JEREMIA 20:5 - Pathien Lekhabu Inthieng (BSI)

⁵ Chu nawa khawm chun, hi khawpuia hausaknahai po po, chutaka a thil hlâwkhai po po, chutaka a thil hluhai po po, anih, Juda lalhai ro thilhai po po el chu an hmêlmahai, anni suksea, anni ṭhuoia, Babulona fepuitu dinghai kuta chun ka pêk ding a nih.

JEREMIA 20:5 ပူးပေါင်းရင်းမြစ်များ

2 CHANCHIN SUINA 36:10

Chun, kum hung inlet nâwka chun Nebukadnezzar chun mi a tir a, ama chu Babulonah, Lalpa ina bûr le bêl ṭhahai le chun an hung ṭhuoi a, a unaupa Zedekia chu Juda le Jerusalem chunga chun lalah a siem ta a.

ISAI 39:6

‘Ngai ta, i in sûnga um po po le, vawisûn ni chena i puhaiin an lo inkhâwl khâwm chu Babulon tienga fepuiin um vawng a tih; iengkhawm mâksana um um dêr naw nih; chuong ang nihai chu a la tlung ding a nih’, Lalpain a tih.

JEREMIA 12:12

Thlalêra bâwlhmun tlângahai po po chun suksetuhai chu an hung a, ram pakhat tâwpa inthawka ram dang tâwp chen chun Lalpa kâwlhnâm chun a fâk zo a, tisa hrimin muongna an nei nawh.

JEREMIA 15:13

I ramrihai po poa chun, i suolhai po poa ding chun, i thuomhnaw le i rohai chu man boa râllâk sum dingin pêng ka tih.

JEREMIA 17:3

Aw rama ka tlâng, i thuomhnawhai le i rohai chu i bâwlhmunhai le, i ramri sûng po poa i suolna lei chun râllâk sumah ka pêk ding a nih.

JEREMIA 3:24

Nisienlakhawm, ei naupang laia inthawkin, ei thlatuhai sin inrimna chu thil inzâpui umhai chun a lo fâk zo ta a, an bâwng ruolhai, an berâm ruolhai, an naupasalhai le an naunuhmeihai leh;

JEREMIA 32:24

en ta u, khawpui lâkna dingin hnuoi dêng pâwnghai an hung um ta hi, nangin hung tlung dinga i hril angin, hripui le, ṭâm le kâwlhnâm leiin, a hung dotu Kaldaihai kuta chun khawpui chu pêk a ni ta a; en ta, i hmu zing hi.

JEREMIA 39:2

chun, Zedekia inlal kum sâwmpakhatna, thla lina, chu thla ni kuo ni chun chu khawpuia chun suksietna chu a um ta a.

JEREMIA 39:8

Chun, Kaldaihai chun lal in le mihai inhai chu meiin an raw a, Jerusalem kulbanghai chu an sukchim ta a.

JEREMIA 4:20

Bohmangna chungah bohmangna a tlung a; ram pumpui chu suksiet a ni ta si a, chawmkhat kârin ka puon inhai chu suksiet an na, mitkhap kâr lovin ka puonzârhai khawm chu.

ṬAP HLA 1:10

Hmêlma chun a thil hluhai po po chungah a kut a phar a, Awinaw mi chu a hmun inthiengtaka chun a lût ti a hmu si a, I mipui inkhâwmnaa lût lo dinga i khaphai ngei kha.

ṬAP HLA 1:7

Jerusalem chun sukrinuma a um nihaia le, a rimsik nihaia chun, a hriet zing, A tienlai inhawitirna po po kha; A mipuihai chu hmêlma kuta an tlûk lai chun an ṭhangpui naw a, Hmêlmahai chun an hmu a, râusana a umnaa chun an nuisan a.

ṬAP HLA 4:12

Jerusalem dai kawtkhârhai chun hmêlma le râldo chu hung lût an tih ti, Hnuoia lalhai chun an ring naw a, khawvêl hluotuhai khawmin an ring nawh.

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pathien sum ina chun a hung lâk ta a.

HOSEA 13:15

A unauhai laia chun a tluongtlung tak ni sien khawm, Khaw sak thli hung inthawk a ta, Thlalêra inthawka Lalpa thuok ngei chu a hung mêk a nih; A tuihnârhai chu kang a ta, A tuikhurhai chu ṭâwl zo a tih; Bûr le bêl ṭhahai po po, a ro chu sukse vawng a tih.