JEREMIA 2:15 - Pathien Lekhabu Inthieng (BSI)

¹⁵ Sakeibaknei tuoihai chun an inrûm khum a, an inhûk a: a ram chu an suksiet a; a khawpuihai khawm a hluotuhai um lovin a kâng zo ta a.

JEREMIA 2:15 ပူးပေါင်းရင်းမြစ်များ

JOB LEKHABU (THE BOOK OF JOB) 4:10

Sakeibaknei inrûm ri le sakeibaknei hrâng râwl ri le, Sakeibaknei vânglai hahai chu sukthliekin a um a.

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmangtuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

ISAI 1:7

In ram chu rausanin a um zo a, in khuohai chu meiin a kâng zo a, in ram chu ram dang mihaiin in mithmu ngeiah an nei zo a, ram dang mihai suksiet angin a se zo tah.

ISAI 24:1

Ngai ta, Lalpa chun hnuoi hi sukruokin, a sukram ding a na, a letkhupin, a umhai chu a sukdar ding a nih.

ISAI 5:29

An ri inri dur dur chu sakeibaknei inrûm ang el nîng a ta, sakeibaknei vânglaihai inhûk ang elin inri dur dur an tih; anih, inri dur dur an ta, an sa se ding chu sêng an ta, himtakin fe hmangpui an tih, sansuoktu ding tukhawm um naw ni hai.

ISAI 5:9

Sipaihai Lalpa chun ka naah hieng ang hin a tih, “Titakzetin in tamtak, lientak tak, mawitak takhai chu a thlûttu um lovin la ram a ta;

ISAI 6:11

Chun, kei chun, “Lalpa, ieng chen am nîng a ta?” ka ti a. Chun, ama chun a hril a, “Khawpuihai mihriem um lova inram a na, inhai hluotu um lovin a ṭîek a, râusana a um vawng a,

JEREMIA 10:22

Thuthang râwl chu, ngai ta, a hung mêk a nih, Juda ram chu râusan le sihalhai chêngna hmuna siem dingin hmâr ram tienga inthawk buoina nasatak a hung mêk a nih.

JEREMIA 25:30

Chuleiin, hieng thuhai po po hi anni kalin hril la, an kuoma chun, “Lalpa chu chungtienga inthawkin hung inrûm a ta, a chêngna inthienga inthawk chun a râwl chu hung insuong a tih; a hlo petna hmuna chun thilthawtheitakin inrûm a ta; grêp sir sâwrtuhai ang chun ama chu hnuoi chung hluotuhai po po chunga chun khêk a tih.

JEREMIA 25:9

ngai ta u, mi tir ka ta, hmâr rama inthawk chun sûngkuohai po po chu ko ka tih, Lalpa chun a tih; chun, ka siehlaw Babulon lal Nebukadnezzar kuoma chun mi tir ka ta; anni chu hi ram le, a hluotuhai le, a vêla hnamhai po po chunga do dingin hung ṭhuoi ka ta; chuongchun, anni chu sukse letdêr ka ta, makti ding le, inchekna ding le, kumkhaw rausanah ka siem ding a nih.

JEREMIA 26:9

Iengdinga Lalpa hminga thu hrila, ‘Hi in hi Silo ang nîng a ta, hi khawpui hi hluotu um lova rausan nîng a tih,’ i ti am a na?” an ti a. Chuongchun, Lalpa ina chun Jeremia chu mipui po po chun an bâwr ta hut hut a.

JEREMIA 33:10

“Lalpa chun hieng hin a tih: ‘Sa le mihriem khawm um lovin a sie a,’ in ti, hi hmuna le, Juda ram khawpuihaia le, hluotu um lova, ran khawm um lova râusan Jerusalem kawtthlêrahai chun hieng hi hriet la nîng a tih:

JEREMIA 34:22

Ngai ta u, thu pêng ka ta, hi khawpuia hin hung inkîrtir ka tih; Lalpa chun a tih: chun, do an ta, lâng an ta, meiin râwng an tih; chuongchun, Juda khawpuihai chu hluotu um lova râusanah siem ka tih,” tiin.

