13 Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.
an mi mâksan a, pathien danghai kuomah riminhnik an raw a, an kutsuoka an mi suklungsen leiin hi hmuna hin ka lunginsenna chu a chawk nasa ding a na, rêm el naw nih.
Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmu a.
Achâng chun mi varna, hrietthiemna le themthiemna le sininrimna, ana hlak, a thaw suoksa chu sininrim nawin a chên el dinga maksanpêk a um bawk a. Hi khawm hi teplo el a na, suol nasatak a nih.
Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.
Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.
Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.
A! hnam suol, khawhlona riktak phur mihai, chithla thil ṭha naw thawtuhai, nau rilotaka khawsa hlakhai an nih. Lalpa chu an mâksan a, Israelhai Mi Inthieng chu an hmusit a, insuktumin an hnungtawl tah.
Chuleiin, ka mihai chu, hrietna an nei naw leiin, sala ṭhuoiin an um ta a; an mi inzâumhai chu an phîng a ṭâm a, an mipuihai chu dangchârin an dang ân hil zo ta a.
Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.
Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.
A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.
Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.
Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.
Kei an mi lo nghatsan ta a, hi hmun khawm hi an lo sukhran ta a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip ta a;
Hnamhai chun an pathienhai, pathien tak ni lohai hnam chu an thleng am a nih? amiruokchu, ka mihai chun, ienga khawm ṭhahnem lo le chun an ropuina chu an thleng a ni hi.
“Inru chu hmusuok a ni pha chun ân zak angin, Israel sûngkuo khawm chu chuong ang chun ân zak a nih; anni le an lalhai, an rorêltuhai, an thiempuhai, an zâwlneihai chun,
“Ka mihai an invêt a, an mi hriet si naw a; naupang invêttak ang, hrietthiemna hrim khawm an nei naw, thil ṭha naw thaw dingin an var a, thil ṭha thaw ding ruok chun hrietna an nei nawh.”
zâwlneihai chun indik lotakin an lo hrillâwk a, thiempuhai hlak chun anni thu ang angin ro an lo rêl ta a, ka mihai hlak chun, chuong chu nei an lo châk bawk si a: a tâwpa chun ieng am thâw tâng i ta?
Chun, in kawtkhâra chun a mi ṭhuoi kîr nâwk a; chun, ngai ta, in tuolpûk saktieng panga chun tui hi a suok a, (chu in hmai chu saktieng ngha a ni si a); chun, tui chu a hnuoia inthawk chun, in changtieng pangah, maichâm simtieng panga inthawk chun a hung luong thla a.
Nisienlakhawm, ka mihai chu tulai hnaia hin hmêlma angin an hung ngîrdawk a nih; indo nuom lo a, râlmuongtaka mi inlawnhaia inthawkin an silfên zakawfuolhai in hlîppêk a.
Chun, Isûn a dawn a, a kuomah, “Pathien thilpêk le, ‘Dâwn ding mi pe rawh,’ i kuoma titu hi hre la chu nangin a kuomah i hni lem ding a nih; chun, ama chun tui hring a pêk ding che a nih,” a ta.
tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.
Chun, Lalpain Mosie kuomah, “Ngai ta, i pi le puhai kuomah i ininnghil ding a ni ta a, hieng mihai hi tho an ta, an va umna dinghai laia chu rama pathienhai kuoma chun uirêng an ta, mi nghatsan an ta, ka thuthlung an kuoma ka thlung chu bâwsieng an tih.
Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura inthawkin a thlâwnin pêng ka tih.
Thlarau le mo chun, “Hung rawh,” an ti a. A hre taphawt chun, “Hung rawh,” ti raw se. Dangchâr taphawt hung raw se; a nuom taphawtin hringna tui hi a thlâwnin la raw se.
Chun, Lalpa chu an ko a, ‘Lalpa chu kan nghatsan a, Baalhai, Astarothhai rawng kan bâwl leiin kan lo suol tah a nih; nisienlakhawm, kan hmêlmahai kuta inthawk hin mi sansuok ta la; chuongchun, i rawngbâwl kan tih,’ an ta.