JEREMIA 2:18 - Pathien Lekhabu Inthieng (BSI)

¹⁸ Chuongchun, tuhin, Aigupta fena lampuia chun Sihor tuihai chu dâwn dingin ieng am thâwng i ta? Annawleh, Assuria fêna lampuia Vadungpui tuihai chu dâwn dingin ieng am thâwng i ta?

JEREMIA 2:18 ပူးပေါင်းရင်းမြစ်များ

2 CHANCHIN SUINA 28:16

Chuong hun laia chun lal Ahaz chun Assuria lal chu ama ṭhangpui dinga fiel dingin mi a tir a.

ISAI 23:3

Tuipuia Sihor chi, Nile vadung bu sîk chu, a hlâwkna a ni hlak a, hnam tin sumdâwngna hmun a ni hlak.

ISAI 31:1

Aigupta rama ṭhangpuina zawnga zu fe a, sakawrhai chunga ringna innghat a, a tam leia tawlailîrhai le an hrât êm leia sakawr chunga chuong mihai ring a, Israelhai Mi Inthieng tieng en si lova, Lalpa khawm râwn si lohai chu an chung a rik ie!

ISAI 7:20

Chu nia chun Lalpain rêpvâw haw, Vadungpui khêl rama, Assuria lal um chu hmangin, lu le ke hmul chu mêt fai a ta, khâk hmul khawm mêt fai vawng a tih.

JEREMIA 2:36

I lampuihai chu thleng dingin ieng dinga în vâkvêl ruoi am a na? Assuriain a sukmuolpho che ang bawkin Aigupta khawma la hung sukmuolpho a ti che.

JEREMIA 31:22

Aw nang naunu hnungtawl, ieng chen am hitieng sawtieng i fe lawn ding a na? Hnuoia chun Lalpa chun thil thar a siemsuok a, “Nuhmeiin pasal a hum ta lem,” ti hi.

ṬAP HLA 4:17

Ei ṭhangpuina thlâwn ennain ei mithai a kham zo a, Ei nghâknaa chun hnam sandam thei lo ding chu ei nghâk a.

ṬAP HLA 5:6

Kut chu Aigupta mihai kuomah kan daw a, Assuria mihai kuoma leh, beia suktlai dingin.

EZEKIEL 16:28

Mumal boa i um lei khan Assuria mihai kuoma khawm nawchizawrah i lo insiem ta a; anih, an kuoma chun nawchizawr thil chu i lo thawa chu i lungawi tâwk si naw a.

EZEKIEL 17:15

Amiruokchu, mi tamtak le sakawrhai an pêk theina dingin, ama aiawtu chu Aigupta rama tirin, ama chunga chun a hel ta a. A hlawtling ding am a nih? Chuong ang thilthawtu chun a pumpel ding am a nih? Thuthlung chu bawse siin a pumpel ding am a nih?

EZEKIEL 23:30

Hieng thilhai hi i chungah thawin a um ding a nih; khawhri be mihai hnung chu châkin i lo hnawt ta a, an milimhai chun i lo insukpawrche ta si leiin.

HOSEA 5:13

Ephraim chun a natna a hmu a, Juda chun a hliem a hmu a, Chuongchun, Ephraim chu Assuria kuomah a fe a, Laltak Jareb kuoma chun mi a tir a; Nisienlakhawm, ama chun a sukdam thei naw cheu a, In hliemna chu a sukdampêk thei bawk naw cheu.

HOSEA 7:11

Ephraim chu vaṭhu inhai, hrietthiemna nei lo ang a lo na, Aigupta tieng an ko vak a, Assuria tienga chun an fe vak a;

JOSUA 13:3

(Aigupta ram bula um Sihora inthawka hmartieng panga Ekron ramri chenin, chu chu Kanaan mihai rama ngai a nih; Philistin mi panga, Gaza mihai, Asod mihai, Askelon mihai, Git mihai, Ekron mihai lalhai ram) le,