JEREMIA 2:8 - Pathien Lekhabu Inthieng (BSI)

⁸ Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 2:8 ပူးပေါင်းရင်းမြစ်များ

1 LALHAI 18:22

Chuongchun, Elija chun mipuihai kuoma chun, “Lalpa zâwlnei la um chu keima chau hi ka na, Baal zâwlneihai ruok chu mi za li le sâwmnga an nih.

1 LALHAI 18:29

Chun, nisa a hung inher chun zân tieng inthâwi hun chen ding hin an hril ruol duol duol zing a, nisienlakhawm, râwl riva hrim hrim a um naw a, dawntu ding hrim hrim amanih, a lo ngaisaktu hrim hrim amani khawm an um bawk naw a.

1 LALHAI 18:40

Chun, Elija chun an kuomah, “Baal zâwlneihai hi man unla, pakhat khawm insuo naw ro,” a ta. Chun, an man a, Elija chun Kison vadunga chun a ṭhuoi thlâk a, chutaka chun a that tâwl a.

JOB LEKHABU (THE BOOK OF JOB) 35:10

Nisienlakhawm, tukhawma, ‘Kei a mi Siemtu Pathien chu khâwlai am a um a, Zâna khawm hlahai pe hlaktu chu?

ISAI 28:7

Nisienlakhawm, chuonghai khawm chu uoin leiin an thle an thle a, zu leiin an pêm an pêm a, thiempuhai le zâwlneihai chu zu leiin an thle a, uoin lem zoin an um a, zu leiin an pêm an pêm a; inlârna thuah an thle an thle hlak a, rorêlna thuah an pêm an pêm hlak.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

ISAI 30:5

An ta dinga ṭhathnemna hrim nei lo mi, ṭhangpuitu ni lova, ṭhathnemna nei mi ni dêr lova, inzakna le hmingsietna ni lemhai chu, an rêngin lân zâpui an tih,” a ta.

JEREMIA 10:21

Berâmpuhai hlak chu an ngawng êm a, Lalpa chu an râwn si naw a; chuleiin, an hlawtling naw a, an berâm ruolhai po po chu an indar zo a.

JEREMIA 12:10

Berâmpu tamtakhai chun ka grêp huon chu an suksiet a, ka chan chu an ke hnuoiah an sirde a, ka chan inhawitak chu thlalêr ram râusanah an siem ta a.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 18:18

Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 2:11

Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.

JEREMIA 2:6

Anni chun, ‘Aigupta rama inthawka eini mi hung ṭhuoi suok a, thlalêra le, ram thlalêr le khur hmun le, ram ṭâwltak le thina hlim ram le, ram mi tûkhawm an fethleng ngai nawna le, mi tukhawm chêng nawna rama mi ṭhuoitu Lalpa kha khaw lai am a um a? khawm an ti nawh.

JEREMIA 4:22

“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”

JEREMIA 5:31

zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?

JEREMIA 7:8

Ngai ta u, thukhêlhliphai, ṭhathnemna neilohai chu in ring a.

JEREMIA 9:14

nisienlakhawm, an lungril ngarna ang pei chu an hraw lem a, Baal hnung chu an zui a, an thlatuhaiin anni an lo inchûktir ta ang khan;

EZEKIEL 22:26

A thiempuhai chun ka dâna chun thawluina an hmang a; ka thil inthienghai chu an sukpawrche a; thil pângngai le thil inthieng khawm chu an ṭhe hran naw a, chuongchun, mihai khawm chu thil inthieng le thienglo chu hre hran dingin an siem naw a; ka châwlnia inthawkin an mithai an hup a; anni laia chun sukhmingsiet ka ni tah a nih.

EZEKIEL 34:2

“Mihriem naupa, Israel berâmpuhai chungah thu hril la, thu hril la, berâmpuhai kuom ngeia chun, an kuoma chun hril rawh; Lalpa Pathien chun hieng hin a tih; Israel berâmpuhai mâni le mâni inchâwmtuhai chu an chung a rik de; berâmpuhai chun berâmhai chu an châwm ding a ni naw am a nih?

HOSEA 4:6

Ka mihai chu hrietna tlâksam leiin sukbohmang an na, Hrietna chu i dit naw leiin kei khawma ka thiempu i ninaa inthawk chun dit naw ve tâng ka ti che. I Pathien dân chu i theinghil vei a, Kei khawmin i nauhai theinghil vêng ka tih.

HABAKKUK 2:18

Milem a kera ker, a siemtuin a iker chun Ieng am ṭangkaina a nei? Milim a sunga sung le khêlhlip inchûktirtu, Milim ṭawng thei nawhai siem a, A siemtuin ama sinthaw nâk nâk a ringzoa hin, Ṭangkâina ieng am a um a?

MATTHAI 16:26

Mîn khawvêl hi a pumin nei sien, ama hringna chân si sienla, a ta dingin ieng am ṭhahnem a ta? Annawleh, mîn a hringna sikin ieng am pêng a ta?

LUKA 11:52

Nangni Dân hretuhai, in chung a rik ie! Varna chabi chu in fe hmangpui a; nangni hlak in lût nuom si naw a, mi lût ding hlak in khap si a,” a ta.

JOHAN 16:3

Chuong thil chu thâwng an tih, Pa le kei an mi hriet naw leiin.

JOHAN 8:55

nangnîn ama in hriet si nawh; kei ruok chun ama ka hriet; ‘Ama ka hriet nawh,’ ti lang nangni anga khêlhlip bawk nîng ka tih; chuongchun, ama ka hriet a, a thu khawm ka zâwm hlak.

2 KORINTH 4:2

thil inzâpuium inthuphai chu kan mâk ta lem a; zâwrna thu kan hmang naw a, Pathien thu mi hlêmnain kan hmang bawk naw a; thutak inhriettirin Pathien mithmuin mi tin sie le ṭha hrietna mit kan intlungtir lem hlak a nih.

DÂN PAHNINA 33:10

Jakob mihai chu i rorêlhai chu inchûktir an ta, Israelhai chu, i dân, I hmaah riminhnik sieng an ta, I maichâmah pumrawhmang thilinhlân inhlân an tih.

1 SAMUEL 12:21

iengkhawma ṭhahnem lo ding le sansuok thei lo ding cheu zuiin pêtsan naw ro, teplo mei mei an ni si a.

1 SAMUEL 2:12

Eli naupasalhai chu Belial nauhai an na, Lalpa chu an hriet naw a.