JEREMIA 4:7

Sakeibaknei chu a chîmbuka inthawk chun a hung suok ta a, hnamhai sukbohmangtu ding chu; a lampuia chun a thang mêk a, a hmuna inthawk chun a suok ta a, i ram chu râusana siem ding le, i khawpuihai khawm hluotuhai um lova sukse dingin.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 50:17

“Israel chu berâm indar a nih: sakeibakneihai chun ama chu an lo hnawt hmang ta a; a hmasatak chun Assuria lal chun anni chu a fâkzo a; a tâwpah Babulon lal Nebukadnezzar hin a ruhai chu a sukthliek ta a.

JEREMIA 51:38

Sakeibaknei vânglaihai angin a ruolin inrûm an ta, sakeibaknei têhai angin innghir an tih.

JEREMIA 6:8

Aw Jerusalem, vaulâwkna hi lo pawisa rawh, chuong naw chun, nghatsan ka ti che a, râusan le ram hluo loah siem râwi ka ti che.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

JEREMIA 9:11

Chun, Jerusalem chu hmun- hnawk intiengkhâwmna le, satenehai ta dinga chêngna hmunah siem ka tih; Juda khawpuihai khawm chu hluotu um lova râusanah siem bawk ka tih. Hi hi hrethiem thei dinga mi var tu am a um a?

EZEKIEL 36:3

hril la, hieng hin ti rawh; Lalpa Pathien chun hieng hin a ti a nih; râusanah an lo siem ta che leiin le, sîr tina inthawk chun an lo lem ta che a, hnam la umhai ta dinga chan i ni theina dingin, thuhriltuhai hmûra chun i chuong a, mipuihai thuhril ṭha lo i lo ni tâk leiin;

EZEKIEL 5:14

Chu nawa khawm chun, i vêla hnamhaia le, nang hung fe khêltuhai po po che mithmua chun râusana le mi ṭawngdawngah siem ka ti che a.

HOSEA 11:10

Lalpa chu zui an ta, Sakeibaknei anga inrûm ding chu; Anih, inrûm ngei a ta, Khaw thlang tienga inthawkin a nauhai chu Inthin pumin hung an tih.

HOSEA 5:14

Ephraim ta ding chun sakeibaknei ang, Juda ta ding chun sakeibaknei vânglai ang ka ni ding a ni si a; Keima, keima ngeiin keithlêr ka ta, Fêng ka ta, fe hmangpui ka tih; Sansuoktu ding tukhawm um naw ni hai.

AMOS 3:12

Lalpa chun hieng ang hin a tih. “Berâmpu chun sakeibaknei baua inthawkin ke pahni amanih, nakâwr hlek amanih a sansuok angin, chuong angin Samari khuoa khum kila le khum tuktulungêk puon phan lukham chunga Israel nau umhai chu sansuok a tih.

AMOS 3:4

Sakeibakneiin sa a man naw lai ramhnuoiah ân rûm hlak am a nih? Sakeibaknei vânglaiin iengkhawm a man naw chun a pûka inthawk chun ân rûm hlak am a nih?

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

NAHUM 2:11

Tukhawm isukṭit lova an umna, sakeibakneichal dâm, sakeibakneipui dâm, an fe vêlna sakeibaknei bu zâwl le sakeibakneitehaiin an fâkna hmun chu khâw lai am a na?

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

ZEPHANIA 2:5

Kereth hnam, tuipui kama chênghai chu an chung a va rik de! Aw Kanaan, Philistin mihai ram, Lalpa thu chu nangma chungah a hung tlung a nih; Suksieng ka ti che a, a hluotu che um naw ni hai.

ZEPHANIA 3:6

Hnamhai chu ka sât thlâk a, an in insânghai chen khawm chu râusanin a um ta a; an kawtthlêrhai chu ka suksiet vawng a, tukhawma an hraw ta naw a; an khawpuihai chu suksietin a um a, chuongchun, mi an um ta naw a, a hluotu khawm an um ta nawh.

ZEKARIA 11:3

Berâmpuhai inrûm ri chu e, An ropuina suksiet a ni ta si a! Chu, sakeibaknei vânglai inrûm râwlri chu! Jordan ramngaw chu suksiet a ni ta si a.

RORELTUHAI 14:5

Chuongchun, Samson chu a nu le pa le chun Timnaa chun an zu fe a, Timnaa grêp huon hi an zu tlung a; chun, ngai ta, sakeibaknei vânglai hin a lo inrûm khum a.