JEREMIA 2:21 - Pathien Lekhabu Inthieng (BSI)

²¹ Grêp hrui ṭha mi, a chi indik tak ela ka phun vei che leh, iengtiziea ka ta dinga grêphrui danglam kûng suoka hung inchang el am i ni leh?

JEREMIA 2:21 ပူးပေါင်းရင်းမြစ်များ

INṬANNA 18:19

Lalpa lampui an hraw theina dingin, a hnunga a nauhai le a sûnghai, thil feltaka thaw ding le rorêl anga thaw dinga thu a pêk theina dingin ama chu ka ruot ta si a, a chungchâng thu a hril chu Lalpain Abraham chunga ân tlungtir theina dingin,” a ta.

INṬANNA 32:28

Chun, mi chun, “I hming chu Jakob ti ta naw ni hai a, Israel ti lem tâng an ti che; Pathien le mihriem i buon a, i hne ta si a,” a ti a.

INPÂKNA HLABU 105:6

Aw, a siehlaw Abraham nauhai, Jakob thla, a ithlanghai.

INPÂKNA HLABU 44:2

Nangin i kutin hnam tin chu i hnawt suok a, anni chu i phun ta thung a, Mi tin chu i sukrimsi a, anni chu în zârlientir thung a.

INPÂKNA HLABU 80:8

Aigupta rama inthawka grêphrui i hung lâk a, Hnam tin chu i hnawt dawk a, i phun ta a;

INPÂKNA HLABU 80:9

A hma i sukfai pei a, Inthûktakin zung a kei a, ram chu a aw ta vawng a.

FESUOKNA 15:17

Nangin anni chu hung la lût i ta, i ro tlângah phun i tih; Aw Lalpa, nangin i umna hmun dinga i siema chun, Aw Lalpa, hmun inthieng nangin i kuta i siema chun.

ISAI 1:21

Iengtiziea khawpui ringumtak chu nawchizawra inchang el am a ni le aw! Rorêl felnaa sipnu a ni hlak vei leh! Amaa chun felna a um hlak a, tu ruok hin chu tuolthattuhai an um lem ta hi.

ISAI 27:2

Chu nia chun, “Uoin grêp huon pakhat chu, chu chu chawimawiin hla sak ro.

ISAI 41:8

Nisienlakhawm, nangni Israelhai ka siehlaw, Jakob hai ka mi thlang, ka ruolpa Abraham thlahai,

ISAI 5:4

Ka grêp huona hin ka thaw ta ang bâk khan chu a chungah ieng am thaw nâwk chuong ding a la um ta rawp a? Grêp raa ra dinga ka beisei vei le khan ieng leia grêp suoka a hung ra el am a ni aw?

ISAI 60:21

I mihai khawm an rêngin mi fel nîng an ta, i ram hi hluo kumkhuong an tih; chawimawia ka um theina dingin anni chu a zung kaksuok ka phun, ka kutsuok chu nîng an tih.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pêka, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, Lalpa phunhai ti an ni theina dingin.

JEREMIA 11:16

Lalpa chun i hming a sak a, Oliv thing hring, ra ṭhatak le mawi a ti che a, buoina nasatak ri chun a chunga chun mei a sêm a, a kauhai chu a tliek ta a.

JEREMIA 11:17

Sipaihai Lalpa, nangni phuntu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

ṬAP HLA 4:1

Rângkachak chu a vân thim ta de! Rângkachak inthieng khawm chu a va danglam ta de! Hmun inthieng lunghai chu kawtthlêr tâwp tina chun bunthlâkin a um a.

EZEKIEL 15:2

“Mihriem naupa, grêphrui kûng, grêp hrui kâu ramhnuoi thing laia um ve bawk chu, thing dang nêkin ieng am a danglam bikna?

MATTHAI 21:33

“Tekhithu dang ngai ro, mi tu amanih in neitu a um a, ama chun grêp huon a siem a, palin ân huon vêl a, grêp sâwrna khur a cho a, in insâng a bâwl a; chun, lo enkawltuhai kuomah thlohlaw dingin a pêk a, ram dangah a fe ta a.

MARKA 12:1

Chun, tekhithuin an kuomah a hril ta a, “Tuin amanih grêp huon a siem a, palin ân huon a, grêp sâwrna ding khur a cho a, in insâng a bâwl a, lo enkawltuhai kuomah thlo hlaw dingin a pêk a, ram dangah a fe ta a.

LUKA 20:9

Chun, vântlâng kuomah hi tekhithu hi a hril ta a; “Tûin amanih grêp huon a siem a, lo enkawltuhai kuomah thlohlaw dingin a pêk a, sâwttak thang dingin ram dangah a fe ta a.

JOHAN 15:1

“Kei grêp hrui tak tak ka nih, Ka Pa a huon enkawltu a nih.

DÂN PAHNINA 32:32

An grêphrui chu Sodom grêphrui, Gomorra rama mi a nih; An grêphai chu tûr grêp a nih. A bâwrhai chu a khâ.

DÂN PAHNINA 4:37

In pi le puhai chu a hmangai leiin an hnungah an thlahai chu a thlang cheu a, ama ṭhangin a thilthawtheina ropuitakin Aigupta rama inthawk chun a ṭhuoi suok cheu a;

JOSUA 24:31

Chun, Josua dam sûng le, upahai Josua hnunga la damhai, Lalpain Israel mihai ta dinga thil a thawhai po po hretuhai dam sûng chun, Israel mihai chun Lalpa rawng an bâwl hlak a.