JEREMIA 18:6 - Pathien Lekhabu Inthieng (BSI)

⁶ “Aw Israel sûngkuo, hi bêl hemtu ang hin i chunga hin ka thaw thei ni lo am a nih? Lalpa chun a tih. Ngai ta, pilpawk chu bêl hemtu kuta a um angin, nang chu ka kuta um i nih, aw Israel sûngkuo.

JEREMIA 18:6 ပူးပေါင်းရင်းမြစ်များ

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

ISAI 64:8

Tu ruok hin chu aw Lalpa, nang chu kan pa i na; keini hi bepil kan na, nang chu a mi hemtu i na, chuongchun, kan rêng hin i kutsuok kan nih.

JEREMIA 18:4

Chun, pilpawka bêl a siem chu a him naw pha chun, bêlhemtu chun ṭha a ti ang peiin bel dangah a siem nâwk a.

JEREMIA 18:5

Chun, Lalpa thu chu ka kuomah a hung tlung a,

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbohmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsahai fâk ang chu ni raw se; ama chunga hun sarihai a fe liem hmakhat chun, ti thu an hung hril ruok hi chu,

MATTHAI 20:15

Ka ta nâknâk chu ka nuom ang anga ka thaw a thieng naw am a nih? Annawleh, kei ka ṭhat leiin nangin i thîk am a nih?’ tîn a dawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:34

Lalpa lungril chu tuin am a hriet a? A remruotpêktua khawm tu am a ṭhang ta a?