JEREMIA 18:15 - Pathien Lekhabu Inthieng (BSI)

¹⁵ Ka mihai chun an mi theinghil a, teplo kuoma chun riminhnik chu an lo raw ta si a; chun, anni chun an lampuihaia chun an insui thlûktir a, tienlaia lampuihai, lampui rûka fe dingin, lam tluongpui nilovah chun;

JEREMIA 18:15 ပူးပေါင်းရင်းမြစ်များ

NEHEMIA 9:17

an awi nuom naw a, anni laia i thilmak thawhai khawm chu an hriet nuom ta bawk naw a; an insukkâwmaw a, an helin an suok nina tienga lêt nâwk dingin hotu an ruot lem a; amiruokchu, nang chu ngaidam dinga inzosa zing Pathien, mi lunginsiet thei, lainatnaa sip, lung inuoi, zainêmna hau i na, anni chu i nghatsan chuong naw a.

ISAI 3:12

Ka mihai chu anni nêksâwrtuhai hi naupang an ni ta a, nuhmeihaiin an chungah ro an rêl a. Aw ka mihai, in ṭhuoituhai chun an ṭhuoi suol cheu a, in fena lampuihai chu an suksiet hlak.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

ISAI 57:14

Chun, ama chun, “Sung pâwng ro, sung pâwng ro, lampui buotsai ro, ka mihai lampuia an tlûkna ding chu pei ro,” tîng a tih.

ISAI 62:10

Suok unla, kul kawtkhârahai chun suok ro; mihai ta dingin lampui buotsai unla, sung pâwng unla, lamlien chu sung pâwng ro; lunghai chu rût fai unla, mihai ta dingin inchikna târ suok ro.

ISAI 65:7

nangni khawhlona le in puhai khawhlona chu, Lalpain a tih, chuonghai chun tlâng lien chungahai thil rim inhnik an raw a, tlâng chungahai chun ka hming an hrilsiet hlak; chuleiin, an sinthaw chu a hmasatakin an ângsûngah inkhipêk ka tih.

ISAI 9:16

Hieng mihai ṭhuoituhai hin an ṭhuoi suol hlak a nih, an iṭhuoihai chu sukbohmangin an um hlak a nih.

JEREMIA 1:16

Chun, an khawhlonahai thuah anni kalin ka rorêlnahai chu hrilsuok ka tih, kei mi mâksana, pathien danghai kuoma riminhnik raw a, an kut sinthawhai ngei chu chibai an lo bûk ta leiin.

JEREMIA 10:15

Thil teplo, sinthaw nuizatum an nih; hrem an ni pha chun bohmang an tih.

JEREMIA 11:12

Chun, Juda khawpuihai le, Jerusalem hluotuhai chu, riminhnik an inhlânna pathienhai kuoma chun fêng an ta, ko an tih; nisienlakhawm, chuonga an buoi lai huna chun anni chu sandam ngai hrim hrim naw ni hai.

JEREMIA 11:13

Aw Juda, i khawpui ni zât ang pei el chun i pathienhai chu an um si a; Jerusalem kawtthlêr zât zâtin inzâpuiumtakin mâichâmhai, Baal kuoma riminhnik rawna ding ngei chu, i lo siem ta bawk a.

JEREMIA 11:17

Sipaihai Lalpa, nangni phuntu cheu chun Israel sûngkuo le Juda sûngkuoin Baal hmaa riminhnikhai inhlân a, mi suklungsen dinga anni ta dinga thilsuol an lo thaw ta leiin i chungah thil ṭha naw chu a hril lang tah a nih.

JEREMIA 13:25

Hi hi i chan tâwk, keima kuoma inthawka, i chan dinga ruot chu a nih; Lalpa chun a tih; kei i mi theinghil ta a, thil dik lo chu i lo ring ta lei khan.

JEREMIA 16:19

Aw Lalpa, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung naw a,” hung tîng an tih.

JEREMIA 17:13

Aw Lalpa, Israel beisei, nangma nghatsantuhai che chu inzak an tih; nangma mâksantuhai chu, Lalpa, tuihring tuikhur chu an nghatsan tâk leiin hnuoia chun ziek nîng an tih.

