JEREMIA 19:13 - Pathien Lekhabu Inthieng (BSI)

¹³ Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 19:13 ပူးပေါင်းရင်းမြစ်များ

2 LALHAI 17:16

Chun, Lalpa an Pathien thupêk po pohai chu an nghatsan a, bâwngtê lim sung pahni an siem a; chun, Asera an siem a, vâna um po po khi an biek a, Baal rawng an bâwl hlak.

2 LALHAI 23:10

Chun, tukhawma an naunu amanih, an naupa amanih Molek puola meia an inlûttir ta nawna dingin Hinnom thlahai ruoma Topheth chu a sukbo ta bawk a.

2 LALHAI 23:12

Chun, Ahaz in sâwng chunga Juda lalhaiin maichâm an siemhai le Manassein Lalpa in inhuonna tuol sûnglai pahnia maichâm a siemhai chu lal chun a sukchim a, a suknâwi vawng a, a nâwihai chu Kidron vadungah a pei a.

2 LALHAI 23:14

Chun, lungphunhai chu a suknâwi vawng a, Aserahai chu a phûrthlûk a, chuong hmunhaia chun mihriem ru a sie ta a.

INPÂKNA HLABU 74:7

I hmun inthieng chu an raw a, I hming umna khawm chu leihnuoi ichîm khawp hielin an sukkhawhlo ta a.

INPÂKNA HLABU 79:1

Aw Pathien, hnam tin i rochana hin an lût a, I biekin inthieng hi an sukpawrche a, Jerusalem hi an sukchim rem rum a.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng a?

JEREMIA 19:12

Hi hmun hi Topheth ang ela siemin, hi hmun hluotuhai chunga le hi hmun chunga hin ka thaw ding a nih, Lalpa chun a tih.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 44:18

Amiruokchu, hi vân lalnu kuoma riminhnik raw kan mâka, dâwnmi thilinhlân buok kan mâk china chu thil iengkim kan tlasamin, ṭâmna le kâwlhnâmin a mi sukbohmang zo a ni ta hi.

JEREMIA 52:13

Lalpa in le lal in chu a raw a; Jerusalema in po pohai, in ropui takhai khawm chu meiin a raw ta a.

JEREMIA 7:18

Naupanghai chun thing an inkhâwm a, pahai chun mei an sêm a, nuhmeihai chun bei an hmet a; vân lalnu ta dinga beithlum siem dingin le, lunginsennaa an mi chawktho theina dinga pathien danghai kuoma dâwnmi thilinhlânhai dâm chu bur dingin.

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

EZEKIEL 20:28

Ka bân phara anni pe dinga ka ti, chu rama anni ka hung ṭhuoi lai chun tlâng insângtak le rampui inthim mup an hmu a, chutaka chun an inthâwina chu an inhlân ta a, chutaka chun an thilinhlân chimum chu an pêk a, chutaka chun an riminhnik khawm chu an bun bawk a.

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

THILTHAWHAI 10:9

Chun, a zînga an fe laia khaw kâwl an tlung laiin, Peter chu ṭawngṭai dingin, sûnbu fâk hun laiin, in chungah a hang lawn a.

THILTHAWHAI 7:42

Chuongchun, Pathienin a nghat san a, vâna arasihai chibai an bûk theina dingin anni a ensan ta a; Zâwlnei Lekhabua, ‘Israel chihai, thlalêra khan kum sâwmli sûngin, Sa that le ran thatin kei in mi biek am a nih?

DÂN PAHNINA 4:19

Annawleh, vân tieng in hang ngha a, nisa dâm, thla dâm, arasi dâm, vân mi hai po po dâm in hang hmu a, Lalpa in Pathienin vânkhuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.