JEREMIA 18:13 - Pathien Lekhabu Inthieng (BSI)

¹³ “Chuleiin, Lalpa chun hieng hin a tih; Hnamhai laia chun indawn unla, hieng ang thilhai hi hre hlak an um am; Israel nunghâk inthieng chun thil râpthlâktak el chu a lo thaw ta a.

JEREMIA 18:13 ပူးပေါင်းရင်းမြစ်များ

ISAI 36:22

Chuongchun, lal sûnghai chunga hotua um Hilkia naupa Eliakim hai, lekhaziektu Sebna hai, chanchin ziektu Asaph naupa Joa hai chu silfên keithlêr inbelin Hezekia kuoma chun an hung tlung a, Rabsake thuhrilhai chu an hril ta a.

ISAI 66:8

Chuong ang chu tuin am a hriet hlak a? Chuong ang chu tuin am a hmu hlak a? Ni khatah ram a pieng thut dîm a nih? Vawilekhatah hnam a pieng thut dîm a nih? Zion chun nauhase ân vawi phing chun nau chu a nei el ta si a.

JEREMIA 14:17

Chun, an kuoma chun hieng thu hi hril rawh: Sûn le zâna khawm ka mithai chu mitthliin luong thla raw se; ma lo tawpin; ka chipui naunu inthieng chu hliemna nasatakin, pawpna nasataka suknawiin a um a.

JEREMIA 18:14

Lebanon vûr chun ramhnuoi lungpui chu a mâksan ding am a nih? Annawleh, tui dei ram hlataka inthawka hung luong thlahai chu a kang el ding am a nih?

JEREMIA 23:14

Jerusalema zâwlneihaia khawm thil râpthlâktak ka hmu a; anni chun uiretna thil an thaw a, thukhêlah an fe a, thilsuol thawtu kut chu an sukhrât a, chuongchun, tukhawm an khawhlonaa inthawkin an kîr nawh; an rêng el chun ka ta ding chun Sodom ang an na, chutaka a hluotuhai chu Gomorra ang an nih.

JEREMIA 31:4

Bâwl nâwk ka ti che a, bâwlin um i tih, Aw Israel nunghâk inthieng. Khuong têhai leh inthuom nâwk i ta, hlimna siema lâmtuhai lai chun fe suok i tih.

JEREMIA 5:30

Hi rama hin thil maktak le thil ṭiumtak chu a hung tlung ding a nih;

ṬAP HLA 1:15

Keimaa ka mi hrâthai po po chu Lalpa chun iengkhawm loah a siem a, Ka tlangvâlhai sukse dingin ka chungah pungkhâwmhai a ko a; Juda nau nunghâk inthieng chu Lalpa chun uoin sâwrnaa angin a chîl a.

HOSEA 6:10

Israel sûngkuoa chun thil râpthlâktak ka hmu a, Ephraima chun nawchizawrna a um a, Israel chu sukpawrchein a um a nih.

AMOS 5:1

Aw, Israel chihai, hi thu nangni sûnna dinga ka hril hi hre ro:

AMOS 5:2

“Nunghâk, Israel chu a tlu ta a, ngîr nâwk ta naw nih: a ram chunga chun pei thlâk a ni tah a nih, ama chu inngîrtir dingin tukhawm an um nawh.”

1 KORINTH 5:1

Nangni lai inditna pawrche a um ti ân thang veng vung a nih, chuong ang inditna chu Jentailhai lai hmana um ngai lo, nangni laia mi pakhatin mâni pa nuhmei a nei kha.

1 SAMUEL 4:7

Chun, Philistin mihai chun an ṭi ta a, “Riekhmuna chun Pathien a hung a ni ta chu teh,” an ti a. “Ei chung a rik ie, kha hma khan chuong ang chu a um ngai si naw a.