JEREMIA 2:36 - Pathien Lekhabu Inthieng (BSI)

³⁶ I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 2:36 ပူးပေါင်းရင်းမြစ်များ

2 CHANCHIN SUINA 28:16

Chuong hun laia chun lal Ahaz chun Assuria lal chu ama ṭhangpui dinga fiel dingin mi a tir a.

ISAI 20:5

Chuongchun, an beisei tak Ethiopia le an ropuina tak Aigupta mihai lei chun lunginzîngtak le muolphotakin um tâng an tih.

JEREMIA 2:18

Chuongchun, tuhin, Aigupta fena lampuia chun Sihor tuihai chu dâwn dingin ieng am thâwng i ta? Annawleh, Assuria fêna lampuia Vadungpui tuihai chu dâwn dingin ieng am thâwng i ta?

JEREMIA 2:23

Iengtin am ‘Sukpawrchein ka um naw a, Baal khawm chu ka zui naw a,’ ti thei i ta? Phairuoma i lampui chu en la, i thaw tahai chu hre bawk rawh; sanghâwngsei tuoi hrâttak a lampuihai thlep kawi kawi le;

JEREMIA 2:33

Hmangaina zawng dingin i lampui chu ieng ang lâwmin am i uluk a! nuhmei rilohai ngei khawm chu i lampuihai chu în chûktir hiel el a.

JEREMIA 22:20

Lebanona chun hang fe la, hang khêk rawh: Basana inthawk chun i râwl insuo la, Abarima inthawk chun khêk rawh: i hmangaihai po po chu an bohmang vawng ta si a.

JEREMIA 22:22

I berâmpuhai po po chu thliin châwm a ta, i hmangaihai chu salah intâng an tih: chu pha chun matheilovin, i khawhlonahai po po lei chun inzak i ta, buoi ngei ngei i tih.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

JEREMIA 37:7

“Lalpa Israel Pathien chun hieng hin a tih: Ka kuoma thu indawn dinga nang ka kuoma tirtu che, Juda ram lal kuoma chun hieng hin hril rawh: Ngai ta, Pharao sipaihai nangma ṭhangpui dinga hunghai chu, an ramah Aiguptaa bawk chun kîr nâwk an tih.

JEREMIA 46:12

Hnamhai chun în zakna chu an lo hriet a, i khêkri chun hnuoi chu a sip zo tah; mi thilthawthei chu mi thilthawtheia ma chun ân suithlu a, an pahni hni chun an tlu rêl a nih.

ṬAP HLA 4:17

Ei ṭhangpuina thlâwn ennain ei mithai a kham zo a, Ei nghâknaa chun hnam sandam thei lo ding chu ei nghâk a.

ṬAP HLA 5:6

Kut chu Aigupta mihai kuomah kan daw a, Assuria mihai kuoma leh, beia suktlai dingin.

EZEKIEL 16:28

Mumal boa i um lei khan Assuria mihai kuoma khawm nawchizawrah i lo insiem ta a; anih, an kuoma chun nawchizawr thil chu i lo thawa chu i lungawi tâwk si naw a.

EZEKIEL 29:7

I kuta an chel lai che chu în tleng dawk a, an liengkohai po po i sukthlêrpêk a; chun, an innghai pha che khawma, în tâwl hmang a, an kâwnghai chu inhnîng dingin i siem a.

HOSEA 10:6

Ama ngei khawm chu Laltak Jareb kuoma pêk dingin, Assuria rama fe hmangpui nîng a tih. Ephraim chun inzakna hmûng a ta. Israel khawm chun ama thurawt ngei chu inzâpui a tih.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

HOSEA 14:3

Assuria chun mi sandam naw ni a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni si a,” tiin.

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;