JEREMIA 18:14

Lebanon vûr chun ramhnuoi lungpui chu a mâksan ding am a nih? Annawleh, tui dei ram hlataka inthawka hung luong thlahai chu a kang el ding am a nih?

JEREMIA 19:5

Baal bâwlhmunhai chu an bâwl a, Baal kuoma pumrawhmang thilinhlân dinga an naupasalhai râwna dingin; chu chu thu ka pêk hlek naw a, hril khawm ka hril naw a, ka lungrila khawm a hung lût ngai nawh;

JEREMIA 2:13

Ka mihai chun thil ṭha naw pahni chu an thaw ta si a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 2:32

Nunghâk chun ân cheina thuomhnaw chu a theinghilin, mo chun a mo puon chu a theinghil thei am a nih? Ka mihai ruok chun nihai tiem sêng lova inthawk tah an mi theinghil a nih.

JEREMIA 3:21

Bâwlhmun tlângahai chun râwl hriet a na; Israel nauhai ṭapna le hnina chu; chu chu lei chun an lampui chu an lo sukhran ta a, Lalpa an Pathien chu an theinghil tah a nih.

JEREMIA 44:25

sipaihai Lalpa, Israel Pathien chun hieng hin a tih: Nangni ni leh, in nuhmeihai ni leh in bauin thu in hril a, in kuthaiin in sukpuitling pei a, ‘Vân lalnu kuoma riminhnik raw ding le, a kuoma dâwnmi thilinhlânhai chu buok dingin, thutiem ei tiem tahai ei thaw ngei ding a nih,’ tiin; chuong a ni chun, in thutiem chu sukpuitling unla, in thutiemhai chu thaw ro chu!

JEREMIA 51:18

Teplo el an nih, thil suol sinthaw, anni chu hrem an ni pha chun bohmang an tih.

JEREMIA 6:16

Lalpa chun hieng hin a tih: Lampuiahai chun ngîr unla, en ta u, lampui ṭha hluihai chu indawn unla, “lampui ṭha chu khâw lai am a na; chu chu hraw unla, in thlarau ta dingin châwlna hmûng in tih,” tiin;

JEREMIA 7:9

Inruin, tuolthatin, uirein, khêla inkhâmin, Baal hmaa chun riminhnik rawin pathien in hriet nawhai chu zuiin,

EZEKIEL 21:15

An dâi kawtkhârhai po poah chun kâwlhnâm inzum chu kân nghat a, an lungrilhai chu a hung intui a, mi tamtak an tlûk theina dingin. E, kâwlinlep anga siem a ni chu aw! dettaka chel a ni ta a.

EZEKIEL 36:15

chun, hnamhai inzakna chu inhriettir ta ngai bawk naw ning che a, hnamhai kâwkna chu phur ngai ta bawk naw ti ni; chun, i hnamhai chu insuithlu dingin siem nâwk ta ngai bawk naw ti ni, Lalpa Pathien chun a tih,” tiin.

HOSEA 11:2

Ka ko râwn po leh an mi hlat zuol det a, Baalhai kuomah an inthâwi zing a. Mi lim siem fâwmhai kuomah riminhnik an raw lem a nih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

HOSEA 2:6

Chuleiin, ngai ta, i lampui chu hlingin hruk ka ta, Ama dang dingin dai sak ka ta, A lampuihai chu hmu naw nih.

MALAKI 2:8

Amiruokchu, nangni chu lampuia inthawk chun in pêt hmang a, mi tamtak chu dâna chun in insuithlûktir a; Levi kuoma thuthlung chu in suksiet tah a nih, sipaihai Lalpa chun a tih.

MATTHAI 15:6

a nu amanih, a pa amanih a chawi-mawi ding a ni nawh’ in ti hlak a. Chuongchun, in thurosie leiin Pathien thu chu in baw hmang tah a ni hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:21

I unau tlûkna ding a ni chun, sa fâk lo dâm, uoin dâwn lo dâm, thil iengkhawm thaw lo a ṭha lem a nih.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril khawp lohai leh inthîktir ka ta, Hnam invêthai hmangin suklungsen ka tih.