JEREMIA 2:19 - Pathien Lekhabu Inthieng (BSI)

¹⁹ Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 2:19 ပူးပေါင်းရင်းမြစ်များ

1 LALHAI 18:18

Ama chun a dawn a, “Israelhai hi ka suklungzîng nawh ie, nang le i pa sûnghaiin annâwm an suklungzîng lem chu. Lalpa thupêkhai chu nghatsana, Baalhai i pawm lem tâka hin.

2 CHANCHIN SUINA 12:5

Chun, zâwlnei Semaia chu Rehoboam le hotu, Judai ram Sisak leia Jerusalema hung khâwmhai kuoma chun a hung a, an kuoma chun, “Lalpa chun hieng ang hin a tih, ‘Kei in mi nghatsan tah, kei khawma Sisak kutah ka mâksan ding cheu a nih,’ tiin,” a ta.

2 CHANCHIN SUINA 21:10

Chuongchun, vawisûn ni chen hin Edom mihai chu Judahai chunga chun an hel ta zing a; chu huna bawk chun Libna khuo khawm chu an lo hel ve a; a thlatuhai Pathien Lalpa chu a lo nghatsan tâk leiin.

2 CHANCHIN SUINA 25:16

Chun, ama le an inbiek zing lai chun lal chun a kuomah, “Lal thurawnpuituah kan siem che am a nih? Fîmkhur rawh; iengdingin am thatin um i ta?” a ta. Chuongchun, zâwlnei chun, “Ka thurâwn chu i pawisa naw a, hi thil hi i thaw leiin, Pathien chun suksiet a tum che a nih ti ka hriet a nih,” a ta, a to ta a.

INPÂKNA HLABU 36:1

Mi rilo bawsietna chun ka lungril sûnga hin thu a hril a, “A mithmuah Pathien ṭîna hrim hrim a um nawh,” tiin.

FESUOKNA 33:6

Chuongchun, Israel mihai chun Horeb tlânga inthawk chu an incheinahai chu an hlîp ta vawng a.

THUVARHAI 1:31

Chuleiin, anni lampui rasuok ngei chu fâng an ta, An thiltumhai ngeia suksip ni tâng an tih.

THUVARHAI 1:32

Mi mâwl hnungtawlna chun anni chu sukhlum a ta, Invêthai nuomsakbâwlna chun anni chu a suksiet ding a ni si a.

THUVARHAI 5:22

Mi khawhlo chu ama khawhlona ngei chun lâng a ta, A suolna hruihai chun ama khit tlat nîng a tih.

ISAI 3:9

An hmêl put dân hrim chun anni chu a hêk fâwm a; an suolna chu Sodom ang elin an inlangtir a, an ip nawh. An hringna chung chu a rik de! thil ṭha nawin an inthung fâwm pei si a.

ISAI 5:5

Tuhin ka grêp huon chunga ka thaw ding chu hril ka ti cheu; a hling pal chu la hmang ka ta, fâk zoin um a ta, a lung pal chu sukchim ka ta, sirdein um a tih.

ISAI 50:1

Lalpa chun hieng ang hin a tih, “In nu mâkna lekha, ka mâkna chu, khaw lai am a um a? Annawleh, ka leibatnahai a tu tak kuom âm ka zawr cheu a? Ngai ta u, in khawhlonahai leiin a nih zawra in um chu, in bawsietnahai leiin a nih in nu khawm kha mâka a um chu.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 13:22

I lungril chun, “Hieng thilhai hi iengtiziea ka chunga hung tlung am a na?” i ti a ni thei a; i suolna tam êm lei chun i fênthuo chu hlîm a na, suolluina i tuok a nih.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 3:22

“Hnungtawl thlahai, hung kîr ro; in hnungtawlnahai chu lo sukdampêk ka ti cheu.” “Ngai ta, i kuoma chun kan hung ie, nang chu Lalpa kan Pathien chu i ni si a;

JEREMIA 4:18

I thilthawhai le i lampui chun hieng thilhai hi ân neitir che a ni hi; hi hi i khawhlona chu a nih: khâk khawm a kha si a; i lung chen a tlung ta si a.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JEREMIA 5:24

An lungril khawma, “Lalpa ei Pathien, a huntaka ruo hmasa le nuhnung petu, ei ta dinga busîk hun haptahai mi ruotpêktu chu ṭing ei tiu,” khawm an ti dêr nawh.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 7:19

Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

JEREMIA 8:5

Iengtiziea hieng Jerusalema mihai hi hnungtawl sawng zingnaa an hnungtawl am a na? Hlêmna chu an chel det tlat a, kîr nâwk an nuom naw a.

EZEKIEL 23:30

Hieng thilhai hi i chungah thawin a um ding a nih; khawhri be mihai hnung chu châkin i lo hnawt ta a, an milimhai chun i lo insukpawrche ta si leiin.

EZEKIEL 39:24

An inthieng nawna ang pei le, an bawisietnahai ang peiin an chunga chun ka lo thaw ta a; chun, ka hmai chu ka thuppêk bawk a.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 13:9

Aw Israel, nangma ṭhangpuitu i mi do hi, I sietna a nih ie.

HOSEA 14:1

Aw Israel, Lalpa i Pathien tienga chun kîr nâwk rawh, I rîtlona lei ngei chun i tlu ta hi.

HOSEA 4:16

Bâwngla kâwmaw ang elin Israelhai chu an kâwmaw a, Tuhin Lalpain berâmte angin hmun lientakah châwm a tih.

HOSEA 5:5

Israel sawngtawlawi chun a hmai sanah ân hriettir a, Chuongchun, Ephraim le Israel chu an khawhlonaa chun tlûng an ta; Juda khawm anni lai tlu vêng a tih.

HOSEA 7:2

An rîtlona po po chu ka hriet zing ti An lungrilin an ngaituo nawh; Tuhin chu an thilthawhai ngeiin a chîm vêl tlat ta a, Ka hmaihma ngeiah an um a nih.

HOSEA 9:1

Aw Israel, lâwm naw ta, Hnam danghai angin hlim so luom naw rawh; I Pathien chu nawchi i zawr san a, Hrizâwl tina chun nawchizawr ruoi man chu i ngaina si a.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

ZEKARIA 7:11

Nisienlakhawm, an pawisa nuom naw a, an liengko an herhmang a, an hriet nawna dingin an nahai an suksêt a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:18

An mithmuah Pathien ṭina hrim a um nawh,” ti ziek ang khan.

RORELTUHAI 10:13

Chuong sa khawma nangnîn in mi nghatsan a, pathien danghai rawng chu in bâwl ta lem a; chuleiin, sansuok ta naw ning cheu ah.