JEREMIA 18:8 - Pathien Lekhabu Inthieng (BSI)

⁸ chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 18:8 ပူးပေါင်းရင်းမြစ်များ

2 CHANCHIN SUINA 12:6

Chun, lal tak le Israel upahai chu an insukhnuoi a, “Lalpa chu a fel a nih,” an ti a.

INPÂKNA HLABU 106:45

A thuthlung chu anni a hrietpêk zing a, A ngilneina nasatzie ang peiin a lungril ân lêt ta a.

INPÂKNA HLABU 135:14

Lalpa, chun a mihai chu ro a rêlpêkin, A siehlawhai chungthua chun a lungril ân lêt ding a ni si a.

INPÂKNA HLABU 90:13

Aw Lalpa hung kîr nâwk la, ieng chen am i lunginsen ding a na? I siehlawhai chungthua chun i lungril inlêt rawh.

FESUOKNA 32:12

Iengdingin am Aigupta mihai chun, ‘Hnuoi chunga anni sukbohmang vawng ding le tlânghaia chun anni sukhlum dingin thiltum ṭhanawtakin anni a ṭhuoi suok a,’ ti el an ti leh? I lunginsenna ṭiumtaka inthawk chun inher la, i mihai chunga hi thil ṭhanaw hi lakîr rawh.

FESUOKNA 32:14

Chun, Lalpa chun a mihai chunga thâwng ka tih tia a hril thil ṭha naw chu a lâkkîr ta a.

JEREMIA 12:16

Chun, Baal kuoma ṭawng inkhâm dinga ka mihai an inchûktir anga, “Lalpa chu a hring zing angin,” tia, ka hminga ṭawng inkhâm dinga, ka mihai lampuihai chu taimataka an inchûk chun, ka mihai laia chun anni khawm chu siempuitling nîng an tih.

JEREMIA 15:6

Nang chun i mi lo hnâwl ta a, Lalpa chun a tih: hnungtieng i lo fe ta a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 26:13

Chuleiin, tuhin in thilthawhai le in umdânhai chu siemṭha unla, Lalpa in Pathien râwl chu awi ro; chuongchun, nangni dodâla LalpaIN thil ṭha naw a lo hril ta khawm chu lamlêt a tih.

JEREMIA 26:19

Juda ram lal Hezekia le, Juda mihai po po chun ama chu an that el am a nih? Lalpa chu a ṭi a, Lalpa ditsakna chu a hni a; chuongchun, Lalpa chun an chunga thil ṭha naw a lo hril ta kha a lamlêt a ni nâwm a ni kha? Chuong a ni chun eini thlatuhai ta ding ngeiin thil ṭha nawtak ei thaw a ni ding a nih,” an ti a.

JEREMIA 26:3

Anni chun ngai an ta, mi tin chu mâni lampui suola inthawk chun an kîr el thei a nih; chuongchun, an thilthawhai suol leia an chunga thil ṭhalo thaw dinga ka tumhai khawm chu kân sîr el thei a nih.

JEREMIA 36:3

An chunga thil ṭha naw thaw ka tum chu Juda sûngkuohai chun an hrietin, an suolna chu ka ngaidam theina dingin mi tin chu mâni um dân suola inthawk chun an hung kîr rawi mawh,” tiin.

JEREMIA 42:10

Hi rama hin in chêng zing chun, ṭhiek lovin tungding ka ti cheu a, phâwi lovin phun ka ti cheu; in chunga sietna kan tlungtir hi pawi ka ti si a.

EZEKIEL 18:21

“Amiruokchu, mi rilo chu a thil suksuolhaia inthawk chun ân her hmang a, ka thuruothai chu a zâwm a, ân dik le dân ang thilhai chu a thaw chun, hring ngei a ta, thi naw nih.

EZEKIEL 33:11

An kuoma chun, ‘Ka hring zing angin, Lalpa Pathien chun hieng hin a tih; mi rilo thinaa chun lâwmna ka nei naw a; mi rilo chu a um dân a bânsan a, a hring ruok chun lâwmna ka nei a; hung kîr ro, in lampui suola inthawk chun hung kîr ro; aw Israel sûngkuo, iengdingin am thîng in ta?’ ti rawh.

EZEKIEL 33:12

Chun, nang mihriem naupa, i chipuihai thlahai kuoma chun hieng hin hril rawh; mi fel felna chun ama chu a bâwsietna nia chun sanhim naw ni a; mi rilo rîtlona thua chun, a rîtlonaa inthawka a hung kîr nia chun a rîtlonaa chun tlu naw nih; chun, mi fel chu a suksuolna nia chun a felnain hring bawk naw nih.

EZEKIEL 33:13

Mi fel kuoma chun a hring ngei ding a ni ka ti pha chun, a felna chu a ring a, suolna a thaw chun, a thil thaw felhai chu a ieng khawm hriet zing ni naw ni a; amiruokchu, a suolna a lo thaw taa chun thîng a tih.

EZEKIEL 33:14

Chun, mi rilo kuomah, ‘I thi ngei ding a nih,’ ka ti ve a; ama chu a suolnaa inthawk chun a hung kîr a, ân dik le dân thil chu a thaw chun;

HOSEA 11:8

Aw Ephraim, iengtin am thlauthla thei ka ti che a? Aw Israel, iengtin am inthla thei ka ti che a? Iengtin am Adma angin siem thei ka ti che a? Iengtin am Zeboiim angin inumtir thei ka ti che a? Ka sûnga hin ka lung hi ân lêt a, Ka lunginsietnahai chu ân mûtâi nâwk ta lem a.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

JONA 4:2

Lalpa kuoma chun a ṭawngṭai a, “Aw Lalpa⁠, ka ngên che, hi hi ni lo am a ni kan rama ka um laia ka hril kha? Hi lei hin Tarsis tieng khan ka tlân hmang a ni kha, nang chu lunginsietna hau, hremnaa inthawka inlêt nâwk hlak i ni ti ka hriet a.

DÂN PAHNINA 32:36

Lalpa chun a mihai ro a rêl ding a na, A siehlawhai khawm thawpêk a tih; An thilthawtheina inhmang a, Khuokhir le khir naw tukhawm um dêr lova a hmu pha chun.

RORELTUHAI 2:18

Lalpain rorêltuhai a siempêk pha chun Lalpa chu rorêltu kuoma chun a um a, rorêltu dam sûng chun an hmêlmahai kuta inthawk chun a sansuok pei a; anni sukrimsitu le nêksâwrtuhai leia an inrûm chun Lalpa chun za a ngai nâwk hlak a.