JEREMIA 19:4 - Pathien Lekhabu Inthieng (BSI)

⁴ Kei an mi lo nghatsan ta a, hi hmun khawm hi an lo sukhran ta a, an hriet lo pathienhai kuoma chun a sûnga hin riminhnik chu, anni le an thlatuhai le Juda ram lalhai ngei khawma an lo raw tâk leiin; hi hi hmun hi mi thiem thisen chun an lo suksip ta a;

JEREMIA 19:4 ပူးပေါင်းရင်းမြစ်များ

2 LALHAI 21:16

Lalpa mithmua thil ṭha nawtak thawa Judahai thil ân suksuoltir a suolna tiem lovin, Manasse chun pawi tâwklo thisen nasatakin ân suo bawk a, Jerusalem dung le khang chu a sip a.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 LALHAI 24:4

pawitâwklo thisen an suo a, Jerusalem chu pawitâwklo thisena a suksip leiin, Lalpain a ngaidam nuom naw a nih.

INPÂKNA HLABU 106:38

Thisen pawitâwklo, an naupasalhai le an naunuhmeihai thisen ngei chu an insuo ta a, Chuonghai chun Kanaan ram milimhai kuomah an inthâwi a, Chu ram chu thisenin a lo pawrche ta a.

ISAI 59:7

An kehai chu thil ṭha naw tieng a tlân hlak a, pawitâwklo thisen insuo dingin an inhmaw hlak; an ngaituohai chu khawhlona ngaituonahai a ni hlak a; râusanna le sietna chu an lampuia chun a um hlak.

ISAI 65:11

Nisienlakhawm, nangni Lalpa mâksana, ka tlâng inthieng theinghila, Vângneina Siemtu ta dinga dawkân buotsaia, Chantâwka Khawrêltunu dinga uoin chawkpawl sa suksip hlaktuhai;

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 11:13

Aw Juda, i khawpui ni zât ang pei el chun i pathienhai chu an um si a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 17:20

chun, an kuoma chun hril la: Nangni Juda lalhai le, Juda po pohai le, Jerusalem hluotu hi dai kawtkhâra lût hlakhai po po, Lalpa thu hi lo hre ta u:

JEREMIA 18:15

Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:17

Lampuia chun a ṭhuoi lai chea, Lalpa i Pathien i nghatsan khan, hi hi nang chun i nei tlat ni lo am a nih?

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

JEREMIA 2:34

I fênthuoa khawm mi rimsi, pawitâwklohai thisen chu hmu a ni si a; an rawk laitaka man si lovin. Hieng po po bâka hin nang chun,

JEREMIA 22:17

Amiruokchu, nanga mithai le i lungril chu inhnarna le, mi thiem thisen insuona ding le, nêksâwrna ding le, thawluina ding le, chu chu thawnaa ding chau naw chu thil dang ding a ni naw a.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 26:15

Hi hi hre ngei unla, kei in mi sukhlum chun, nangni chunga le, hi khawpui chunga le, chu chu hluotuhai chunga chun mi thiem thisen chu in intlungtir ngei ding a nih; thil dikah, Lalpa chun in na hrieta hieng thuhai po po hi hril dingin in kuomah a mi hung tir a ni si a,” tiin.

JEREMIA 26:23

Aigupta rama inthawk chun Uria chu an hung ṭhuoi a, lal Jehoiakim kuoma chun an hung ṭhuoi ta a, chun, ama chun kâwlhnâmin a that a, a ruong chu mi narânhai thlâna chun a pei lût a.

JEREMIA 44:3

lunginsennaa mi chawktho dingin an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun,

JEREMIA 5:6

Chuleiin, ramhnuoia sakeibaknei chun anni chu sukhlum a ta, zântieng huna satenehai chun anni chu suksieng an tih, chun, keitê chun an khawpuihai chu nghâk a ta, mi tukhawm chutaka inthawka suok taphawthai chu keinawiin um an ta, an bawsietnahai chu a tam êm leiin le, an hnungtawlnahai chu a hung pung ta pei leiin.

JEREMIA 7:6

mikhuolhai chu in nêksâwr naw a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

ṬAP HLA 4:13

A zâwlneihai suolnahai le a thiempuhai khawhlona, A sûnga mi fel thisen an insuona lei khan a nih.

EZEKIEL 20:26

chun, anni thilpêkhaia ngei, sul hung hawngtu taphawt meia an infethlengtirnaa chun, anni chu râusana ka siem theina ding le, a tâwpa chun Lalpa ka nih ti an mi hriet theina dingin anni chu ka sukpawrche a.

EZEKIEL 7:22

Ka hmai chu an kuoma inthawkin la hmang ka ta, ka hmun inthieng chu sukpawrchêng an tih; inru hmanghai chu a sûngah lût an ta, sukpawrchêng an tih;

EZEKIEL 8:11

An hmaa chun Israel sûngkuoa upahai sâwmsari an ngîr a, anni laia chun Saphan naupa Jaazania chu a ngîr a, mi tin chun an kutah riminhnik râwna thlêng an chawi seng a; chuongchun, riminhnik khu rim chu a hang fe a.

DANIEL 11:31

Sipaihai chu ama tieng chun ngîr an ta, Hmun Inthiengtak chu hrilsieng an ta, kulpui ngei khawm chu; chun, pumrawhmang thilinhlân zing zing chu la hmang an ta, sukrêmna intluntu tirdakumna chu sie lem an tih.

LUKA 11:50

zâwlnei po po thisen, leilung insieng tîra inthawka kha tulai ruoltharhai chunga phuba lâk a ni theina dingin.

DÂN PAHNINA 13:13

nangni laia mi dukdaklo ṭhenkhat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

DÂN PAHNINA 13:6

“I unaupa, in pa naupa amanih, in nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin a rûkin, “Pathien dang rawng bâwl ei tiu khai’ tia nang amanih, in thlatuhai la hriet naw,

DÂN PAHNINA 28:20

Lalpain in chunga in thilthaw taphawt chungah ṭawngsie dâm, buoina dâm, kâwkna dâm, hung tir a tih, tlâwm in ta, bohmang vak el in tih; in thilthawhai a suol a, in mi hnungnghat leiin.

DÂN PAHNINA 28:36

“Nangni le in lal leh, in pi le pu chena in hriet ngai naw hnam kuomah Lalpa chun ṭhuoi a ti cheu a, chutaka chun thing le lunga siem pathien dang rawng chu bâwl in tih.

DÂN PAHNINA 28:64

“Chun, Lalpa chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.

RORELTUHAI 5:8

Pathien tharhai an chel a, Daikawtkhâr bulhaia khan indona a hung um a, Israel rama mi sîng li zet laia khan Phaw le fei kha um hrim a um am a nih?