JEREMIA 18:18 - Pathien Lekhabu Inthieng (BSI)

¹⁸ Chun, anni chun, “Hung ro khai, Jeremia chunga hin thuphierrûk phier ei tih; thiempua inthawkin dânin bo ni nei naw ni a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 18:18 ပူးပေါင်းရင်းမြစ်များ

2 SAMUEL 15:31

Chun, tuin amanih David chu, “Ahithophel chu Absalom tienga ṭhangin thu phiertuhai lai a ṭhang ve,” tiin a hril a. Chun, David chun, “Aw Lalpa, Ahithophel remruot chu invêtnaa inchangtir dingin ka ngên che,” a ta.

2 SAMUEL 17:14

Chuongchun, Absalom le Israel mi po pohai chun, “Ark mi Husai remruot chu Ahithophel remruot nêk chun a ṭha lem,” an ti ta a. Lalpa chun Absalom chunga chun thil ṭha naw ân tlungtir theina dingin Lalpa chun Ahithophel remruot ṭhatak chu letthla dingin a lo ruot ta hrim a nih.

1 LALHAI 22:24

Chuongchun, Kenaan naupa Zedekia chun a hung hnai a, Mikaia bienga chun a hung ben a, “Lalpa thlarau chun i kuoma thu hril dingin khawtieng am a mi mâksan leh?” a ta.

2 CHANCHIN SUINA 24:21

Chun, ama chu an phierrûk ta a, Lalpa in inhuon tuolsûnga chun lal thupêkin an dêng hlum ta a.

JOB LEKHABU (THE BOOK OF JOB) 5:13

Mi varhai chu an var vervêknain a âwk a; Mi vervêkhai inrâwnna chu a letlingin a siem hlak.

INPÂKNA HLABU 21:11

I chunga khan thil suol thaw an tum si a, Thil suol an ngaituo suok a, an thaw thei si nawh.

INPÂKNA HLABU 52:2

Thil suol tak thaw i suongtuo hlak a, I lei chu rêpvâw chem ngeitak ang a na, Khêlhlip a sâksuok hlak.

INPÂKNA HLABU 57:4

Ka hringna hi sakeibaknei laiah a um a, Mihriem nauhai fa zo hmangtuhai laia chun ka zâl a. Chuonghai hahai chu fei le thalhai an nih; An lei chu kâwlhnâm ngeitak a nih.

INPÂKNA HLABU 64:3

Chuonghai chun kâwlhnâm angin an lei an tâtngei a, An thal, thu khahai chun an tin hlak;

THUVARHAI 18:21

Thina le hringna hi lei thilthawtheinaa um an na, Achu hmangaitu chun chutaka inthawka ra chu fâng a tih.

ISAI 32:7

Mi vervêk thuomhnawhai chu ṭha nawtak a na; pasiehai chun thu dik an hril khawmin mi rimsihai chu khêl thua sukbohmang dingin ama chun thil suol thaw dingin a ngaituo hlak.

JEREMIA 1:19

Chuongchun, do an ti che a; amiruokchu, hne naw ni hai che; nangma sanhim ding chein i kuomah ka um si a, Lalpa chun a tih,” tiin.

JEREMIA 11:19

Nisienlakhawm, berâmte zainêm a thattu hmaa ṭhuoia um ang chu ka na, “Thing chu chutaka a ra le chun suksieng ei ta, ama chu mi hring rama inthawk chun tuthlâr ei ta, a hming chu hriet zing a ni nawna dingin,” tia, ka chunga thu phierrûk an phier khawm chu ka lo hriet naw a.

JEREMIA 18:11

Chuleiin, tuhin fe la, Jerusalem hluotuhai le Juda rama mihai kuoma chun thu hril la, ‘Lalpa chun hieng hin a tih: Ngai ta u, in chungah thil ṭha naw ka riruong a, in chungah phierrûkna ka phierrûk a, tuhin mi tin mâni lampui rilo senga inthawk chun hung kîr raw se; chuongchun, in thilthawhai le in lampuihai chu siem ṭha ro,’ tiin.

JEREMIA 18:19

Aw Lalpa, mi hung ngaisak la, keia mi kaltuhai râwl chu lo ngai ta.

