JEREMIA 18:21 - Pathien Lekhabu Inthieng (BSI)

²¹ Chuleiin, an thlahai chu ṭâm kuoma chun pe la, anni chu kâwlhnâm thilthawtheina kuoma chun pe rawh; chuongchun, an nuhmeihai chu nau bo le, hmeithaihai innitir la, an pasalhai chu thinaa sukhlum ni hai sienla, chun, an tlangvâlhai chu indonaa kâwlhnâma that ni raw hai se.

JEREMIA 18:21 ပူးပေါင်းရင်းမြစ်များ

2 CHANCHIN SUINA 36:17

Chuleichun, an chunga chun Kaldai lal a hung tir a, anni chun hmun inthienghaia chun an tlangvâlhai dâm kâwlhnâmin an that a, tlangvâl amanih, nunghâkhai amanih, upa amanih, tar amani chunga khawm lunginsietna an nei naw a, chuongchun, an rêng chun a kutah a pêk a.

INPÂKNA HLABU 63:10

Kâwlhnâm thilthawtheina kuoma pêk nîng an ta, Sihalhai chan ni tâng an tih.

INPÂKNA HLABU 63:11

Lal ruok chu Pathienah hlim a ta, Ama sâla inkhâm taphawt chun ama chu suong an tih; Khêl hril hmanghai bau chu hipin a um ding a ni si a.

FESUOKNA 22:24

ka lunginsenna chu hung lum a ta, kâwlhnâmin that ka ti che a; i nuhmei chu hmeithai nîng a ta; i nauhai chu fahra nîng an tih.

ISAI 13:18

An thalngulhai chun tlangvâlhai chu suknâwi a ta; mi rîla ra lunginsietna hrim hrim nei naw ni hai a; an mit chun naupanghai khawm hla naw nih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

ISAI 9:17

Chuleiin, Lalpa chu an tlangvâlhai chungah lâwm naw ni a, an naufahrahai le hmeithaihai chu lunginsiet bawk naw nih; an rêngin Pathien inzâ naw mi le thil ṭha naw thawtu an ni vawng a, bau po po chun thu teplo a hril seng si a. Chuong ang lâwma a thaw khawm chun a lunginsen chu a la bo chuong si naw a, a kut chu a lân let ta rawp a.

JEREMIA 12:3

Nisienlakhawm, aw Lalpa, nang chun i mi hriet a, i mi hmu a, nanga tienga chun ka lungril chu i fie a, sathattu ta dinga berâmhai ang chun kei suok la, thatna ding nia ang chun anni chu buotsai rawh.

JEREMIA 14:16

Chun, chuong mipuihai an thuhrilnahai chu ṭâmna le kâwlhnâm leiin Jerusalem kawtthlêrahai chun pei suokin um an ta; anni phûmtu ding tukhawm nei naw ni hai, anni leh, an nuhmeihai le an naupasalhai, an naunuhmeihai leh; anni chunga chun an rîtlona chu ka bunthlâk ding a ni si a.

JEREMIA 15:7

Chu ram dai kawtkhârahai chun anni chu hmaizâpin ka zâp a; an nauhai chu ka lâk hmangpêk tâwl a; ka mihai chu ka suksiet ta a; an lampuihaia inthawk chun an lamlêt chuong nawh.

JEREMIA 15:8

Tuisuorieta phaiphin nêk hmanin an hmeithaihai chu ka sukpung lem a, sûn changlai chun nuhai le tlangvâlhai chunga chun suksetu ka hung intlungtir a, amânu chunga chun ṭitnahai le lunginzîngnahai kân tlâktir thut a.

JEREMIA 50:30

Chuleiin, a tlangvâlhai chu a kawtthlêrahai chun tlûng an ta; chu ni chun a mi indo mihai po po khawm chu sukto ṭawk ṭawk nîng an tih, Lalpa chun a tih.

JEREMIA 9:21

Thina chu ei tukverhaia chun a hung a, ei in ropuihaia chun a hung lût si a,kawtthlêra inthawla tlangvâlhai le, puotienga inthawka naupanghai chu sâtthla dingin.

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

ṬAP HLA 5:3

Fahrahai le pa nei lohai kan na, Kan nuhai chu hmeithai ang an nih.

EZEKIEL 16:38

Chun, nuhmei inneina dân bawse le, mâni nau thisen insuo chunga rorêl angin i chungah rorêl ka tih; i chunga chun îtthîkna le lunginsenna thisen chu hung intlungtir ka tih.

EZEKIEL 22:25

Sakeibaknei inrûmin a sa fâk ding ân rûm khum angin, a sûnga chun a zâwlneihai chu phierrûkna a um a; mi tin hringin an fâk zo a, thil hluhai le thil rohai chu an lâk a, a sûnga chun hmeithai tamtak an siem a.

AMOS 4:10

“Aigupta ram angin nangni lai hripui ka tir a, kâwlhnâmin in tlangvâlhai chu ka that ta a, in sakawrhai ka ṭhuoi hmang tah a nih; chun, in sipai hmun rimsie chu hnâra innam khawpin kân umtir a, chuong khawm chun ka kuomah in hung kîr nawh,” Lalpa chun a tih.

DÂN PAHNINA 32:25

Puotiengah kâwlhnâmin thîng an ta, Sûngtienga chun thlabârin, Nunghâk, tlangvâl, nêne ne lai, Lua kêlsam ṭohai chenin.

2 TIMOTHE 4:14

Alexander, dâr sung thiem kha ka chungah a suol bêk bêk hlak a nih;

1 SAMUEL 15:33

Chun, Samuel chun, “I kâwlhnâmin nuhmeihai nau boa a siem angin i nu khawm nuhmei laia nau bo mi nîng a tih,” a ta. Chuongchun, Samuel chun Agag chu Gilgal khuoa chun Lalpa hmaah a sât nawi neng el ta a.