JEREMIA 2:25 - Pathien Lekhabu Inthieng (BSI)

²⁵ I keah kekawk bun lovin um naw la, i hnuk khawm dangchârin sie naw rawh; nang ruok chun, ‘Beiseina a um ta nawh, mi hmêlmakhai chu ka hmangai a, anni hnung chu zui el ka tih’ i ti a.

JEREMIA 2:25 ပူးပေါင်းရင်းမြစ်များ

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun Lalpa chungah a bawsiet zuol det pei a.

2 CHANCHIN SUINA 28:23

Damaska mihai, ama hung rûntuhai pathienhai chu a biek a, ama chun, “Suria lalhai pathienhaiin anni a ṭhangpui leiin, kei khawm an mi ṭhangpui theina dingin an kuomah inthâwi ka tih,” a ta. Nisienlakhawm, ama sietna le Israel ram sûng po po sietna a ni lem ta a.

ISAI 2:6

Khawsak tienga dân hung suokhaiin an hung sip a, Philistin mihai anga aisânthiemhai an ni a, ram dang mi nauhai leh kut le kut an inben leiin, i mi Jakob sûnghai chu i mâksan ta si a.

ISAI 57:10

I fena lampui hlat leiin i sâwl a, nisienlakhawm, “Beiseina hrim hrim a um nawh,” i ti si naw a; i hrâtna sukharna i hmu a; chuleiin, i châu ta naw kha.

JEREMIA 13:21

Nangma kal zawngin anni chu ân chûktir a nih ti hrein, i ruolhai chu i chungah luah a sie pha chun ieng am hril tâng i ta? Nuhmei nauhase nat tuor angin nang chu lungngaina chun a man ding che a ni nâwm a nih?

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 14:10

Lalpa chun hi mihai chungthua chun hieng hin a tih: Invâk invâk hi an nuom zâwngtak a lo ni ta a: an kehai khawm an thunun naw a; chuleiin, Lalpa chun anni chu a pawm naw a; tuhin an suolnahai chu hre zing a ta, an suolhai lei chun anni chu hrem a tih.

JEREMIA 18:12

“Nisienlakhawm, ‘Beiseina hrim a um nawh, mi tin mâni ngairuotna ang seng ei hraw ding a na, eini mi tin chun mâni lungril rilo ngarzie ang peiin ei thaw el ding a nih,’ an ta.

JEREMIA 2:31

Aw nangni suon hai, Lalpa thu chu en ta u, ka mihai chun, ‘Kan suok fel ta a, nangma kuoma chu hung ta naw ning ung,’ an tina dingin, Israelhai kuoma chun thlalêr amanih, ram inthim sâmup am ka lo nih a ni?

JEREMIA 22:20

Lebanona chun hang fe la, hang khêk rawh: Basana inthawk chun i râwl insuo la, Abarima inthawk chun khêk rawh: i hmangaihai po po chu an bohmang vawng ta si a.

JEREMIA 22:21

I vângneinaa chun i kuomah thu ka hril a; amiruokchu, nang chun, “Ngai naw ning,” i ti a. I naupang laia inthawk tah hi hi i khawsak dân a ni hrim a; ka râwl hi i ngai ngai nawh.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

ṬAP HLA 1:2

Zâna chun a ṭap ngâwi ngâwi a, a mitthli chu a bienga chun a luong a, A hmangaituhai po po lai tukhawm ama thlamuongtu ding a nei nawh; A ruolhai po po chun khawhlotakin ama an sawisak a; A hmêlmahai an hung ni vawng el ta ie.

ṬAP HLA 4:4

Nautê nêne ne lai lei chu dangchâr leiin a dangah a kawp tlat a; Naupanghai chun bei an hni a, mi tukhawm hlaka an khawipêk si naw a.

EZEKIEL 20:32

“In lungrila in ingaituo, ‘Thing le lung rawng bâwl dinga rambunghaia sûngkuohai le hnamhai ang nîng ei ta’ in ti ang kha hung ni tawp naw ti niu.

HOSEA 2:3

Chuong naw chun saruokin siem ka ta, A pieng nia a um angin inumtir ka tih, Thlalêr angin siem ka ta, Ram ṭâwl angin inumtir ka ta, Dangchârin sukhlum ka tih.

HOSEA 2:5

An nu chun nawchi a zawr hlak a, Anni vawntu chu inzâpuiumtakin a um a; Ka bu dâm, ka tui dâm, ka sahmul dâm, Ka pat dâm, ka hriek dâm le, ka dâwn dinghai mi petu, ami hmangaituhai chu hnawt ka tih, a ti a nih.

MALAKI 3:14

Nangni chun, ‘Pathien rawngbâwl hi a thlâwn el a nih: a thupêk ei pawm a, sipaihai Lalpa hmaa lungsetaka ei fe hi ieng am a ṭhathnemna a um a?

LUKA 15:22

Nisienlakhawm, a pa chun a suokhai kuomah, ‘Zakawfuol a ṭhatak kha hung la vat unla, inhâktir ro; a kutah kutsebi inbuntir unla, a keah kekawk inbuntir ro;

LUKA 16:24

Chun, a khêk a, ‘Pa Abraham, mi lunginsiet la, Lazar kha hung tir rawh, a kutpâr tuiah inchie sienla; ka lei sukdeina dingin; hi meichawka hin ka na bêk bêk el,’ a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:24

Beiseinain a nih, sandama ei um chu; nisienlakhawm, hmu thei zing beiseina hi beiseina a ni naw a, miin a hmu thei zing chu iengtin am a la beisei hlak a?

DÂN PAHNINA 28:48

nangni thaw dinga Lalpain a la hung tir ding in hmêlmahai rawng chu, phîngṭâm pum dâm, dangchâr pum dâm, saruok pum dâm, thil iengkim tlasam pum dâmin la bâwl in tih; an sukbohmang hmakhat cheu chun in rîngah thîr rîngkawl inbâttir an tih.

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin a lungsenna an chawktho a.