JEREMIA 2:8

Thiempuhai khawm chun, “Lalpa kha khaw lai am a um a?” khawm an ti naw a; dân hmangtuhai hlak chun an mi hriet bawk nawh: rorêltuhai khawm chun ka chungah an bawsiet a, zâwlneihai khawm chun Baal hmangin thu an hril a, thil a hlâwkna um dêr lohai chu an hnawt ta lem a.

JEREMIA 20:10

Sîr tina ṭium le, mi tamtakhai hrilsietna chu ka hriet a. Ka ruol, hmêlhriettakhai, ka tlûk nghâktuhai chun, “Hril se ro, ama chu hrilsieng ei ta, ama chu ailâkin um a ta, ama chu hnêng ei ta, ama chunga chun ei phuba chu lâng ei tih,” an ti a.

JEREMIA 26:11

Chun, thiempuhai le zâwlneihai chun lalhai le mipuihai po po kuoma chun, “Hi mipa hi thi tlâk a nih, in nahaia in hriet ta ang ngei khan hi khawpui siet ding thu a hril a nih,” tiin an hril a.

JEREMIA 37:13

Ama chu Benjamin dai kawtkhâra a um lai chun, vêngtu sipai hotu chutaka chun a lo um a, a hming chu Hanania naupa Selemia naupa Irija a nih; ama chun, “Kaldaihai kuomah în pe a nih,” tiin zâwlnei Jeremia chu a man ta a.

JEREMIA 43:2

Hossia naupa Azaria hai, Karea naupa Johanan hai, mi chapo po pohai chun Jeremia kuomah thu an hril a “Thukhêl i hril dêr a nih: ‘Chutaka va mikhuol dingin, Aigupta rama chun in fe ding a ni nawh,’ ti dingin Lalpa kan Pathien chun a hung tir naw che a;

JEREMIA 44:16

“Lalpa hminga kan kuoma i thuhril chungthua chun, i thu chu ngai naw ning ungah.

JEREMIA 44:17

Amiruokchu, kan baua thu suok po pohai, vâna lalnu kuoma riminhnik raw ding dâm, a kuoma dâwnmi thilinhlân buok ding dâm, Jerusalem kawtthlêrhaia le Juda ramhaia, keini le kan thlatuhai le, kan lalhai le kan rorêltuhai leh kan lo thaw ta hlak ang khan thaw ngei kan tih; chuong lai chun fâk ding tinrêng kan neiin, a ṭha hlea, a sietna kan hmu nawh.

JEREMIA 8:8

Iengtiziein am, “Kan var a, Lalpa dân chu kan kuomah a um annâwm” in ti a na? Nisienlakhawm, ngai ta u, lekhaziektuhai ziekhmawl indik naw chun indik lotakin a lo thaw ta a.

ṬAP HLA 3:62

Ka chunga hung ṭuongtuhai hmûr le, ni tin tina ka chunga an ngairuotnahai chu.

EZEKIEL 7:26

Sietna chunga siet nâwk zuolna hung tlung a ta, thuthang chunga chun thuthang um a ta; chun, zâwlnei thilhmulâwkhai chu zawng an ta, nisienlakhawm, thiempua inthawkin dân le, mi hluihaia inthawkin thurâwn chu bohmang tâng a tih.

LEVI DÂN 10:11

Lalpain Mosie hmanga an kuoma a hril, thupêkhai po po chu Israel mipuihai în chûktir theina dingin nîng a tih,” tiin.

MIKA 3:6

Chuleiin, inlârna bo hiel dingin in kuomah zân hung tlung a ta, hrillâwkna um thei nawna khawpin in kuomah inthimna hung tlung a tih; zâwlneihai ta ding chun nisa liem a ta, sûn khawm an chunga chun khaw inthim nîng a tih.

MIKA 3:7

Hmutheituhai chu inzak an ta, aisânthiemhai chu muolpho an tih; anih, an rêngin an hmûr hup an tih; Pathien dawnna a um si naw a.

MALAKI 2:7

Thiempu hmûrhai chun hrietthiemna a vawng ding a na, a baua inthawk chun miin dân chu an zawng ding a ni si a: ama chu sipaihai Lalpa mitir chu a ni si a.

LUKA 11:45

Chun, Dânhretu pakhatin a kuomah, “Inchûktirtu, hieng thu i hril hi keini khawm mi hal i ni hi,” a ta, a dawn a.

JOHAN 9:40

Chun, a kâwla Pharisai umhai chun chuong thu chu an hriet a, a kuomah, “Keini khawm hi mitdel kan ni ve am a nih?” an ta.