; amiruokchu, an rêng elin ṭawngsie an mi lân phur ta rawp hi.

JEREMIA 15:15

Aw Lalpa, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

JEREMIA 17:27

Amiruokchu, châwlni chu insera, châwlnia Jerusalem dâi kawtkhârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kânghmang a ta, sukmit ni ngai hrim hrim naw ni.

JEREMIA 20:7

Aw Lalpa, nang chun i mi lo aikei ta a, ailâkin ka um ta a, nang chu keia nêkin i hrât lem a, i hne ta a, sûnnithlâkin nuizatbûr ka na, mi tin el chun an mi nuiêu a.

JEREMIA 28:8

Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropuitakhai chunga le, indo thu dâm, thil ṭha naw thu dâm, hripui thu dâm an lo hril hlak a.

JEREMIA 5:1

Jerusalem kawtthlêrahai chun hmatieng hnungtieng tlân unla, tuhin va en ta u! chutaka hmun lienahai chun va zawng unla, va hre ta u, mi hrim in va hmuin, mi thil indiktaka thaw a, thudik zawng hrim an um am; chun, chuong a ni chun ngaidam ka tih.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 6:10

An hriet theina dingin tu kuom am thuhrilin hrilfieng ka ta? Ngai ta, an nahai chu verlo an na, an hriet thei hrim hrim nawh! ngai ta, Lalpa thu chu an kuoma chun inhalna ang chau a na, amaa chun lâwmna hrim an nei nawh.

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

HABAKKUK 1:3

Iengdinga suolnahai hi i mîn hmutirin, Iengdinga lungngaina hi i mîn entir am a na? Suksietna le inpâwngnêkna chu ka hmaa hin a um a, Insuolna a um a, indona a hung suok hlak a nih.

LUKA 11:45

Chun, Dânhretu pakhatin a kuomah, “Inchûktirtu, hieng thu i hril hi keini khawm mi hal i ni hi,” a ta, a dawn a.

HEBRAIHAI 11:26

Krista an hmusitna chu Aigupta ram rohai nêk chun sum ropui lemah a ruot a, lâwmman pêk ding chu a thlîr hlak leiin.

HEBRAIHAI 13:13

Chuongchun, ama an hmusitna chu phurin khawhnâwmah a kuom tieng fe suok vêng ei tiu.

1 PETER 4:14

Krista hming leia hal in ni chun in hamṭha; ropuina Thlarau le Pathien Thlarau chu in chungah a um si a.